ЛЯВІТ 23:29 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁹ Усякая душа, якая не будзе посціць у той дзень, будзе вынішчана з народа свайго.

Біблія (пераклад А.Бокуна)

²⁹ Усякая душа, якая ня будзе ўпакорваць [сябе] ў той дзень, будзе вынішчана спасярод народу свайго.

Біблія (пераклад В. Сёмухі)

²⁹ і ўсякая душа, якая не ўпакорыць сябе ў дзень гэты, зьнішчыцца з народу свайго;

ЛЯВІТ 23:29 Крыжаваныя спасылкі

БЫЦЦЁ 17:14

Што ж да мужчыны, у якога крайняя плоць яго не будзе абрэзана, — хай будзе знішчана душа тая з народа свайго, бо ён парушыў запавет Мой».

ЭЗДРЫ 8:21

І там, каля ракі Агавы, абвясціў я пост, каб упакорыліся мы перад Богам нашым і папрасілі ў Яго шчаслівую дарогу нам, і дзецям нашым, і ўсёй уласнасці нашай.

ВЫХАД 30:33

А чалавек, які саставіць такі алей і памажа ім чужынца, мае быць выгнаны са свайго народа”».

ІСАІ 22:12

Госпад жа, Бог Магуццяў, паклікаў у той дзень да плачу і жалобы, да пастрыжэння і да адзявання зрэбніцы;

ЕРАМІІ 31:9

Яны выйшлі плачучы, але Я прывяду іх з радасцю, Я павяду іх праз ручаі водныя, дарогай прамой, і не будуць яны спатыкацца на ёй, бо Я стаўся для Ізраэля бацькам, а Эфраім — першародны Мой”».

ЕЗЭКІІЛЯ 7:16

І тыя з іх, якія ўцякуць — уратуюцца, і стануць на гарах, як быццам галубы з далін, будуць стагнаць кожны дзеля сваёй злачыннасці.

ЛЯВІТ 13:46

Увесь час, пакуль апанаваны праказай, нячысты; будзе жыць асобна па-за лагерам.

ЛЯВІТ 23:27

«Вось жа, дзесятага дня гэтага самага сёмага месяца выпадзе дзень ачышчэння, і будзе ў вас святы сход. У той дзень будзеце ўпакорваць душы вашыя і будзеце складаць Госпаду ахвяры агнявыя.

ЛЯВІТ 23:30

І кожнага, хто б працаваў у той дзень, Я вынішчу з народа яго.

ЛЯВІТ 23:32

Гэта субота супачынку вашага, і будзеце вы посціць; з вечара дзевятага дня да вечара дзесятага дня будзеце святкаваць суботу вашую».

ЛЯВІТ 7:20

Душа нячыстая, якая будзе есці мяса ахвяры прымірэння, што складзена для Госпада, будзе вынішчана з народа свайго.

ЛЯВІТ 7:21

І калі яна дакранецца нячыстасці чалавека, або жывёлы, або гнюснасці любой рэчы, якая можа запэцкаць, ды будзе есці мяса гэтай самай ахвяры прымірэння, якая для Госпада, тая будзе выключана з народа свайго”».

ЛІКІ 5:2

«Загадай сынам Ізраэля выдаліць з лагера ўсіх пракажаных, хворых на выцёкі і апаганеных ад нябожчыка.

ДЗЕІ 3:23

І будзе: кожная душа, якая не паслухае гэтага Прарока, будзе выкаранена з народа”.