ЛУКАША 8:15 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁵ А што ў добрай зямлі – гэта тыя, што, добрым і шчырым сэрцам слухаючы слова, берагуць яго ды прыносяць плады ў цярплівасці.

Біблія (пераклад А.Бокуна)

¹⁵ А што ўпала на добрую зямлю — гэта тыя, што, пачуўшы слова, захоўваюць у добрым і чыстым сэрцы, і даюць плод у цярплівасьці.

Біблія (пераклад В. Сёмухі)

¹⁵ а што ўпала на добрую зямлю, гэта тыя, якія, пачуўшы слова, асяляюць яго ў добрым і чыстым сэрцы і родзяць плод у цярплівасьці. Сказаўшы гэта, Ён абвясьціў: хто мае вушы, каб чуць, няхай чуе!

ЛУКАША 8:15 Крыжаваныя спасылкі

ГАБРЭЯЎ 10:36

Цярплівасць жа вам патрэбна, каб, спаўняючы волю Божую, атрымаць абяцанае.

ЛУКАША 6:45

Добры чалавек дабывае з добрай скарбонкі сэрца свайго дабро, а благі чалавек з ліхой скарбонкі сэрца свайго дабывае ліхоцце: бо ад перапоўненасці сэрца гавораць яго вусны.

1 ЯНА 2:3

З гэтага пазнаём, што Яго ведаем: калі выконваем Яго прыказанні.

КАЛАСЯНАЎ 1:10

і каб жылі вы дастойна Госпада, ва ўсім падабаючыся Яму, прыносячы плод у кожным добрым дзеянні і ўзрастаючы ў пазнанні Бога,

КАЛАСЯНАЎ 1:6

якая дайшла да вас, як і па ўсім свеце разышлася, і дае плады, і расце, як і ў вас ад таго дня, у які вы пачулі ды пазналі ласку Божую ў праўдзе,

ЯНА 14:15

Калі Мяне любіце, захоўвайце прыказанні Мае;

ЛУКАША 11:28

А Ён сказаў: «Тым болей шчасныя тыя, што слухаюць слова Божае ды захоўваюць яго».

ПІЛІПЯНАЎ 1:11

поўныя пладоў справядлівасці, што праз Ісуса Хрыста на ўшанаванне і славу Бога.

РЫМЛЯНАЎ 7:4

Так і вы, браты мае, памерлі для закону праз Цела Хрыстова, каб належаць другому, Таму, Які ўваскрос з мёртвых, каб прыносіць плод Богу.

РЫМЛЯНАЎ 6:22

Цяпер жа, вызваленыя ад граху ды ўчыненыя паслугачамі Бога, маеце плод ваш на асвячэнне, а канец – жыццё вечнае!

ЯНА 15:10

Калі зберажэце Мае прыказанні, застанецеся ў Маёй любові, як і Я збярог прыказанні Айца Майго і застаюся ў Яго любові.

МАЦЬВЕЯ 24:13

Але хто вытрывае да канца, той будзе збаўлены.

ДРУГІ ЗАКОН 30:6

Госпад, Бог твой, абрэжа сэрца тваё і сэрца нашчадкаў тваіх, каб любіў ты Госпада, Бога твайго, усім сэрцам тваім ды ўсёю душою тваёй, каб мог ты жыць.

ГАБРЭЯЎ 2:1

Таму неабходна нам пільна сачыць за тым, што мы чулі, каб часам не сысці з дарогі.

ЭФЭСЯНАЎ 2:8

Бо ласкаю вы збаўлены праз веру, і гэта не ад вас, але Божы дар;

1 КАРЫНФЯНАЎ 7:19

Абразанне ёсць нішто, і неабразанне ёсць нішто, але важна выкананне прыказанняў Божых.

РЫМЛЯНАЎ 7:18

Я бо ведаю, што ўва мне, значыць у целе маім, не жыве добрае: бо жаданне дабра побач са мною, але, каб зрабіць дабро, – не знаходжу.

РЫМЛЯНАЎ 2:7

тым, што праз стойкасць у добрых учынках шукаюць славы, пашаны і несмяротнасці – жыццё вечнае;

ЕРАМІІ 31:33

Але вось якім будзе запавет, які Я заключу з домам Ізраэля па тых днях, — кажа Госпад, — Я размяшчу закон Мой у нутры іх ды ў сэрцы іх напішу яго, і буду ім Богам, а яны будуць Мне народам.

ЯКАВА 1:4

Цярплівасць жа будзе мець дасканалае дзеянне, каб вы былі дасканалымі ды беззаганнымі, без ніякіх недахопаў.

ЕРАМІІ 32:29

І ўвойдуць халдэі, што ваююць супраць гэтага горада, і падкладуць агонь пад яго, і спаляць яго дамы, на дахах якіх складалі ахвяры Баалу і лілі вадкасці ў ахвяру іншым багам, каб Мяне зняважыць”.

ЕРАМІІ 15:16

Адкрыліся словы Твае, і праглынуў я іх, і сталася слова Тваё мне на радасць ды на пацеху сэрца майго, бо прызывана імя Тваё нада мною, Госпадзе, Божа Магуццяў.

ВЫСЛОЎІ 3:1

Сыне мой, не забывайся на закон мой, і хай сэрца тваё беражэ прыказанні мае;

ПСАЛТЫР 119:11

У сэрцы сваім берагу словы Твае, каб не грашыць супраць Цябе.

ПСАЛТЫР 51:10

Дай мне пачуць пацеху і весялосць, і ўзрадуюцца косці, якія Ты паламаў.

ЛУКАША 8:14

Каторае ж упала паміж церняў – гэта тыя, што слухаюць; але, ідучы, клопатамі, і багаццем, і раскошаю жыцця заглушаюцца і не прыносяць плода.

ЛУКАША 8:16

Ніхто, запаліўшы свечку, не ставіць яе пад пасудзіну або пад ложак, але ставіць на падсвечніку, каб бачылі святло тыя, што ўваходзяць.

РЫМЛЯНАЎ 8:25

Калі, аднак, мы спадзяёмся на тое, чаго не бачым, то з цярплівасцю чакаем.