ПЛАЧ 3:26 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁶ Добра ёсць моўчкі чакаць збаўлення Госпадава.

Біблія (пераклад А.Бокуна)

²⁶ Добра мець надзею і маўкліва [чакаць] збаўленьня ад ГОСПАДА.

Біблія (пераклад В. Сёмухі)

²⁶ Добра таму, хто цярпліва чакае ратунку ад Госпада.

ПЛАЧ 3:26 Крыжаваныя спасылкі

ПСАЛТЫР 37:7

ДАЛЕТ. Скарыся ў Госпадзе і ўскладзі на Яго ўсю надзею; не зайздросць таму, хто мае шанец на шляху сваім, чалавеку, які чыніць падкопы.

ПСАЛТЫР 37:34

КОФ. Чакай Госпада і пільнуй шлях Яго, і Ён узвысіць цябе, каб атрымаў ты ў спадчыну зямлю; калі будуць знішчаны грэшнікі, ты ўбачыш.

ПСАЛТЫР 130:5

Пакладаюся на Госпада; трымалася душа мая слова Яго;

ГАБРЭЯЎ 10:35

Дык не пакідайце мужнасці вашай, якая мае вялікую ўзнагароду.

БЫЦЦЁ 49:18

Чакаць буду, Госпадзе, збаўлення Твайго!

1 ПЯТРА 1:13

Для гэтага, падперазаўшы сцёгны вашага розуму, чуваючы, майце моцную надзею на ласку, прызначаную вам у аб’яўленні Ісуса Хрыста.

ГАБРЭЯЎ 3:14

Бо мы сталіся супольнікамі Хрыста, калі толькі пачатак існавання аж да канца цвёрда захаваем,

ІСАІ 30:15

Бо гэта сказаў Госпад Бог, Святы Ізраэлеў: «У навяртанні і супакоі будзеце збаўлены, у зацішшы і ў надзеі будзе сіла ваша». Але вы не хацелі,

ПСАЛТЫР 119:166

Маю надзею на дапамогу Тваю, Госпадзе, і выконваю загады Твае.

ПСАЛТЫР 119:174

Запрагнуў я збаўлення Твайго, Госпадзе, і закон Твой — асалода мая.

2 ЛЕТАПІСАЎ 20:17

Гэта не вы маеце ваяваць; а толькі смела станьце і ўбачыце дапамогу Госпада для вас, о Юдэя і Ерузалім! Не бойцеся і не палохайцеся: заўтра выйдзеце супраць іх, і Госпад будзе з вамі».

ПСАЛТЫР 54:6

А вось Бог падтрымлівае мяне, Госпад — абаронца душы маёй.

ПСАЛТЫР 52:9

«Вось жа чалавек, які не прызнаў Бога сваім прыстанішчам, але надзею сваю паклаў у вялікім багацці сваім, і ўздужэў у злачынствах сваіх».

ПСАЛТЫР 73:28

Мне ж добра быць блізка да Бога, мець у Госпадзе Богу прытулак сабе. Абвяшчу пра ўсе справы Твае ў брамах Сіёна.

ГАЛЯТАЎ 4:18

Добра рупіцца аб добрым заўсёды, а не тады толькі, калі я знаходжуся паміж вас;

ІСАІ 30:7

Егіпет бо надарма і напуста будзе падаваць успамогу; таму называю яго Рагаб — бяздзейсны.

ПСАЛТЫР 92:1

Псальм. Песня. На дзень шабату.

ВЫХАД 14:13

Але Майсей сказаў народу: «Не бойцеся; стойце на месцы і ўбачыце збаўленне Госпада, якое ўчыніць Ён вам сёння; бо егіпцян, якіх цяпер бачыце, ужо ніколі не ўбачыце да веку.

ІСАІ 7:4

і скажы яму: “Глядзі, каб маўчаў, не палохайся і хай тваё сэрца не трывожыцца дзеля гэтых двух хвастоў дымных галавешак, з прычыны шалёнай злосці Разіна, і Сірыі, і сына Рамэліі,

ЕРАМІІ 14:22

Ці ёсць сярод багоў паганскіх такія, што маглі б паслаць дождж? Ці, можа, нябёсы самі могуць даць ліўні? Ці ж не Ты — Госпад, Бог наш, Якога мы чакаем? Ты ж учыніў усё гэта».

ПЛАЧ 3:27

Добра чалавеку, калі б нёс ярмо ад сваёй маладосці.

ВЫХАД 14:14

Госпад будзе ваяваць за вас, а вы будзьце спакойнымі».

ПСАЛТЫР 62:2

Толькі ў Богу спачні, душа мая, бо ад Яго — збаўленне маё.

АБАКУМА 2:3

Бо гэтае бачанне на вызначаны час, але здзейсніцца яно ў канцы, не падмане; хоць і замарудзіць, але чакай яго, бо яно споўніцца абавязкова.