КАЛАСЯНАЎ 3:20 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁰ Дзеці, слухайце бацькоў ва ўсім, бо гэта падабаецца Госпаду.

Біблія (пераклад А.Бокуна)

²⁰ Дзеці, слухайцеся бацькоў у-ва ўсім, бо гэта падабаецца Госпаду.

Біблія (пераклад В. Сёмухі)

²⁰ Дзеці, слухайцеся бацькоў вашых ва ўсім, бо гэта даспадобы Госпаду.

КАЛАСЯНАЎ 3:20 Крыжаваныя спасылкі

БЫЦЦЁ 28:7

і што Якуб, паслухмяны бацькам сваім, пайшоў у Падан-Арам,

ВЫХАД 20:12

Паважай бацьку свайго і маці сваю, каб быць даўгавечным на зямлі, якую дасць табе Госпад, Бог твой.

ВЫСЛОЎІ 20:20

Хто сварыцца на бацьку свайго і маці — патухне светач яго ў глыбінях цемры.

ВЫСЛОЎІ 30:11

Ёсць род, што бацьку свайго праклінае і што не дабраслаўляе маці сваю.

ВЫСЛОЎІ 30:17

Вока, што кпіць з бацькі і што адцураецца паслушэнства маці — хай крумкачы з-за ракі выдзеўбаюць яго і хай з’ядуць яго дзеці арла.

ВЫСЛОЎІ 6:20

Захавай, сыне мой, пастановы бацькі свайго і не адкідай запавету маці сваёй;

ЕРАМІІ 35:8

І мы паслухаліся голасу Ёнадаба, сына Рэхаба, бацькі нашага, ува ўсім, што ён загадаў нам, так што не п’ём віна па ўсіх днях нашых мы, жанчыны нашы, сыны і дочкі нашы

ЕЗЭКІІЛЯ 22:7

У цябе бацька і маці ў знявазе, у цябе пакрыўджаны чужынец, у цябе ў прыгнёце сірата і ўдава.

ЛЯВІТ 19:3

Хай кожны паважае маці і бацьку свайго. Пільнуйце суботы Мае. Я — Госпад, Бог ваш!

МАЛАХІІ 1:6

Сын паважае бацьку свайго, і слуга — гаспадара свайго. Такім чынам, калі Я — бацька, дзе ж павага да Мяне? І калі Я — Госпад, дзе ж страх перада Мною? — кажа Госпад Магуццяў да вас, святары, якія зневажаеце імя Маё і кажаце: “Чым зневажаем мы імя Тваё?”

МАЦЬВЕЯ 19:19

шануй бацьку і маці і любі блізкага свайго, як сябе самога».

ЭФЭСЯНАЎ 5:24

Але, як Царква падпарадкавана Хрысту, так і жонкі мужам сваім ва ўсім.

ДРУГІ ЗАКОН 27:16

“Пракляты той, хто пагарджае бацькам сваім і маці”. І ўвесь народ скажа: “Амін”.

ДРУГІ ЗАКОН 5:16

Паважай бацьку свайго і маці сваю, як загадаў табе Госпад, Бог твой, каб быў ты даўгавечны і добра табе было на зямлі, якую дасць табе Госпад, Бог твой.

ПІЛІПЯНАЎ 4:18

Я ўсё атрымаў і хапае мне ўсяго; я напоўніўся, атрымаўшы ад Эпафрадыта салодкі водар, які вы даслалі, ахвяру прыемную, мілую Богу.

КАЛАСЯНАЎ 1:10

і каб жылі вы дастойна Госпада, ва ўсім падабаючыся Яму, прыносячы плод у кожным добрым дзеянні і ўзрастаючы ў пазнанні Бога,

КАЛАСЯНАЎ 3:22

Нявольнікі, слухайцеся ва ўсім гаспадароў цялесных, не на вачах служачы, як дагаджаючы людзям, але ў прастаце сэрца, баючыся Бога.

ЦІТА 2:9

Хай паслугачы слухаюць сваіх гаспадароў, ва ўсім дагаджаюць, а не пярэчаць,

ГАБРЭЯЎ 13:21

хай удасканаліць вас ва ўсякай справе добрай, каб спаўнялі вы Яго волю, выконваючы ў нас, што Яму падабаецца, праз Ісуса Хрыста, Якому слава на векі вечныя. Амін.

РУТ 3:5

Яна адказала: «Што ты загадала, зраблю».