КАЛАСЯНАЎ 1:6 - Кнігі Святога Пісання - Біблія - Біблія — пераклад Чарняўскага (выданне 2017 года)

⁶ якая дайшла да вас, як і па ўсім свеце разышлася, і дае плады, і расце, як і ў вас ад таго дня, у які вы пачулі ды пазналі ласку Божую ў праўдзе,

Біблія (пераклад А.Бокуна)

⁶ якое ёсьць у вас, як і ў-ва ўсім сьвеце, і дае плод, як і між вамі, з таго дня, калі вы пачулі і пазналі ласку Божую ў праўдзе,

Біблія (пераклад В. Сёмухі)

⁶ якое жыве ў вас, як і вы ўва ўсім сьвеце, і родзіць плод і ўзрастае, як і паміж вамі, з таго дня, як вы пачулі і ўведалі мілату Божую ў ісьціне,

КАЛАСЯНАЎ 1:6 Крыжаваныя спасылкі

ЯНА 15:16

Не вы Мяне выбралі, але Я вас выбраў і паставіў вас, каб вы ішлі і прыносілі плод, ды каб ваш плод заставаўся, і каб Айцец даў вам, пра што толькі будзеце прасіць Яго ў імя Маё.

ПІЛІПЯНАЎ 1:11

поўныя пладоў справядлівасці, што праз Ісуса Хрыста на ўшанаванне і славу Бога.

1 ПЯТРА 5:12

Коратка я вам напісаў праз Сілівана, вернага брата, як думаю, перасцерагаючы ды і сведчанне прыносячы, што такая вось праўдзівая ласка Божая; у ёй вы стаіце.

КАЛАСЯНАЎ 1:23

калі толькі застанецеся моцнымі верай, стойкімі і непарушнымі ў надзеі Евангелля, якое вы чулі, якое абвяшчаецца ўсяму стварэнню, якое пад небам, якога я, Паўла, стаўся паслугачом.

РЫМЛЯНАЎ 1:13

Хачу, браты, каб вы ведалі, што я часта збіраўся наведаць вас, каб мець нейкі плод і ў вас, як і ў іншых народаў, але меў перашкоды аж дасюль.

ЯНА 4:23

Але надыходзіць час, ды ўжо надышоў, што праўдзівыя паклоннікі будуць пакланяцца Айцу ў Духу і ў праўдзе, бо і Айцец шукае такіх, што паклоняцца Яму.

МАРКА 16:15

І сказаў ім: «Ідзіце на ўвесь свет і абвяшчайце Евангелле ўсяму стварэнню.

МАРКА 4:8

Яшчэ іншае ўпала на добрую зямлю і дало плод: узышло, і вырасла, і ўрадзіла: адно трыццаць, другое шэсцьдзясят, трэцяе сто».

МАЦЬВЕЯ 24:14

І будзе прапаведавацца гэтае Евангелле Валадарства па ўсім свеце на сведчанне ўсім народам; і тады прыйдзе канец.

ПСАЛТЫР 98:3

Успомніў Ён пра міласэрнасць Сваю і пра праўду Сваю для дома Ізраэля. Убачаць усе канцы свету збаўленне Бога нашага.

2 ФЕСАЛОНІКІЙЦАЎ 2:13

Нам жа належыць заўжды дзякаваць Богу за вас, умілаваныя Госпадам браты, бо ад пачатку, праз асвячэнне Духа і веру праўды Бог вас выбраў на збаўленне,

1 ФЕСАЛОНІКІЙЦАЎ 2:13

Таму і мы бесперапынна дзякуем Богу, бо, калі вы прынялі слова Божае, пачутае ад нас, успрынялі яго не як слова чалавечае, але як сапраўды яно ёсць, як слова Божае, якое і дзейнічае ў вас, веруючых.

1 ФЕСАЛОНІКІЙЦАЎ 1:5

бо дабравешчанне наша не было да вас толькі ў словах, але ў сіле і ў Духу Святым ды ў шматлікіх сведчаннях, бо ж самі ведаеце, якімі мы былі ў вас для вас.

КАЛАСЯНАЎ 1:10

і каб жылі вы дастойна Госпада, ва ўсім падабаючыся Яму, прыносячы плод у кожным добрым дзеянні і ўзрастаючы ў пазнанні Бога,

ПІЛІПЯНАЎ 4:17

Не шукаю я дарункаў, але шукаю плода, які памнажаецца на вашу карысць.

ЭФЭСЯНАЎ 5:9

Плод жа Духа выяўляецца ва ўсякай дабрыні, і справядлівасці, і праўдзе.

ЭФЭСЯНАЎ 4:23

а аднавіцеся духам розуму вашага

ЭФЭСЯНАЎ 4:21

калі толькі вы пра Яго чулі і калі ў Ім былі навучаны, таму што праўда ў Ісусе.

2 КАРЫНФЯНАЎ 10:14

Бо мы не так, быццам не дасягнуўшы вас, перасягнулі самі сябе, бо мы дайшлі да вас у Евангеллі Хрыста.

2 КАРЫНФЯНАЎ 6:1

Мы, як супрацоўнікі, заклікаем вас, каб вы не надарма прынялі ласку Божую,

РЫМЛЯНАЎ 15:19

моцаю знакаў і цудаў, моцаю Духа Божага, так што ад Ерузаліма і ваколіц аж да Ілірыка пашыраў я добрую вестку Хрыстову.

ДЗЕІ 26:18

каб адкрыў ты ім вочы, каб павярнуліся ад цемры да святла і ад улады шатана да Бога, каб атрымалі адпушчэнне грахоў і ўдзел са святымі праз веру ў Мяне”.

ДЗЕІ 16:14

І слухала адна богабаязная жанчына, імем Лідзія, родам з горада Тыятыры, што прадавала пурпур, і Госпад адчыніў ёй сэрца, каб успрымаць тое, што казаў Паўла.

ДЗЕІ 12:24

Слова ж Госпадава расло і памнажалася.

ДЗЕІ 11:18

Пачуўшы гэта, усе супакоіліся ды славілі Бога і казалі: «Дык і паганам даў Бог ласку навяртання на жыццё».

МАЦЬВЕЯ 28:19

Дык ідзіце і навучайце ўсе народы, хрысцячы іх у імя Айца, і Сына, і Святога Духа,

ПСАЛТЫР 110:3

За Табою першынства ў дзень магуцця Твайго, у ззянні святым, з улоння на досвітку нарадзіў я Цябе».

ЭФЭСЯНАЎ 3:2

Хіба чулі вы аб распарадкаванні ласкі Божай, што дадзена мне адносна вас,

РЫМЛЯНАЎ 15:28

Калі гэтую справу выканаю і перадам ім плод гэты, праз вас рушу ў Гішпанію.

ЯНА 17:19

і за іх Я прысвячаю Сябе Самога, каб і яны былі асвечаны ў праўдзе.