КАЛАСЯНАЎ 3:9 - Кнігі Святога Пісання - Біблія - Біблія — пераклад Чарняўскага (выданне 2017 года)

⁹ Не хлусіце адзін аднаму вы, што скінулі з сябе старога чалавека з яго ўчынкамі

Біблія (пераклад А.Бокуна)

⁹ не хлусіце адзін аднаму, распрануўшыся са старога чалавека з учынкамі ягонымі

Біблія (пераклад В. Сёмухі)

⁹ ня хлусеце адно аднаму, бо вы распранулі зь сябе старога чалавека зь дзеямі ягонымі

КАЛАСЯНАЎ 3:9 Крыжаваныя спасылкі

ВЫСЛОЎІ 13:5

Справядлівы адмовіцца ад ілжывага слова, а бязбожнік сарамаціць і ганьбіць.

ІСАІ 63:8

І сказаў Ён: «Напэўна, гэта Мой народ, сыны, якія Мяне не падмануць! І стаў Я ім Збаўцам».

ЛЯВІТ 19:11

Не крадзіце і не хлусіце. Хай ніводны з вас не ашуквае блізкага свайго.

САФОНА 3:13

рэшта Ізраэля. Не будзе дапускацца злачыннасці, не будзе гаварыць ілжыва, і не знойдзецца ў вуснах іх падману; яны бо будуць пасвіцца і вылежвацца, і не будзе каму іх палохаць”».

ЗАХАРЫІ 8:16

Дык вось што павінны вы рабіць: кажыце праўду кожны блізкаму свайму і ў супакоі судзіце ў брамах вашых,

ЯНА 8:44

Вы ёсць ад бацькі вашага – д’ябла і жаданні бацькі вашага выконваць хочаце. Ён быў забойцам ад пачатку і ў праўдзе не вытрываў, бо няма ў ім праўды. Калі гаворыць хлусню, гаворыць ад сябе, бо ён – хлус і бацька сваёй хлусні.

РЫМЛЯНАЎ 6:6

Ведаем гэта, што для знішчэння грэшнага цела даўнейшы наш чалавек быў разам з Ім укрыжаваны на тое, каб мы больш не служылі граху.

ЭФЭСЯНАЎ 4:22

Дык адкіньце ранейшыя звычкі старога чалавека, які прападае ў аблудных пажадлівасцях,

ЭФЭСЯНАЎ 4:25

Дзеля таго, адкінуўшы падман, гаварыце праўду кожны свайму блізкаму, бо мы члены адзін аднаму.

КАЛАСЯНАЎ 3:8

Але цяпер адкіньце і вы ўсё: гнеў, мсцівасць, злосць, блюзненні і брыдкія словы з вуснаў вашых.

1 ЦІМАФЕЯ 1:10

для распуснікаў, мужаложнікаў, людакрадаў, брахуноў, крывапрысяжнікаў і супраць усяго іншага, што пярэчыць здаровай навуцы,

АДКРЫЦЦЁ 21:27

І нішто заганнае не ўвойдзе ў яго, і ніводзін, хто чыніць агіду і хлусню, а толькі тыя, што запісаны ў кнізе жыцця Ягняці.

АДКРЫЦЦЁ 21:8

Удзелам жа палахлівых, няверных, нягоднікаў, забойцаў, распуснікаў, чараўнікоў, балванапаклоннікаў і ўсіх хлуслівых будзе палымнеючае возера агню і серкі, што ёсць другая смерць».

АДКРЫЦЦЁ 22:15

За мурам застануцца сабакі, чараўнікі, распуснікі, забойцы, балванапаклоннікі і ўсе тыя, што любяць і чыняць няпраўду.