МАЦЬВЕЯ 23:12 - Кнігі Святога Пісання - Біблія - Біблія — пераклад Чарняўскага (выданне 2017 года)

¹² Бо хто сябе ўзвышае, той будзе прыніжаны, а хто сябе прыніжае, будзе ўзвышаны.

Біблія (пераклад А.Бокуна)

¹² Усякі ж, хто ўзвысіць сябе, паніжаны будзе, а хто паніжае сябе, будзе ўзвышаны.

Біблія (пераклад В. Сёмухі)

¹² бо хто ўзвышае сябе, той паніжаны будзе; а хто паніжае сябе, той узвысіцца.

МАЦЬВЕЯ 23:12 Крыжаваныя спасылкі

ЁВА 22:29

Бо Ён паніжае таго, хто гаворыць пыхліва, а хто апускае вочы, той будзе збаўлены.

ПСАЛТЫР 138:6

бо высокі Госпад і спагадае пакорнаму, а ганарыстага пазнае здалёк.

ВЫСЛОЎІ 15:33

Страх Госпадаў — настаўленне мудрасці, а славе папярэднічае пакора.

ВЫСЛОЎІ 29:23

Пыхлівасць чалавека панізіць яго, а пакорлівы духам здабудзе славу.

ІСАІ 57:15

Бо гэта кажа Высокі і Узвышні, Які пражывае ў вечнасці, а імя Яго — святое: «На вышіні і ў святым месцы, жыву Я, ды разам з засмучанымі ды пакорнымі духам, каб ажывіць дух пакорных і ажывіць сэрца засмучанае.

МАЦЬВЕЯ 18:4

Дык вось, хто ўпакорыцца, як гэта дзіця, той большы ў Валадарстве Нябесным.

МАЦЬВЕЯ 5:3

«Шчасныя ўбогія духам, бо іх Валадарства Нябеснае.

ЛУКАША 14:11

Бо кожны, хто сябе ўзвышае, будзе паніжаны, а хто сябе паніжае, будзе ўзвышаны».

ЛУКАША 18:14

Кажу вам: гэты вярнуўся дамоў больш апраўданым, чым той: бо кожны, хто ўзвышаецца, будзе прыніжаны, а хто прыніжаецца, будзе ўзвышаны».

ЯКАВА 4:6

Дык большую дае ласку паводле таго, як кажа: «Бог супрацівіцца пыхлівым, а пакорлівым ласку дае».

1 ПЯТРА 5:5

Таксама і вы, юнакі, будзьце паслухмяныя старэйшым. Усе ўзаемна, падпарадкоўваючыся адзін аднаму, апраніцеся ў пакору, бо Бог пыхлівым супрацівіцца, а пакорлівым ласку дае.

1 ПЯТРА 5:6

Дык скарыцеся пад магутнай рукой Бога, каб вас узвысіў у свой час.