МАРКА 8:11 - Кнігі Святога Пісання - Біблія - Біблія — пераклад Чарняўскага (выданне 2017 года)

¹¹ І фарысеі выйшлі, і пачалі з Ім спрачацца, і, выпрабоўваючы Яго, дамагаліся ў Яго знака з неба.

Біблія (пераклад А.Бокуна)

¹¹ І выйшлі фарысэі, і пачалі з Ім спрачацца, дамагаючыся ў Яго знаку з неба, спакушаючы Яго.

Біблія (пераклад В. Сёмухі)

¹¹ Выйшлі фарысэі, пачалі зь Ім спрачацца, і патрабавалі ад Яго азнакі зь неба, спакушаючы Яго,

МАРКА 8:11 Крыжаваныя спасылкі

ВЫХАД 17:2

Дакараў народ Майсея, кажучы: «Дай нам вады, каб напіцца». Адказаў ім Майсей: «Што вы дакараеце мяне? Чаму спакушаеце Госпада?»

ВЫХАД 17:7

І назваў ён гэта месца Маса і Мэрыба з-за папрокаў сыноў Ізраэля і таму, што яны спакушалі Госпада, кажучы: «Ці сапраўды Госпад прабывае паміж нас, ці не?»

МАЛАХІІ 3:15

А цяпер нахабнікаў мы называем шчаснымі, бо адбудаваліся людзі бязбожныя, і спакусілі Бога, і засталіся цэлымі”.

МАЦЬВЕЯ 12:38

Тады адказалі Яму некаторыя кніжнікі і фарысеі, кажучы: «Настаўнік, хацелі б мы бачыць ад Цябе знак».

МАЦЬВЕЯ 19:3

Потым падышлі да Яго фарысеі, выпрабоўваючы Яго і кажучы: «Ці дазволена чалавеку з якой-колечы прычыны пакінуць жонку сваю?»

МАЦЬВЕЯ 21:23

І, калі Ісус увайшоў у святыню, падышлі да Яго, калі Ён вучыў, першасвятары і старэйшыны народа і казалі: «Якою ўладаю Ты гэта робіш, і хто Табе даў такую ўладу?»

МАЦЬВЕЯ 22:15

Тады фарысеі, адышоўшы, пачалі радзіцца, як бы падлавіць Яго ў словах.

МАЦЬВЕЯ 22:18

Ісус жа, пранікаючы іх подступ, сказаў: «Чаму Мяне выпрабоўваеце, крывадушнікі?

МАЦЬВЕЯ 22:23

У той дзень падышлі да Яго садукеі, якія кажуць, што няма ўваскрэсення, і пыталіся Яго,

МАРКА 12:15

А Ён, ведаючы іх крывадушнасць, гаворыць ім: «Чаму Мяне выпрабоўваеце? Прынясіце Мне дынар, каб яго пабачыць».

МАРКА 2:16

І кніжнікі, і фарысеі, бачачы, што Ісус есць з мытнікамі і грэшнікамі, казалі вучням Яго: «Чаму Ён есць і п’е з мытнікамі і грэшнікамі?»

МАРКА 9:16

І спытаўся ў іх: «Пра што спрачаецеся між сабой?»

ЛУКАША 10:25

І вось, адзін заканазнаўца ўстаў, выпрабоўваючы Яго і кажучы: «Настаўнік, што маю рабіць, каб здабыць жыццё вечнае?»

ЛУКАША 11:16

А іншыя, выпрабоўваючы Яго, патрабавалі ад Яго знака з неба.

ЯНА 4:48

Сказаў яму Ісус: «Калі не ўбачыце знакаў і цудаў, не паверыце».

ЯНА 6:30

Тады сказалі Яму: «Дык што за знак Ты учыніш, каб мы ўбачылі і паверылі Табе? Што Ты зробіш?

ЯНА 7:48

Ці ўверыў у Яго хоць хто з начальнікаў або фарысеяў?

ЯНА 8:6

Казалі ж гэта, выпрабоўваючы Яго, каб мець магчымасць абвінаваціць Яго. А Ісус, нахіліўшыся, нешта пісаў пальцам на зямлі.

ДЗЕІ 5:9

Пётра ж сказаў ёй: «Навошта вы змовіліся, каб спакусіць Духа Госпадава? Вось, у парозе тыя, што пахавалі мужа твайго. Вынесуць яны і цябе».

1 КАРЫНФЯНАЎ 10:9

І не будзем выпрабоўваць Хрыста, як і некаторыя з іх выпрабоўвалі ды пагінулі ад змеяў.

ДРУГІ ЗАКОН 6:16

Не выпрабоўвай Госпада, Бога вашага, як выпрабоўвалі ў Масе.