НЭЭМІІ 5:9 - Кнігі Святога Пісання - Біблія - Біблія — пераклад Чарняўскага (выданне 2017 года)

⁹ І сказаў я ім: «Нядобрая тая справа, што вы робіце. Чаму вы не ходзіце ў страху Бога нашага, каб не ўпікалі нам пагане, ворагі нашы?

Біблія (пераклад А.Бокуна)

⁹ І я сказаў: «Нядобрая рэч, якую вы робіце. Ці ж ня ў страху Бога нашага павінны вы хадзіць, каб пазьбегнуць ганьбаваньня ад паганаў, ворагаў нашых?

Біблія (пераклад В. Сёмухі)

⁹ І сказаў я: нядобра вы робіце. Ці ж ня ў страху Бога нашага павінны хадзіць вы, каб пазьбегнуць наганы ад народаў, ворагаў нашых?

НЭЭМІІ 5:9 Крыжаваныя спасылкі

БЫЦЦЁ 20:11

Абрагам адказаў: «Я разважаў так: на гэтым месцы, напэўна, няма страху Божага, дык заб’юць мяне з-за жонкі маёй.

БЫЦЦЁ 42:18

На трэці дзень, вывеўшы іх з вязніцы, сказаў: «Рабіце, што загадаў, і будзеце жыць, бо я баюся Бога.

2 ЦАРСТВАЎ 12:14

Але, паколькі ты даў праз гэта магчымасць плявузгаць ворагам Госпада, сын, які народзіцца ў цябе, памрэ».

НЭЭМІІ 4:4

Пачуй, Божа наш, як сталіся мы ў пасмяянне! Павярні ганьбу іх на іх галаву, ды аддай іх на пасмяянне ў зямлі няволі!

НЭЭМІІ 5:10

І я, і мае браты, і мае паслугачы пазычылі вельмі многім грошы і збожжа; мы даруем ім гэтыя працэнты.

НЭЭМІІ 5:15

Ранейшыя ж кіраўнікі, якія былі перада мною, накладалі на народ цяжары і бралі ад іх штодзень замест хлеба сорак сікляў срэбра; але і паслугачы іх прыгняталі народ. Я ж не рабіў гэтага дзеля страху Божага,

ПСАЛТЫР 90:11

Хто зразумеў вялікасць Твайго гневу і сілу абурэння Твайго?

ВЫСЛОЎІ 16:29

Несправядлівы чалавек ашуквае сябра свайго і вядзе яго на нядобрую дарогу.

ВЫСЛОЎІ 17:26

Нядобра караць справядлівага і біць кіраўніка за слушнасць.

ВЫСЛОЎІ 18:5

Нядобра прымаць чалавека бязбожнага, каб пахіснуць справядлівага ў законнасці яго.

ВЫСЛОЎІ 19:2

Дзе няма ведаў, душы няма дабра, і хто паспешлівы ў нагах — памыляецца.

ВЫСЛОЎІ 24:23

І гэта таксама ёсць у мудрых: вылучаць чалавека на судзе — нядобра.

ЕЗЭКІІЛЯ 36:20

І апынуліся яны ў паганаў, да якіх прыйшлі, і зняважылі яны святое імя Маё, калі аб іх казалі: “Гэта народ Госпадаў, і мусілі яны выселіцца з Яго”.

ЛЯВІТ 25:36

Не бяры ад яго працэнтаў, ані ліхвы таго, што ты даў. Бойся Бога твайго, каб брат твой мог жыць у цябе.

ДЗЕІ 9:31

Тым часам царква мела супакой ва ўсёй Юдэі, Галілеі і Самарыі, будавалася і хадзіла ў страху Госпадавым і ў пацяшэнні ад Духа Святога ўзрастала.

РЫМЛЯНАЎ 2:24

Як напісана: «З-за вас паміж паганаў блюзняць на імя Божае».

1 ЦІМАФЕЯ 5:14

Таму хачу, каб маладыя выходзілі замуж, нараджалі дзяцей, кіравалі домам, не давалі аніякай падставы ворагу для знеслаўлення.

ЦІТА 2:5

былі разумнымі, чыстымі, гаспадарнымі, лагоднымі, паслухмянымі мужам сваім, каб не зневажалася імі слова Божае.

1 ПЯТРА 2:12

Паводзіны вашы сярод паганаў хай будуць добрыя, каб тыя, што ставяцца да вас як да злачынцаў, бачачы вашы добрыя ўчынкі, славілі Бога ў дзень адведзінаў.

1 ЦАРСТВАЎ 2:24

Перастаньце, сыны мае; не добрая бо гэта слава, пра якую я чую, што разбэшчваеце вы народ перад Госпадам.