ЛЯВІТ 19:15 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁵ Не дапускайцеся несправядлівасці на судзе. Не пагарджай асобаю беднай ды не патурай асобе магутнага. Справядліва судзі блізкага свайго.

Біблія (пераклад А.Бокуна)

¹⁵ Не дапускайцеся несправядлівасьці на судзе. Не пагарджай бедным і не патурай багатаму. Праведна судзі бліжняга твайго.

Біблія (пераклад В. Сёмухі)

¹⁵ Не рабеце няпраўды на судзе; ня будзь дагодлівы ўбогаму і не дагаджай вялікаму; па праўдзе судзі блізкага твайго.

ЛЯВІТ 19:15 Крыжаваныя спасылкі

ЁВА 13:8

Няўжо вы запабягаеце перад Ім і спрабуеце замест Бога выступаць у судзе?

ЁВА 32:21

Не буду звяртаць увагі на асобу, і ні перад адным чалавекам ліслівіць не буду.

ЁВА 34:19

Які не глядзіць на асобы князёў і не зважае на багатага, калі ён судзіцца з бедным? Бо ўсе яны — справа рук Яго.

ПСАЛТЫР 82:2

«Дакуль будзеце судзіць несправядліва і прымаць аблічча грэшнікаў?

ВЫХАД 18:21

Але з усяго народа абяры сабе людзей мудрых і богабаязных, у якіх ёсць праўда і якія ненавідзяць хцівасць; і прызнач з іх тысячнікаў, і сотнікаў, і кіраўнікоў над пяццюдзесяццю чалавекамі, і кіраўнікоў над дзесяццю чалавекамі,

ВЫСЛОЎІ 18:5

Нядобра прымаць чалавека бязбожнага, каб пахіснуць справядлівага ў законнасці яго.

ВЫСЛОЎІ 24:23

І гэта таксама ёсць у мудрых: вылучаць чалавека на судзе — нядобра.

ВЫСЛОЎІ 31:9

адкрый вусны свае, вырашай, што справядлівае, і судзі ўбогага і беднага.

ЛЯВІТ 19:35

Не дапускайцеся якой-небудзь несправядлівасці на судзе, у мерцы ды ў вымярэнні.

ЯНА 7:24

Ды не судзіце па знешнасці, але судзіце справядлівым судом».

ДЗЕІ 23:3

Дык Паўла сказаў яму: «Хай ударыць цябе Бог, сцяна падбеленая! Бо ты сеў мяне судзіць паводле закону, а загадваеш мяне біць насуперак закону».

ДРУГІ ЗАКОН 1:17

Не глядзіце на асобу на судзе: выслухайце як вялікага, так і малога, не бойцеся ніводнай асобы, бо гэта суд Божы. А калі б якая справа падавалася вам цяжкай, скіроўвайце да мяне, і я выслухаю».

ДРУГІ ЗАКОН 10:17

бо Госпад, Бог ваш, — адзіны Бог над багамі і Валадар над валадарамі, Бог вялікі, магутны і страшны, Які не глядзіць ні на асобу, ані на падарункі.

ДРУГІ ЗАКОН 16:19

Не крыві закону. Не глядзі на асобу і на падарункі, якія засляпляюць вочы мудрым і перакручваюць справы справядлівых.

ДРУГІ ЗАКОН 27:19

“Пракляты той, хто падманвае сляпога ў дарозе”. І ўвесь народ скажа: “Амін”.