ЛУКАША 16:23 - Кнігі Святога Пісання - Біблія - Біблія — пераклад Чарняўскага (выданне 2017 года)

²³ І ў пекле быў ён у пакутах, узводзячы вочы свае, убачыў здалёк Абрагама і на ўлонні яго Лазара.

Біблія (пераклад А.Бокуна)

²³ І ў пекле, пакутуючы, ён, падняўшы вочы свае, убачыў здалёк Абрагама і Лазара на ўлоньні ягоным,

Біблія (пераклад В. Сёмухі)

²³ і ў пекле, ужо ў пакутах, ён узьвёў вочы свае, убачыў удалечыні Абрагама і Лазара на ўлоньні ягоным,

ЛУКАША 16:23 Крыжаваныя спасылкі

ПСАЛТЫР 16:10

Бо не пакінеш душы маёй у пекле ды не дасі святому Твайму ўбачыць парахненне.

ПСАЛТЫР 49:15

Як авечкі, і яны ў пекле кладуцца, смерць пасе іх; а справядлівыя гаспадараць над імі, хутка знікне іх воблік: апраметная — іх жытло.

ПСАЛТЫР 86:13

бо міласэрнасць Твая да мяне вялікая і вырваў Ты душу маю з пекла апраметнага.

ПСАЛТЫР 9:17

Госпад даў спазнаць Сябе, учыніўшы суд; у справах рук сваіх заблытаўся грэшнік.

ВЫСЛОЎІ 15:24

Сцежка жыцця вядзе ўгару для чалавека вучонага, каб ухіліцца ад пекла ўнізе.

ВЫСЛОЎІ 5:5

Ногі яе сыходзяць да смерці, а крокі яе вядуць да мерцвякоў;

ВЫСЛОЎІ 7:27

дом яе — дарогі ў пекла, што вядуць у глыбіні смерці.

ВЫСЛОЎІ 9:18

І не ведае яна, што там цемра і што ў глыбінях апраметнай — госці яе.

ІСАІ 14:15

Ды аднак жа скінуты ты ў пекла, на самае дно ямы!

ІСАІ 14:9

Апраметная ўстрывожылася з нізоў, сустракаючы прыход твой; абуджае дзеля цябе цені памерлых, усім князям зямным загадала ўзняцца з іх пасадаў, усім валадарам народаў.

МАЦЬВЕЯ 11:23

А ты, Кафарнаўм, што аж да неба ўзнёсся? Аж у пекла зрынешся! Бо каб такія цуды адбыліся ў Садоме, якія адбыліся ў табе, то застаўся б ён па сённяшні дзень.

МАЦЬВЕЯ 18:9

І, калі вока тваё горшыць цябе, вырві яго ды кінь ад сябе. Лепей табе аднавокім увайсці ў жыццё, чым, маючы два вокі, быць укінутым у агонь пякельны.

МАЦЬВЕЯ 23:33

Змеі, гадзючыя вырадкі! Як жа вы пазбегнеце пякельнага прысуду?

МАЦЬВЕЯ 5:22

А Я вам кажу, што той, хто дарэмна гневаецца на брата свайго, будзе асуджаны; а хто скажа брату свайму: “рака”, – будзе асуджаны радай, а хто скажа: “дурны”, – будзе асуджаны агнём пякельным.

МАЦЬВЕЯ 5:29

Бо калі тваё правае вока горшыць цябе, вырві яго ды адкінь ад сябе; бо лепш табе, каб згінуў адзін з членаў тваіх, чымся ўсё цела тваё сышло б у пекла.

МАЦЬВЕЯ 8:29

І вось, яны закрычалі, кажучы: «Што Табе да нас, Ісус, Сын Божы? Ці Ты прыйшоў сюды дачасна мучыць нас?»

ЛУКАША 16:24

І, закрычаўшы, сказаў: “Ойча Абрагаме, злітуйся нада мной і пашлі Лазара, хай умочыць у вадзе канец пальца свайго і змочыць язык мой, бо мучуся ў полымі гэтым”.

ЛУКАША 16:28

бо маю пяць братоў, – каб засведчыў ім, каб і яны не прыйшлі ў гэтае месца пакуты”.

ЛУКАША 8:28

І, як убачыў ён Ісуса, упаў перад Ім, ускрычаўшы, і моцным голасам сказаў: «Што Табе да мяне, Ісус, Сын Бога Узвышняга? Малю Цябе, каб мяне не мучыў».

1 КАРЫНФЯНАЎ 15:55

Пекла, дзе твая перамога? Смерць, дзе тваё джала?»

2 ПЯТРА 2:4

Бо калі зграшыўшых анёлаў Бог не пашкадаваў, але, звязаўшы путамі пякельнай цемры, аддаў захаваць на суд;

АДКРЫЦЦЁ 20:10

І д’ябал, які зводзіў іх, быў кінуты ў возера агню і серкі, дзе і звер, і фальшывы прарок, і мучыцца будуць яны днём і ўночы на векі вечныя.