МАРКА 7:22 - Кнігі Святога Пісання - Біблія - Біблія — пераклад Чарняўскага (выданне 2017 года)

²² чужаложства, хцівасць, нягоднасць, зайздрасць, бессаромнасць, ліхое вока, блюзненні, пыха, глупства.

Біблія (пераклад А.Бокуна)

²² крадзяжы, хцівасьць, зласьлівасьць, подступ, бессаромнасьць, злое вока, блюзьнерствы, пыха, глупота.

Біблія (пераклад В. Сёмухі)

²² крадзяжы, ліхвярства, злосьць, хітрына, непатрэбства, зайздросьлівае вока, блюзьнерства, пыха, безгалоўе.

МАРКА 7:22 Крыжаваныя спасылкі

2 ЛЕТАПІСАЎ 32:31

Калі, аднак, прыбылі паслы ад князёў Бабілона, пасланыя імі да яго, каб запытацца пра цуд, які здарыўся ў краі, тады пакінуў яго Бог, каб выпрабаваць, каб выявілася ўсё, што было ў яго сэрцы.

ПСАЛТЫР 10:4

НУН. Пагарджае Госпадам грэшнік у пыхлівасці сваёй: «Не запатрабуе, няма Бога».

ПСАЛТЫР 119:36

Нахіні сэрца маё да сведчанняў Тваіх, а не да нажывы.

ВЫСЛОЎІ 12:23

Разумны чалавек свае веды хавае, а сэрца неразумных падбухторвае да бязглуздасці.

ВЫСЛОЎІ 22:15

У сэрцы юнака змяшчаецца бязглуздасць, і розга настаўлення прагоніць яе.

ВЫСЛОЎІ 23:6

Не снедай з чалавекам зайздросным і не жадай ежы яго;

ВЫСЛОЎІ 24:9

Думка бязглуздага — грэх, і агіднасць для людзей — паклёпнік.

ВЫСЛОЎІ 27:22

Калі стаўчэш бязглуздага ў ступцы таўкачом разам з зярнятамі, не выйдзе з яго бязглуздасць.

ВЫСЛОЎІ 28:22

Спяшаецца ўзбагаціцца зайздрослівы чалавек, не ведае ён, што беднасць спасцігне яго.

ЭКЛЕЗІЯСТА 7:25

Разгледзеў я ўсё душой маёй, каб пазнаць, разгледзець і адшукаць мудрасць і розум і пераканацца, што бязбожнасць — гэта неразумнасць, а аблуда — безразважнасць.

ІСАІ 59:13

Грашым і хлусім супраць Госпада, і адступаемся ад Бога нашага; нараджаем і мармычам з сэрца словы хлусні.

ІСАІ 59:7

Ногі іх бягуць да ліхоты і скорыя да праліцця бязвіннай крыві; намеры іх — намеры збродныя, знішчэнне ды няшчасце на іх шляхах.

ЕРАМІІ 17:9

«Сэрца чалавека здрадлівае больш за ўсё астатняе і не даецца вылечыць, хто спазнае яго?

МАЦЬВЕЯ 20:15

Ці ж не можна мне рабіць з маім, што хачу? І ці ж вока тваё зайздроснае ад таго, што я добры?”

МАЦЬВЕЯ 6:23

А калі ж вока тваё нягодным будзе, усё цела тваё цёмным будзе. Калі ж святло, што ў табе, – цемра, дык наколькі ж вялікай сама цемра будзе?

МАРКА 7:21

Бо з нутра, з сэрца чалавека выходзяць благія думкі, распуснасць, зладзействы, забойствы,

МАРКА 7:23

Усё гэта ліха з нутра выходзіць ды паганіць чалавека».

2 КАРЫНФЯНАЎ 10:5

і ўсякую пыху, якая выступае супраць пазнання Бога, ды ўсякую думку палонім у паслухмянасць Хрысту,

ДРУГІ ЗАКОН 15:9

Сцеражыся, каб не падкралася да цябе нягодная думка: “Блізка сёмы год, год даравання”, каб не адводзіў ты вачэй сваіх ад убогага брата свайго, не жадаючы даць яму той пазыкі, якой ён патрабуе, каб той не прызываў Госпада супраць цябе ды каб не сталася гэта грахом.

ДРУГІ ЗАКОН 28:54

У цябе чалавек чуллівы і вельмі далікатны будзе ненавідзець брата свайго і жонку, якая туліцца да пляча яго, і апошніх дзяцей сваіх, якіх ён захаваў,

ДРУГІ ЗАКОН 28:56

Жанчына ў цябе, вельмі чуллівая і далікатная, якая не спрабавала нават пакінуць следу ад нагі на зямлі дзеля надзвычайнай далікатнасці і распешчанасці, цяпер ліхім вокам гляне на мужа, які туліць яе да пляча свайго, на сына і дачку,

1 ПЯТРА 2:15

бо такая воля Божая, каб вы добрымі ўчынкамі затыкалі вусны невуцтву неразумных людзей,

1 ПЯТРА 5:5

Таксама і вы, юнакі, будзьце паслухмяныя старэйшым. Усе ўзаемна, падпарадкоўваючыся адзін аднаму, апраніцеся ў пакору, бо Бог пыхлівым супрацівіцца, а пакорлівым ласку дае.