ЛУКАША 10:39 - Кнігі Святога Пісання - Біблія - Біблія — пераклад Чарняўскага (выданне 2017 года)

³⁹ І была ў яе сястра на імя Марыя, якая нават села ля ног Ісуса і слухала Яго слова.

Біблія (пераклад А.Бокуна)

³⁹ І ў яе была сястра, якую звалі Марыя, якая, сеўшы ля ног Ісуса, слухала слова Ягонае.

Біблія (пераклад В. Сёмухі)

³⁹ у яе была сястра, імем Марыя, якая села да ног Ісуса і слухала слова Ягонае.

ЛУКАША 10:39 Крыжаваныя спасылкі

4 ЦАРСТВАЎ 4:38

І Элісей вярнуўся ў Галгал. Быў жа голад у той зямлі, і сыны прарокаў сядзелі пры ім. І ён сказаў слузе свайму: «Пастаў вялікі кацёл і звары поліўку для сыноў прарокаў».

ВЫСЛОЎІ 8:34

Шчасны чалавек, які слухае мяне, і які штодзень пільнуе пры дзвярах маіх, і хто пільнуе каля вушака дзвярэй маіх.

ЛУКАША 10:42

а адно толькі патрэбна; Марыя выбрала найлепшую долю, якая не будзе аднята ў яе».

ЛУКАША 2:46

І сталася, што па трох днях знайшлі Яго ў святыні, і Ён сядзеў паміж настаўнікаў, слухаў іх і пытаўся ў іх.

ЛУКАША 8:35

Дык выйшлі паглядзець, што сталася, і прыйшлі да Ісуса, і ўбачылі, што чалавек, з якога выйшлі дэманы, сядзіць апрануты і ў здаровым розуме ля ног Ісуса, і апанаваў іх страх.

ЯНА 11:1

Быў жа захварэў нейкі Лазар з Бэтаніі, з селішча Марыі і Марты, сястры яе.

ЯНА 11:19

Да Марыі ж і Марты прыйшло многа юдэяў, каб суцешыць іх па браце іх.

ЯНА 12:3

Марыя ж узяла фунт каштоўнага алейку нардавага і намасціла ногі Ісусу, і абцёрла сваімі валасамі Яго ногі, а пах алейку напоўніў увесь дом.

ДЗЕІ 22:3

«Я – юдэй, народжаны ў Тарсе, з Цыліцыі, выгадаваны ў гэтым горадзе, ля ног Гамаліэля атрымаў руплівае навучанне ў праўдзе айцоўскага закону, шчыры паслугач Бога, як і вы ўсе сёння.

ДРУГІ ЗАКОН 33:3

Сапраўды, Ён любіць народы, усе святыя Яго ў руцэ Яго, і тыя, якія туляцца да ног Тваіх, слухаюцца навукі Тваёй».