ЛУКАША 7:46 - Кнігі Святога Пісання - Біблія - Біблія — пераклад Чарняўскага (выданне 2017 года)

⁴⁶ Не намасціў ты галавы Маёй; а яна ногі Мае намасціла алейкам.

Біблія (пераклад А.Бокуна)

⁴⁶ Ты галавы Мне алеем не памазаў; а яна мірам памазала ногі Мае.

Біблія (пераклад В. Сёмухі)

⁴⁶ Ты галавы Мне алеем не памазаў; а яна мірам намасьціла Мне ногі.

ЛУКАША 7:46 Крыжаваныя спасылкі

2 ЦАРСТВАЎ 12:20

Тады падняўся Давід з зямлі, і памыўся, і намасціўся, і, калі змяніў адзенне, увайшоў у дом Госпада і пакланіўся, і пасля вярнуўся у дом свой, і запатрабаваў, каб далі яму хлеб, і еў.

2 ЦАРСТВАЎ 14:2

паслаў у Тэкуа, і прывёў адтуль разумную жанчыну, і сказаў ёй: «Прыкінься, што ты ў жалобе, і апраніся ў жалобнае адзенне, і не намашчайся алеем, каб быць, як жанчына, якая ўжо вельмі доўга смуткуе па памерлым.

ПСАЛТЫР 104:15

і віно, якое развесяляе сэрца чалавека; Ты ажыўляеш аблічча алеем, а хлеб умацоўвае чалавечае сэрца.

ПСАЛТЫР 23:5

Ты накрыў перада мною стол насуперак тым, што ўціскаюць мяне; намасціў алейкам галаву маю, і келіх мой поўны з вярхом.

ЭКЛЕЗІЯСТА 9:8

Хай увесь час будуць белымі шаты твае, ды хай алеек з галавы тваёй не знікае!

ДАНІІЛА 10:3

не еў я хлеба жаданага, не браў у вусны свае ані віна, ані мяса, не намашчаўся таксама духмянымі рэчывамі, аж пакуль не скончыліся тры тыдні дзён.

АМОСА 6:6

П’ючы віно з чар, намашчаюцца лепшым алейкам, а ніколькі не сумуюць над падзеннем Язэпа.

МІХЕЯ 6:15

Ты будзеш сеяць і не пажнеш, будзеш выціскаць аліву і не намажашся алеем, будзеш выціскаць вінаград і не будзеш піць віна.

МАЦЬВЕЯ 6:17

А ты, калі посціш, памаж галаву сваю ды абмый твар свой,

ЛУКАША 7:47

Дзеля таго кажу табе: адпускаюцца многія грахі ёй, бо многа ўзлюбіла. А каму менш адпускаецца, той менш і любіць».

РУТ 3:3

Дык ты памыйся, намасціся і апрані строі свае і схадзі на ток; але не з’яўляйся перад ім, пакуль не скончыць ён есці і піць.