ПЕСЬНЯ 1:10 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁰ Мы зробім табе залатыя завушніцы са срэбранымі ўкрапінамі».

Біблія (пераклад А.Бокуна)

¹⁰ Прыгожыя шчочкі твае пад кляйнотамі, шыя твая — у каралях.

Біблія (пераклад В. Сёмухі)

¹⁰ зробім табе залатыя падвескі са срэбнымі іскрамі.

ПЕСЬНЯ 1:10 Крыжаваныя спасылкі

БЫЦЦЁ 24:22

А калі вярблюды напіліся, дастаў той чалавек залаты кольчык у нос, паўсікля вагой, і два залатыя бранзалеты на рукі яе, дзесяць сікляў вагой,

БЫЦЦЁ 24:47

І спытаўся ў яе і сказаў: “Чыя ты дачка?” Яна адказала: “Я — дачка Бэтуэля, сына Нахора, якога нарадзіла яму Мілка”. Дык павесіў я кольчык у ноздры яе і ўсклаў бранзалеты на рукі яе.

БЫЦЦЁ 24:53

Затым, дастаўшы срэбраныя і залатыя рэчы ды шаты, даў іх Рэбэцы, і даў каштоўныя рэчы брату яе і маці.

БЫЦЦЁ 41:42

І зняў фараон свой пярсцёнак з пальца і ўздзеў яго на палец Язэпа, і загадаў апрануць яго ў шаты з найчысцейшага лёну, і павесіў яму на шыю залаты ланцуг.

ВЫСЛОЎІ 1:9

бо яны — вянок годнасці на галаве тваёй і каралі на шыі тваёй.

ПЕСЬНЯ 1:11

«Пакуль валадар быў за сталом сваім, нард мой разліваў водар свой.

ПЕСЬНЯ 4:9

Параніла ты сэрца маё, сястра мая, нявеста, параніла ты сэрца маё адным позіркам вачэй тваіх і аднымі каралямі на шыі тваёй.

ПЕСЬНЯ 5:13

Шчокі яго — як кветнікі водараў, грудкі пахаў паблізу раўнюткіх ручаёў; вусны яго — лілеі, з якіх сцякае найлепшая міра.

ІСАІ 61:10

Буду радавацца радасцю ў Госпадзе, і ўзвесяліцца душа мая ў Богу маім, бо апрануў Ён мяне ў шаты збаўлення і агарнуў Ён мяне вопраткаю справядлівасці, як сужэнца, аздобленага вянцом, і як сужэнку, упрыгожаную каштоўнасцямі яе.

ЛІКІ 31:50

Дзеля гэтае прычыны прыносім мы ў ахвяру Госпаду ўсе знойдзеныя вырабы з золата: нажныя ўпрыгожванні і бранзалеты, пярсцёнкі і завушніцы, і каралі для ачышчэння душ нашых перад Госпадам».

1 ПЯТРА 3:4

але схаваны ў сэрцы чалавек у лагоднасці і спакойнасці духа, што вельмі каштоўна ў вачах Божых.