ЕРАМІІ 31:25 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁵ Бо напаю Я душу знямоглую, і кожную душу згаладнелую накармлю».

Біблія (пераклад А.Бокуна)

²⁵ Бо Я напаю душу спрагнёную, і кожную душу саслабелую насычу”».

Біблія (пераклад В. Сёмухі)

²⁵ Бо Я напаю душу стомленую і накармлю душу скрушную.

ЕРАМІІ 31:25 Крыжаваныя спасылкі

ПСАЛТЫР 107:9

бо насыціў Ён душу таго, хто адчуваў смагу, і напоўніў дабротамі душу, што моцна прагне.

ПСАЛТЫР 23:3

Падмацаваў душу маю, вывеў мяне на шлях справядлівасці дзеля імя Свайго.

ІСАІ 32:2

І будзе чалавек, як сховішча ад ветру ды прыпынак перад бурай, як ручаі водаў на засохлай зямлі або засень вялікай скалы на сухой зямлі.

ІСАІ 40:29

Ён дае знямогламу сілу, а кволаму моц павялічвае.

ІСАІ 41:17

Бедныя і ўбогія шукаюць вады — і няма! Язык іх высах ад смагі. Я, Госпад, выслухаю іх, не пакіну іх, — Бог Ізраэля!

ІСАІ 50:4

Госпад Бог надзяліў мяне языком вымоўным, каб здолеў я падтрымаць таго, хто знямогся ў слове; кожную раніцу Ён абуджае, абуджае вуха маё, каб слухаў я Яго, як вучань.

ЕРАМІІ 31:12

І прыйдуць яны, і будуць спяваць хвалу на гары Сіён, і прыгарнуцца да даброццяў Госпада: збожжа, і віна, і аліўкавага алею, ягнят і цялят; і душа іх станецца, як сад абводнены, і не будуць яны больш прагнуць.

ЕРАМІІ 31:14

І насычу душу святароў тлустасцю, а народ Мой будзе напоўнены дабротамі Маімі», — кажа Госпад.

ЕЗЭКІІЛЯ 34:14

Буду пасвіць іх на самых сакавітых пашах, і пашы іх будуць на высокіх гарах Ізраэля; там будуць адпачываць на зялёных травах і на сакавітых пашах будуць пасвіцца на гарах Ізраэля.

МАЦЬВЕЯ 11:28

Ідзіце да Мяне ўсе, што працуеце і стаміліся пад цяжарам, і Я дам вам супакой.

МАЦЬВЕЯ 5:6

Шчасныя тыя, што прагнуць і смагнуць справядлівасці, бо яны насыцяцца.

ЛУКАША 1:53

галодных насыціў даброццем, а багацеяў адправіў ні з чым.

ЯНА 4:14

а хто нап’ецца вады, якую Я яму дам, ужо не будзе смагнуць навекі, але вада, якую Я яму дам, станецца ў ім крыніцай вады, што бруіцца ў жыццё вечнае».

2 КАРЫНФЯНАЎ 7:6

Але Бог, Суцяшыцель пакорлівых, суцешыў нас прыбыццём Ціта.