ЛІКІ 22:32 - Кнігі Святога Пісання - Біблія - Біблія — пераклад Чарняўскага (выданне 2017 года)

³² Сказаў яму Анёл Госпадаў: «Навошта трэці раз біў ты асліцу сваю? Я прыбыў, каб заступіць табе дарогу, бо нядобрая твая дарога і мне варожая.

Біблія (пераклад А.Бокуна)

³² І сказаў яму анёл ГОСПАДА: «Навошта тры разы ты біў асьліцу сваю? Вось, я прыйшоў як супраціўнік твой, бо нядобрая дарога [твая] перад табою.

Біблія (пераклад В. Сёмухі)

³² І сказаў яму анёл Гасподні: за што ты біў асьліцу тваю аж тры разы? Я выйшаў, каб перашкодзіць табе, бо шлях твой няправільны перад Мною;

ЛІКІ 22:32 Крыжаваныя спасылкі

ДЗЕІ 13:10

і сказаў: «О ты, сын д’ябла, поўны ўсякага ашуканства ды ўсякай крывадушнасці, вораг усякай справядлівасці! Ці не перастанеш ты заварочваць простых дарог Госпадавых?

ВЫСЛОЎІ 28:18

Хто ходзіць прама — будзе збаўлены; хто ходзіць нясталымі шляхамі — той раптам загіне.

ЛІКІ 22:22

І ўзгарэўся гнеў Бога, што ён паехаў; і паўстаў Анёл Госпадаў на дарозе супраць Балаама, каб затрымаць яго; ён жа меў двух паслугачоў і ехаў на сваёй асліцы.

ВЫСЛОЎІ 28:6

Лепш бедны, які ходзіць у чыстасардэчнасці сваёй, чым крывадушны на дарогах сваіх, хоць і багаты.

ВЫСЛОЎІ 14:2

Таго, хто ідзе вернай дарогай, адцураецца той, хто ідзе ганебным шляхам.

МІХЕЯ 6:5

Народ Мой, узгадай, прашу, што наважыў зрабіць Балак, цар Мааба, і што адказаў яму Балаам, сын Бэора? Што рабілася ад Сэтыма аж да Галгала, каб спазнаў ты справядлівасць Госпада!»

ЁНЫ 4:11

Як жа Мне не пашкадаваць Нінівы, вялікага горада, дзе жыве больш за сто дваццаць тысяч чалавек, якія не адрозніваюць сваёй правай рукі ад левай, ды шматлікая жывёла?»

ПСАЛТЫР 147:9

Ён дае ежу жывёле Сваёй і вараняткам, якія прызываюць Яго.

ПСАЛТЫР 145:9

ТЭТ. Ласкавы Госпад да ўсіх, і літасць Яго — над усімі справамі Яго.

ПСАЛТЫР 36:6

Госпадзе, да неба міласэрнасць Твая і праўда Твая — да аблокаў;

ДРУГІ ЗАКОН 25:4

Не завязвай пысы валу, які малоціць на таку твой ураджай.

ДРУГІ ЗАКОН 23:4

таму што не захацелі яны выйсці вам насустрач з хлебам і вадой, калі вы ішлі з Егіпта, ды набылі супраць цябе Балаама, сына Бэора, з Пэтора ў Арам-Нагараіме, каб цябе праклінаў.

ЛІКІ 22:35

Анёл Госпадаў сказаў: «Ідзі з тымі людзьмі, але сцеражыся, каб не гаварыць нічога іншага, акрамя таго, што Я табе загадаю». І пайшоў Балаам з князямі Балака.

ЛІКІ 22:28

Тады адкрыў Госпад вусны асліцы, і яна сказала Балааму: «Што я табе зрабіла? Чаму б’еш мяне вось ужо трэці раз?»

ЛІКІ 22:20

І прыйшоў Бог да Балаама ноччу і кажа яму: «Калі прыйшлі гэтыя людзі паклікаць цябе, то ўстань і ідзі з імі, але зробіш толькі тое, што Я табе скажу».

ЛІКІ 22:33

І, бачачы мяне, асліца тры разы ўхілялася ад мяне; і каб не ўхілялася, забіў бы цябе, а яе пакінуў бы жывою».

ВЫСЛОЎІ 16:2

У вачах чалавека ўсе яго дарогі чыстыя, але Госпад разглядае душы.