МАЦЬВЕЯ 5:45 - Кнігі Святога Пісання - Біблія - Біблія — пераклад Чарняўскага (выданне 2017 года)

⁴⁵ каб сталіся вы сынамі Айца вашага, Які ёсць у небе, бо Ён чыніць, каб сонца Яго ўзыходзіла над добрымі і ліхімі, і дождж пралівае над справядлівымі і несправядлівымі.

Біблія (пераклад А.Бокуна)

⁴⁵ каб сталіся вы сынамі Айца вашага, Які ў небе, бо Ён узьнімае сонца Сваё над добрымі і злымі і спасылае дождж на праведных і няправедных.

Біблія (пераклад В. Сёмухі)

⁴⁵ каб сталіся вы сынамі Айца вашага, Які ёсьць у нябёсах; бо Ён загадвае сонцу Свайму ўзыходзіць над ліхімі і добрымі і пасылае дождж на праведных і няправедных.

МАЦЬВЕЯ 5:45 Крыжаваныя спасылкі

ЁВА 25:3

Ці ёсць лік войскам Яго? І над кім не ўзыдзе святло Яго?

ПСАЛТЫР 145:9

ТЭТ. Ласкавы Госпад да ўсіх, і літасць Яго — над усімі справамі Яго.

ЕРАМІІ 5:24

ды не сказалі ў сэрцы сваім: “Давайце шанаваць Госпада, Бога нашага, Які дае нам у свой час дождж ранні і позні, захоўвае для нас сталыя тыдні жніва”.

МАЦЬВЕЯ 5:9

Шчасныя міратворцы, бо іх назавуць сынамі Божымі.

ЛУКАША 6:35

Вы ж любіце непрыяцеляў вашых і добра ім рабіце, і давайце пазыку, нічога назад не спадзеючыся; і ўзнагарода ваша будзе вялікай, і вы будзеце сынамі Узвышняга, бо Ён спагадны і да няўдзячных і благіх.

ЯНА 13:35

Па тым пазнаюць усе, што вы – Мае вучні, калі будзеце мець любоў адзін да аднаго».

ДЗЕІ 14:17

але не пераставаў сведчыць аб Сабе, чынячы дабро, даючы нам дажджы, урадлівую пару, напаўняючы ежай і радасцю сэрцы нашы».

ЭФЭСЯНАЎ 5:1

Дык будзьце паслядоўнікамі Бога, як сыны найдаражэйшыя,

ПІЛІПЯНАЎ 2:15

каб вам быць без заганы і чыстымі, дзецьмі Божымі без віны паміж народа сапсаванага і крывадушнага, пасярод якога свеціце, як светачы ў свеце,

1 ЯНА 3:9

Кожны, хто нарадзіўся ад Бога, не ўчыняе граху, бо застаецца ў ім семя Яго; і не можа ён грашыць, бо нарадзіўся ад Бога.