МАРКА 13:6 - Кнігі Святога Пісання - Біблія - Біблія — пераклад Чарняўскага (выданне 2017 года)

⁶ Бо многія прыйдуць у імя Маё, кажучы: “Гэта Я”, і яны многіх звядуць.

Біблія (пераклад А.Бокуна)

⁶ Бо многія прыйдуць пад імем Маім, кажучы, што гэта Я, і многіх падмануць.

Біблія (пераклад В. Сёмухі)

⁶ бо многія прыйдуць пад імем Маім, і будуць казаць, што гэта Я, і многіх увядуць у зман.

МАРКА 13:6 Крыжаваныя спасылкі

ЕРАМІІ 14:14

І сказаў Госпад мне: «Прарокі абвяшчаюць ілжыва ў імя Маё. Я не пасылаў іх, і не даваў ім загадаў, і не прамаўляў да іх. Падманнае бачанне і прадказанне, ашуканства ды аблуднасць сэрца свайго прарочаць яны вам».

МАЦЬВЕЯ 24:11

і паўстануць многія фальшывыя прарокі і будуць зводзіць многіх.

МАЦЬВЕЯ 24:5

Бо многія прыйдуць у імя Маё, кажучы: “Я – Хрыстос”, і многіх звядуць.

МАРКА 13:22

Бо з’явяцца фальшывыя хрысты і фальшывыя прарокі і будуць даваць знакі ды цуды, каб звесці, калі гэта магчыма, нават абраных.

МАРКА 13:5

І Ісус пачаў ім казаць: «Глядзіце, каб вас хто не звёў.

МАРКА 13:7

А калі пачуеце вы пра войны і чуткі пра войны, не трывожцеся, бо так павінна быць, але гэта яшчэ не канец.

ЯНА 5:43

Я прыйшоў у імя Айца Майго, і вы не прымаеце Мяне; а, калі б хто іншы прыйшоў у сваё імя, таго прымеце.

ЯНА 8:24

Вось чаму Я вам сказаў, што памраце ў вашых грахах; бо, калі не паверыце, што Я ёсць, – памраце ў грахах вашых».

ЯНА 8:28

Сказаў ім тады Ісус: «Калі падымеце Сына Чалавечага, тады пазнаеце, што Я ёсць, ды што Сам ад Сябе нічога не раблю, але тое абвяшчаю, чаму Мяне навучыў Айцец.

1 ЯНА 4:1

Улюбёныя! Не кожнаму духу верце, але выпрабоўвайце духаў, ці яны ад Бога, бо прыйшло ў свет многа фальшывых прарокаў.