ЕРАМІІ 14:19 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁹ «Ці сапраўды адпіхнуў Ты Юду, або, можа, Сіёнам абрыдзілася душа Твая? Чаму Ты крануў нас плягаю без магчымасці аздараўлення? Спадзяваліся мы на супакой, але добрага няма; час вылечыцца — і вось, трывога!

Біблія (пераклад А.Бокуна)

¹⁹ Ці адкінуўшы, адкінуў Ты Юду, або абрыдзіў Сыён душы Тваёй? Чаму Ты ўдарыў нас плягаю і няма аздараўленьня? Мы чакалі міру, але няма [нічога] добрага; [чакалі] часу аздараўленьня, і вось, трывога!

Біблія (пераклад В. Сёмухі)

¹⁹ Хіба ты зусім адкінуў Юду? Хіба душы тваёй спрыкраў Сіён? Навошта ўразіў нас так, што няма нам ацаленьня? Чакаем міру - і нічога добрага няма; чакаем часіны ацаленьня - і вось, жахі.

ЕРАМІІ 14:19 Крыжаваныя спасылкі

2 ЛЕТАПІСАЎ 36:16

Але яны высмейвалі пасланцоў Божых, і не звярталі ўвагі на перасцярогі Яго, і здзекаваліся з прарокаў Яго, аж пакуль не ўзгарэлася абурэнне Госпада на народ Свой ды не было ўжо ніякага ратунку.

ЁВА 30:26

Чакаў я дабра, а прыйшло ліха, і чакаў святла, але прыйшла цемра.

ПСАЛТЫР 78:59

Пачуў Бог і ўзгарэўся гневам, і рэзка адцураўся Ізраэля.

ПСАЛТЫР 89:38

і як месяц моцны, стаяць будзе вечна; і сведка верны на небе.

ВЫСЛОЎІ 29:1

Чалавек, які з цвёрдай шыяй пагарджае абвінавачваннямі, — раптам будзе знішчаны, і без вылячэння.

ЕРАМІІ 12:7

«Я пакінуў дом Свой, пакінуў спадчыну Сваю, тое, што любіла душа Мая, аддаў у рукі непрыяцеляў яе.

ЕРАМІІ 12:8

Мая спадчына сталася для Мяне, як леў у лесе; яна падняла супраць Мяне голас свой, таму Я зненавідзеў яе.

ЕРАМІІ 15:1

І сказаў Госпад мне: «Калі б нават Майсей і Самуэль сталі перада Мною, душа Мая не з гэтым народам! Выгані іх ад аблічча Майго, няхай ідуць прэч!

ЕРАМІІ 15:18

Чаму боль мой стаўся бязмежным, а рана мая безнадзейная, адмаўляецца лячыцца? Стаўся Ты мне як ручай падманны, як воды ненадзейныя».

ЕРАМІІ 30:12

Бо гэта кажа Госпад: «Невылечнае калецтва тваё, страшэнная рана твая;

ЕРАМІІ 30:13

ніхто не рупіцца пра тваю справу; няма лекаў, каб цябе вылечыць.

ЕРАМІІ 51:5

Бо не аўдавеў Ізраэль, і Юда па сваім Богу, па Госпаду Магуццяў, бо зямля іх перапоўнена злачынствамі на віду Святога Ізраэля.

ЕРАМІІ 6:30

Назавіце іх срэбрам асуджаным, бо адкінуў іх Госпад».

ЕРАМІІ 7:29

Абстрыжы валасы свае і адкінь іх, ды падымі лямант на ўзгорках, бо адкінуў Госпад і адпіхнуў пакаленне гневу Яго.

ЕРАМІІ 8:15

Чакаем супакою, але няма добрага, часу аздараўлення, ды вось — жах!»!

ЕРАМІІ 8:22

Ці няма бальзаму ў Галаадзе, ці няма там лекара? Дык чаму не зацягнулася рана дачкі народа майго?

ПЛАЧ 2:13

Каму прымяркую цябе або з кім параўнаю цябе, дачка Ерузаліма? Да каго прыпадобню цябе, каб пацешыць цябе, дзяўчына, дачка Сіёна? Вялікай бо ёсць, як мора, загуба твая; хто цябе вылечыць?

ПЛАЧ 2:22

Склікаў я, быццам на свята, тых, што трывожылі мяне навокал. Ніхто ў дзень гневу Госпадава не ўцёк, не застаўся ніхто: каго песціў я і гадаваў — вораг Мой знішчыў іх».

ПЛАЧ 4:17

«Дакуль марнеюць нашы вочы, дарэмна чакаючы дапамогі! З вартавой вежы нашай выглядалі мы народ, які можа нас збавіць.

ПЛАЧ 5:22

Ці ж назаўсёды нас адпіхаеш? Ці так ужо моцна на нас злуешся?»

МІХЕЯ 1:12

Дрыжаць, напэўна, аб сваёй маёмасці жыхары Марота, бо спаслана бяда Госпадам на браму Ерузаліма.

1 ФЕСАЛОНІКІЙЦАЎ 5:3

Бо калі скажуць: «Супакой і бяспека», тады раптам прыйдзе на іх загуба, як родавыя мукі на цяжарную, і не ўцякуць.