ЕРАМІІ 18:20 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁰ Ці ж ліхам адгаджаецца за дабро? А яны выкапалі яму для душы маёй! Узгадай, як я стаяў перад Табою, каб прасіць дабра для іх ды каб адвярнуць гнеў Твой ад іх.

Біблія (пераклад А.Бокуна)

²⁰ Ці ж за дабро аднагароджваюць ліхам? Бо яны выкапалі яму для душы маёй! Узгадай, як я стаяў перад абліччам Тваім, каб прамаўляць пра іх добрае і каб адвярнуць гнеў Твой ад іх.

Біблія (пераклад В. Сёмухі)

²⁰ Ці трэба плаціць злом за дабро? а яны капаюць яму для душы маёй. Уважы, што я стаю перад абліччам Тваім, каб гаварыць за іх добрае, каб адвярнуць ад іх гнеў Твой.

ЕРАМІІ 18:20 Крыжаваныя спасылкі

ЁВА 6:27

На сірату вы нападаеце і намагаецеся абвергнуць сябра вашага.

ПСАЛТЫР 106:23

І сказаў Ён, што вынішчыць іх, каб не Майсей, выбраннік Яго: ён стаў перад Ім у расколіне, каб адвёў гнеў Свой, не губіў іх.

ПСАЛТЫР 119:95

Цікуюць на мяне грэшнікі, каб загубіць мяне, я зразумеў сведчанні Твае.

ПСАЛТЫР 35:12

Адгаджалі яны мне ліхам за дабро: адзінотаю душы маёй.

ПСАЛТЫР 35:7

Без прычыны бо нацягнулі яны на мяне сетку сваю, без прычыны выкапалі воўчую яму супраць душы маёй.

ПСАЛТЫР 38:20

Але непрыяцелі мае жывуць, і яны сталі дужэйшымі, і памножыліся тыя, што ненавідзяць мяне несправядліва.

ПСАЛТЫР 57:6

Уздыміся, Божа, па-над нябёсы, а слава Твая па ўсёй зямлі.

ПСАЛТЫР 7:15

Вось [чалавек]: затаіў у сабе несправядлівасць — даў пачатак жалю — спарадзіў няпраўду;

ВЫСЛОЎІ 17:13

Хто ліхам за дабро адплачвае, той не мінуе ліха ў доме сваім.

ВЫСЛОЎІ 26:27

Хто капае яму, той упадзе ў яе; і хто скідвае камень, да таго ён вернецца.

ЭКЛЕЗІЯСТА 10:8

Хто капае дол, той упадзе ў яго, а таго, хто руйнуе мур, укусіць гадзюка.

ЕРАМІІ 11:14

Дык ты не маліся за народ гэты і не ўзнось за іх прашэнне і маленне, бо Я не выслухаю ў час, калі будуць клікаць Мяне, у час гора іх.

ЕРАМІІ 14:20

Прызнаём, Госпадзе, свае злачынствы, злачынствы бацькоў нашых, бо зграшылі мы супраць Цябе!

ЕРАМІІ 15:1

І сказаў Госпад мне: «Калі б нават Майсей і Самуэль сталі перада Мною, душа Мая не з гэтым народам! Выгані іх ад аблічча Майго, няхай ідуць прэч!

ЕРАМІІ 17:18

Хай будуць пасаромлены тыя, якія пераследуюць мяне, а я хай не буду пасаромлены; хай яны баяцца, а я хай не буду баяцца, спашлі на іх дзень няшчасця ды падвойным уціскам пакарай іх.

ЕРАМІІ 18:19

Зваж на мяне, Госпадзе, і пачуй голас непрыяцеляў маіх.

ЕРАМІІ 18:22

Хай чуецца крык з іх дамоў; навядзі на іх раптам злодзеяў, бо яны выкапалі яму, каб схапіць мяне, а пад ногі мае пасткі паставілі.

ЕРАМІІ 27:18

І калі яны сапраўды прарокі і ў іх ёсць слова Госпада, хай бы яны прыйшлі да Госпада, каб посуд, які застаўся ў доме Госпада, у палацы цара Юды і ў Ерузаліме, не адышоў у Бабілон”».

ЕРАМІІ 5:26

бо знайшліся ў народзе Маім бязбожнікі, якія цікуюць, як птушкаловы, якія, угнуўшыся, стаўляюць пасткі, каб лавіць людзей.

ЕРАМІІ 7:16

Дык ты не маліся за гэты народ, не ўзнось за іх маленне і просьбу, і не пярэч Мне, бо Я не выслухаю цябе.

ПЛАЧ 3:59

Бачыш, Госпадзе, гора маё, судзі справядліва мяне.

ЯНА 10:32

Адказаў ім Ісус: «Многа добрых учынкаў паказаў Я вам ад Айца Майго, дык за які з гэтых учынкаў кідаеце ў Мяне камяні?»

ЯНА 15:25

Але, каб споўнілася слова, якое запісана ў іх законе: “Зненавідзелі Мяне без прычыны”.

1 ЦАРСТВАЎ 19:4

І гаварыў Ёнатан добрае бацьку свайму, Саўлу, пра Давіда, і казаў яму: «Хай не грашыць цар на Давіда, паслугача свайго, бо нічым ён не зграшыў перад табою і ўчынкі яго для цябе вельмі добрыя.