МАЦЬВЕЯ 20:28 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁸ Падобным чынам і Сын Чалавечы не прыйшоў, каб Яму служылі, але каб Ён служыў ды аддаў душу Сваю як адкупленне за многіх».

Біблія (пераклад А.Бокуна)

²⁸ як і Сын Чалавечы не прыйшоў, каб Яму служылі, але каб паслужыць і аддаць душу Сваю на адкупленьне многіх».

Біблія (пераклад В. Сёмухі)

²⁸ бо Сын Чалавечы ня прыйшоў, каб Яму служылі, а каб паслужыць і аддаць душу Сваю як выкуп за многіх.

МАЦЬВЕЯ 20:28 Крыжаваныя спасылкі

ЁВА 33:24

то злітуецца Бог над ім і скажа: “Вызвалі яго, каб не ішоў ён у магілу, бо Я знайшоў тое, у чым яму можа быць літасць”.

ПСАЛТЫР 49:7

Яны ўпэўнены ў сваім магуцці і мноствам багацця свайго хваляцца.

ІСАІ 53:5

Дык Ён быў пакалечаны за грахі нашы, пабіты за нашы злачынствы; кара супакою нашага была на Ім, і ранамі Яго мы аздароўлены.

ІСАІ 53:8

На прыніжэнне і суд Ён быў аддадзены. І паходжаннем Яго хто пацікавіцца? Бо з зямлі ўзята жыццё Яго, за грахі Майго народа забіты быў насмерць.

ЛІКІ 7:15

адзін бычок ад статка, баран і гадавалае ягня ў ахвяру цэласпалення,

МАЦЬВЕЯ 20:27

І хто сярод вас хацеў бы быць першым, будзе вашым паслугачом.

МАЦЬВЕЯ 26:28

Бо гэта ёсць Кроў Мая Новага Запавету, якая праліваецца за многіх на дараванне грахоў.

МАЦЬВЕЯ 8:20

І кажа яму Ісус: «Лісы маюць норы, і птушкі нябесныя – гнёзды, а Сын Чалавечы не мае, дзе галаву прыхіліць».

МАРКА 10:45

Бо і Сын Чалавечы не прыйшоў, каб Яму паслугавалі, але каб паслугаваць і даць душу Сваю на адкупленне многіх».

МАРКА 14:24

І гаворыць ім: «Гэта ёсць Кроў Мая Новага Запавету, якая за многіх праліваецца.

ЛУКАША 22:27

Бо хто большы: ці той, хто ўзлягае, ці той, хто паслугуе? Ці не той, хто сядзіць пры стале? Я, аднак, пасярод вас як той, што паслугуе.

ЯНА 10:15

як ведае Мяне Айцец, а Я ведаю Айца; і жыццё Маё аддаю за авечак.

РЫМЛЯНАЎ 4:25

Які быў выдадзены за грахі нашы і ўваскрос дзеля апраўдання нашага.

2 КАРЫНФЯНАЎ 8:9

Бо вы ведаеце ласку Госпада нашага Ісуса Хрыста, Які, будучы багатым, дзеля вас стаўся бедным, каб Сваёю беднасцю вас узбагаціць.

ГАЛЯТАЎ 3:13

Хрыстос адкупіў нас ад праклёну закону, стаўшыся за нас пракляццем, як напісана: «Пракляты кожны, хто вісіць на дрэве»,

ЭФЭСЯНАЎ 1:7

у Якім маем адкупленне праз Кроў Яго, адпушчэнне грахоў паводле багацця ласкі Яго,

ЭФЭСЯНАЎ 5:2

і жывіце ў любові, як і Хрыстос узлюбіў нас і выдаў Самога Сябе за нас як дар і ахвяру Богу на водар прыемнасці.

1 ЦІМАФЕЯ 2:6

Які Самога Сябе выдаў дзеля адкуплення за ўсіх, як сведчанне ў свой час,

ЦІТА 2:14

Які ахвяраваў Самога Сябе за нас, каб збавіць нас ад усякага беззаконня і ачысціць Сабе народ асаблівы, рупны пра добрыя ўчынкі.

ГАБРЭЯЎ 2:10

Бо належала, каб Той, для Якога ўсё і праз Якога ўсё, Таго, Які шмат сыноў прывёў у славу, Правадыра іх збаўлення, удасканаліў праз цярпенне.

ГАБРЭЯЎ 5:8

І вось, хоць быў Сынам, навучыўся з таго, што перацярпеў, паслухмянасці

ГАБРЭЯЎ 9:28

так і Хрыстос адзін раз быў ахвяраваны дзеля знішчэння грахоў многіх, а другі раз з’явіцца не дзеля граху да тых, што Яго чакаюць, на збаўленне.

1 ПЯТРА 2:24

Ён грахі нашы Сам узнёс целам Сваім на дрэва, каб мы, пазбавіўшыся ад грахоў, жылі дзеля справядлівасці; Яго ранамі вы аздароўлены.

1 ПЯТРА 3:18

Хрыстос таксама раз пацярпеў за грахі, Справядлівы за несправядлівых, каб нас давесці да Бога, стаўшы мёртвым целам, але ажыўшы Духам;

1 ЯНА 2:2

Ён ёсць уміласціўленне за грахі нашы, ды не толькі за грахі нашы, але і ўсяго свету.

АДКРЫЦЦЁ 1:5

і ад Ісуса Хрыста, Які ёсць сведка верны, Першародны з памерлых і Валадар валадароў зямных. Яму, Які ўзлюбіў нас, і абмыў нас ад грахоў нашых Крывёю Сваёй,