МАЦЬВЕЯ 10:22 - Кнігі Святога Пісання - Біблія - Біблія — пераклад Чарняўскага (выданне 2017 года)

²² І будзеце вы ў нянавісці ад усіх за імя Маё; але хто вытрывае да канца, будзе збаўлены.

Біблія (пераклад А.Бокуна)

²² і будуць вас ненавідзець за імя Маё, але хто вытрывае да канца, будзе збаўлены.

Біблія (пераклад В. Сёмухі)

²² і будзеце зьненавіджаныя ўсімі за імя Маё; а хто вытрывае да канца, уратаваны будзе.

МАЦЬВЕЯ 10:22 Крыжаваныя спасылкі

ВЫСЛОЎІ 29:27

Справядлівыя грэбуюць бязбожным чалавекам; а бязбожнікі грэбуюць тымі, хто на вернай дарозе.

МАЦЬВЕЯ 10:39

І хто знойдзе душу сваю, той згубіць яе, а хто аддасць душу сваю за Мяне – знойдзе яе.

МАЦЬВЕЯ 24:13

Але хто вытрывае да канца, той будзе збаўлены.

МАЦЬВЕЯ 24:9

Тады будуць выдаваць вас на пакуты і забіваць вас будуць, ды будзеце вы зненавіджаны ўсімі народамі за імя Маё.

МАЦЬВЕЯ 5:11

Шчасныя вы, калі дзеля Мяне вас будуць зневажаць, і пераследаваць, і ўсякае ліха гаварыць будуць супраць вас, узводзячы паклёп.

МАРКА 13:13

І будзеце вы ў нянавісці ад усіх за імя Маё; але хто вытрывае да канца, будзе збаўлены.

ЛУКАША 21:17

і будуць вас усе ненавідзець за імя Маё.

ЛУКАША 21:19

Праз цярплівасць вашу завалодаеце душамі вашымі.

ЛУКАША 6:22

Шчасныя вы будзеце, калі вас людзі будуць мець у нянавісці і калі вас адпіхнуць, і праклінаць вас будуць, і знеслаўляць імя ваша як ліхое з-за Сына Чалавечага.

ЛУКАША 8:15

А што ў добрай зямлі – гэта тыя, што, добрым і шчырым сэрцам слухаючы слова, берагуць яго ды прыносяць плады ў цярплівасці.

ЯНА 17:14

Я перадаў ім слова Тваё, і свет іх зненавідзеў, бо яны не са свету, як і Я не са свету.

ЯНА 7:7

Вас свет не можа ненавідзець, а Мяне ненавідзіць, бо Я сведчу аб ім, што яго ўчынкі ліхія.

ДЗЕІ 9:16

і Я пакажу яму, колькі ён мае цярпець дзеля імя Майго».

РЫМЛЯНАЎ 2:7

тым, што праз стойкасць у добрых учынках шукаюць славы, пашаны і несмяротнасці – жыццё вечнае;

2 КАРЫНФЯНАЎ 4:11

Бо мы, якія жывём, заўсёды аддаёмся на смерць дзеля Ісуса, каб і жыццё Ісуса выявілася ў нашым смяротным целе.

ГАЛЯТАЎ 6:9

Не журымася, робячы дабро, бо ў свой час і жаць будзем, калі не саслабеем.

ГАБРЭЯЎ 3:14

Бо мы сталіся супольнікамі Хрыста, калі толькі пачатак існавання аж да канца цвёрда захаваем,

ГАБРЭЯЎ 6:11

Жадаем, каб кожны з вас выявіў такую ж руплівасць ва ўдасканаленні надзеі аж да канца,

ЯКАВА 1:12

Шчасны чалавек, які выстаіць у спакусе, бо па выпрабаванні атрымае вянок жыцця, які абяцае Бог тым, што любяць Яго.

1 ЯНА 3:13

Не дзівіцеся, браты, калі свет ненавідзіць вас.

АДКРЫЦЦЁ 2:10

Нічога не бойся з таго, што трэба табе перанесці. Вось жа, мае намер укінуць некаторых з вас д’ябал у вязніцу, каб вас выпрабаваць, і будзеце цярпець гора на працягу дзесяці дзён. Будзь верны аж да смерці, і дам табе вянец жыцця.

АДКРЫЦЦЁ 2:17

Хто мае вуха, пачуй, што Дух кажа цэрквам: пераможцу дам з’есці Я манну таемную і дам яму белы камень, а на камені напісанае новае імя, якога не ведае ніхто, толькі той, хто атрымлівае.

АДКРЫЦЦЁ 2:26

А хто перамагае і выконвае аж да канца справы Мае, таму дам уладу над паганамі,

АДКРЫЦЦЁ 2:3

І маеш ты цярплівасць, і перанёс шмат ты дзеля імя Майго, і не знямогся.

АДКРЫЦЦЁ 2:7

Хто мае вуха, пачуй, што Дух кажа цэрквам: пераможцу дам Я спажываць з дрэва жыцця, якое пасярод Божага раю.

АДКРЫЦЦЁ 3:21

Хто пераможа, таму дам сядзець са Мною на Маім пасадзе, як Я перамог і сеў з Айцом Маім на Яго пасадзе.