ЛІКІ 9:15 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁵ Такім чынам, у дзень, у які была пастаўлена скінія, воблака накрыла скінію разам з палаткай сведчання; і ад вечара аж да раніцы заставалася над скініяй у выглядзе агню.

Біблія (пераклад А.Бокуна)

¹⁵ У дзень, у які была пастаўлена Сяліба, воблака накрыла Сялібу з Намётам Сьведчаньня, і ад вечара да раніцы заставалася над Сялібай у бляску агню.

Біблія (пераклад В. Сёмухі)

¹⁵ У той дзень, калі ўстаноўлена была скінія, воблака ахінула скінію адкрыцьця, і зь вечара над скініяй як бы агонь быў відзён да самае раніцы.

ЛІКІ 9:15 Крыжаваныя спасылкі

НЭЭМІІ 9:12

І слупам воблачным павёў Ты іх удзень, і слупам агню быў для іх ноччу, каб асвятляць ім дарогу, якой ішлі.

НЭЭМІІ 9:19

Ты, у бязмежнай міласэрнасці Сваёй, не пакінуў іх у пустыні: слуп воблака не адступіў ад іх удзень, каб весці іх дарогаю; і слуп агню — ноччу, каб асвятляць ім дарогу, па якой мелі ісці.

ПСАЛТЫР 105:39

Расцягнуў Ён хмару, нібы покрыва, і агонь, каб свяціў ім уночы.

ПСАЛТЫР 78:14

І правёў іх у воблаку на працягу дня, а на працягу ўсёй ночы ў асвятленні агню.

ВЫХАД 13:21

А Госпад ішоў перад імі днём у воблачным слупе, каб паказваць дарогу, а ноччу ў слупе агню, каб свяціць ім, каб быў правадыр у дарозе ў любы час.

ВЫХАД 13:22

Ніколі не знікаў з вачэй народа слуп воблачны днём, ані вогненны слуп ноччу.

ВЫХАД 14:24

І ўжо прыйшла ранішняя варта, і вось, Госпад, назіраючы за лагерам егіпцян праз вогненны і воблачны слуп, збянтэжыў войска іх;

ВЫХАД 40:2

«У першы дзень першага месяца паставіш скінію, палатку сустрэчы,

ВЫХАД 40:34

І воблака накрыла скінію разам з палаткай сустрэчы, і слава Госпада напоўніла скінію.

ВЫХАД 40:35

І не мог Майсей увайсці ў палатку сустрэчы, бо спачывала на ёй воблака, і слава Госпада напоўніла скінію.

ВЫХАД 40:38

Бо ўдзень пакрывала скінію воблака Госпада, а ўночы свяціла, быццам бляск агню, на вачах усяго дома Ізраэля ў час усіх іх вандровак.

ІСАІ 4:5

тады ўтворыць Госпад на ўсёй прасторы гары Сіён і над скопішчам яе воблака ўдзень, дым і бляск полымя агністага — уначы: над усёю славаю — покрыў,

ЛІКІ 10:34

Таксама воблака Госпадава было над імі ўдзень, калі яны выходзілі.

ЛІКІ 14:14

і хай яны скажуць жыхарам той зямлі, бо яны чулі, што Ты, Госпадзе, знаходзішся ў народзе гэтым і паказваешся тварам да твару, і воблака Тваё пакрывае іх, і Ты ідзеш перад імі ўдзень у слупе воблачным, а ўначы — у слупе вогненным.

ЛІКІ 17:7

Калі іх паклаў Майсей перад Госпадам у палатцы сустрэчы,

1 КАРЫНФЯНАЎ 10:1

Не хачу, браты, каб вы не ведалі, што нашы бацькі ўсе былі пад хмараю, і ўсе перайшлі праз мора,

ДРУГІ ЗАКОН 1:33

Які ідзе перад вамі ў дарозе і вызначае месца, на якім вам належыць ставіць палаткі, паказваючы вам шлях: ноччу — агнём, каб асвятляць вам дарогу, удзень — у слупе воблачным».