ЕРАМІІ 10:10 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁰ А Госпад — Бог сапраўдны, Ён Бог жывы і Валадар вечны; ад гневу Яго задрыжыць зямля, і народы не змогуць устаяць перад пагрозаю Яго.

Біблія (пераклад А.Бокуна)

¹⁰ А ГОСПАД — Бог праўдзівы. Ён — Бог жывы і Валадар вечны. Ад гневу Ягонага дрыжыць зямля, і народы ня могуць устаяць перад гневам Ягоным.

Біблія (пераклад В. Сёмухі)

¹⁰ А Гасподзь Бог ёсьць ісьціна; Ён ёсьць Бог жывы і Цар вечны. Ад гневу Яго дрыжыць зямля, і народы ня могуць вытрымаць абурэньне Ягонае.

ЕРАМІІ 10:10 Крыжаваныя спасылкі

ДРУГІ ЗАКОН 32:4

Ён — скала, і дасканалыя творы Яго, бо ўсе шляхі Яго — справядлівасць. Бог верны, і няма ў Ім ніякай няпраўды, Ён справядлівы і праўдзівы.

ІСАІ 57:15

Бо гэта кажа Высокі і Узвышні, Які пражывае ў вечнасці, а імя Яго — святое: «На вышіні і ў святым месцы, жыву Я, ды разам з засмучанымі ды пакорнымі духам, каб ажывіць дух пакорных і ажывіць сэрца засмучанае.

ПСАЛТЫР 76:7

Ад папрокаў Тваіх, Божа Якуба, пазаміралі вознік і конь.

НАВУМА 1:6

Хто ўстаіць перад гневам Яго, і хто сцерпіць полымя абурэння Яго? Гнеў Яго разліваецца, як агонь, і скалы разбураюцца перад Ім.

ПСАЛТЫР 42:2

Як алень імкнецца да водаў крынічных, так імкнецца душа мая да Цябе, Божа.

ПСАЛТЫР 100:5

Бо добры Госпад; міласэрнасць Яго — навечна, і праўда Яго — з пакалення ў пакаленне.

АДКРЫЦЦЁ 20:11

І ўбачыў я пасад вялікі белы і Таго, Які сядзеў на ім, перад абліччам Якога ўцяклі зямля і неба, і не знайшлося ім месца.

ПСАЛТЫР 31:5

Выведзі мяне з пасткі, якую скрыта паставілі на мяне, бо Ты — цвярдыня мая.

ПСАЛТЫР 10:16

Госпад — валадар навечна і на вечныя вякі: знікнуць пагане з зямлі Яго.

ПСАЛТЫР 18:7

У роспачы маёй клічу я Госпада, і Бога майго прызываю; пачуў Ён кліч мой з храма Свайго, і прызыў мой перад позіркам вачэй Яго ўвайшоў.

1 ЯНА 5:20

Ведаем таксама, што Сын Божы прыйшоў і абдарыў нас розумам, каб мы пазналі Таго, Хто праўдзівы; і мы ў Тым, Хто праўдзівы, у Сыне Яго Ісусе Хрысце. Ён праўдзівы Бог і Жыццё вечнае.

ГАБРЭЯЎ 10:31

Страшна трапіць у рукі Бога жывога.

1 ЦІМАФЕЯ 1:17

Валадару ж бессмяротнаму вякоў, нябачнаму, адзінаму, мудраму Богу ўшанаванне і слава на векі вечныя. Амін.

1 ФЕСАЛОНІКІЙЦАЎ 1:9

Бо самі людзі абвяшчаюць пра нас, якое прыняцце мелі мы ў вас ды як вы навярнуліся да Бога ад ідалаў, каб служыць Богу жывому і праўдзіваму

ДЗЕІ 14:15

і кажучы: «Людзі, што гэта вы робіце? І мы людзі, падобныя да вас, абвяшчаем вам Евангелле, каб вы адвярнуліся ад гэтых марнасцей да Бога жывога, Які стварыў неба, і зямлю, і мора, ды ўсё, што ў іх ёсць.

МАЛАХІІ 3:2

і хто можа вытрымаць дзень прышэсця Яго? І хто ўстаіць, калі Ён з’явіцца? Ён бо — як агонь растапляючы і як зелле ачышчаючае;

АБАКУМА 3:6

Ён стаў — і дрыжыць зямля, глянуў — і палохае народы. І распадаюцца горы векавыя, старадаўнія ўзгоркі ападаюць ад шляхоў Яго спрадвечных.

МІХЕЯ 1:4

растаюць пад Ім горы і распадуцца лагчыны, як воск ад агню, як воды, што сцякаюць імкліва.

ПСАЛТЫР 146:6

Які стварыў неба і зямлю, і мора ды ўсё, што ў іх ёсць; Які пільнуецца праўды вечна,

ПСАЛТЫР 145:13

НУН. Верны Госпад ва ўсіх словах Сваіх і святы ва ўсіх справах Сваіх.

ПСАЛТЫР 114:7

Трымці, зямля, перад абліччам Госпада, перад абліччам Бога Якубава,

ПСАЛТЫР 104:32

Ён зірне на зямлю і яна дрыжыць, Ён дакранецца да гор — і яны дымяць.

ПСАЛТЫР 97:4

Маланкі Яго асвятляюць сусвет: бачыць і трымціць зямля.

ПСАЛТЫР 93:2

Умацаваны пасад Твой з таго часу, спакон вякоў — Ты.

ПСАЛТЫР 90:11

Хто зразумеў вялікасць Твайго гневу і сілу абурэння Твайго?

ПСАЛТЫР 84:2

Якія ж мілыя паселішчы Твае, Госпадзе магуццяў!

ПСАЛТЫР 77:18

Хмары палілі ваду, аблокі падалі голас, між тым стрэлы Твае пралятаюць.

ЁВА 9:6

Ён зрушае зямлю з месца свайго, і слупы яе трасуцца.

2 ЛЕТАПІСАЎ 15:3

Многа часу жыў Ізраэль без Бога праўды і без святара, настаўніка ды без закону.

3 ЦАРСТВАЎ 18:39

Калі ўбачыў гэта ўвесь народ, упаў на твар свой і сказаў: «Госпад — гэта Бог, Госпад — гэта Бог!»

1 ЦАРСТВАЎ 17:36

Бо і льва, і мядзведзя забіваў паслугач твой; дык і гэты неабрэзаны філістынец як адзін з іх, бо ён асмеліўся ганьбіць войска Бога жывога!»

1 ЦАРСТВАЎ 17:26

І спытаўся Давід у людзей, што стаялі з ім, кажучы: «Што дадуць чалавеку, які заб’е гэтага філістынца і здыме ганьбу з Ізраэля? Бо хто ён, гэты неабрэзаны філістынец, што так зняважыў войска Бога жывога?»

СУДЗЬДЗЯЎ 5:4

Госпадзе, калі Ты выходзіў з Сэіра, калі Ты выходзіў з ваколіц Эдома, тады трэслася зямля, і неба плакала, і хмары лілі кроплі вады;

ДРУГІ ЗАКОН 5:26

Ці ёсць якое цела, што пачула б голас Бога жывога, Які прамаўляе з сярэдзіны агню, як мы пачулі, і здолела б выжыць?

1 ЦІМАФЕЯ 6:17

Багатым гэтага веку загадвай, каб лішне высока пра сябе не думалі і не пакладалі надзеі на няпэўнасць багацця, але спадзяваліся на Бога жывога, Які шчодра дае нам усё патрэбнае для асалоды,

ЯНА 17:3

А гэтае жыццё вечнае ў тым, каб пазналі Цябе, адзінага праўдзівага Бога, і Таго, Каго Ты паслаў, Ісуса Хрыста.

МАЦЬВЕЯ 26:63

Але Ісус маўчаў. І першасвятар гаворыць Яму: «Заклінаю Цябе Богам жывым, каб Ты нам сказаў, ці Ты Хрыстос, Сын Божы?»

МАЦЬВЕЯ 16:16

Адказваючы, Сімон Пётра сказаў: «Ты – Хрыстос, Сын Бога жывога».

АБАКУМА 3:10

убачылі Цябе і затрэсліся горы. Хмары вылілі воды, бяздонне выдала голас свой, увысь падняла рукі свае.

ЁІЛЯ 2:11

І Госпад падае Свой голас перад абліччам войска Свайго, бо надзвычай вялікі лагер Яго, бо ён магутны ў выкананні волі Яго; бо вялікі ёсць дзень Госпадаў і вельмі страшны. Хто вытрымае яго?!

ДАНІІЛА 7:14

і даручана была Яму ўлада, і слава, і царства; і служылі Яму ўсе народы, пакаленні і мовы: улада Яго ёсць улада вечная, якая ніколі не спыніцца, і Валадарства Яго не будзе знішчана.

ДАНІІЛА 6:26

Выдаю дэкрэт, каб на ўсім абсягу майго царства шанавалі і трымцелі перад Богам Даніэля: бо Ён ёсць Бог жывы і трывае на векі; і Валадарства Яго не будзе знішчана, і ўлада Яго — аж навек.

ДАНІІЛА 4:34

Такім чынам, зараз я, Набукаданосар, хвалю, і слаўлю, і ўзвялічваю Валадара Неба, бо ўсе Яго дзеянні ёсць праўда і дарогі Яго — справядлівасць, і тых, хто ўпадае ў пыхлівасць, можа Ён упакорыць».

ДАНІІЛА 4:3

Ды выдаў я загад, каб прывялі да мяне ўсіх мудрацоў бабілонскіх, каб яны далі мне выясненне сну.

ЕРАМІІ 23:36

Але не ўзгадвайце ўжо больш “цяжар Госпада”, бо інакш для любога станецца цяжарам яго слова, бо перакручваеце вы словы Бога жывога, Госпада Магуццяў, Бога нашага.

ІСАІ 37:17

Схілі, Госпадзе, вуха сваё і пачуй, адкрый, Госпадзе, вочы свае і пабач ды выслухай усе словы Санхэрыба, якія перадаў ён, каб зняважыць Бога жывога!

ІСАІ 37:4

Можа, твой Госпад Бог пачуе словы Рабсака, якога паслаў гаспадар яго, цар асірыйцаў, каб блюзніць на Бога жывога, ды пакарае за словы, якія чуў Госпад, Бог твой; дык уздымі малітву за астатніх”».

ПСАЛТЫР 68:11

Жывыя стварэнні Твае жылі там, падрыхтаваў Ты [усё] для беднага ў дабраце Сваёй.

БЫЦЦЁ 21:33

Тады ўзняліся Абімэлех і Піколь, начальнік войска яго, і вярнуліся ў зямлю філістынцаў. А Абрагам пасадзіў лес у Бээр-Сэбе, і прызываў там імя Госпада, Бога Вечнага.

3 ЦАРСТВАЎ 8:60

каб ведалі ўсе народы зямлі, што Сам Госпад ёсць Бог, і няма іншага, акрамя Яго.

ПСАЛТЫР 29:10

Госпад трывае па-над патопам, і будзе сядзець Госпад як Валадар вечна.

ПСАЛТЫР 68:8

Божа, калі ішоў Ты перад народам Тваім, калі праходзіў Ты па пустыні,

ПСАЛТЫР 90:2

Перш чым паўсталі горы і нарадзілася зямля і сусвет, і спакон вякоў, і на век Ты — Бог.

ІСАІ 40:15

Вось жа, народы — як кропля ў пасудзіне, і ўважаюцца як дробка парахна на шалях; і астравы — як пылінка малая.

ІСАІ 65:16

калі хто ім будзе дабраслаўляць сябе на зямлі, будзе дабраслаўляцца Богам праўды. А калі хто будзе прысягаць на зямлі, будзе прысягаць Богам праўды, бо ранейшыя прыгнёты аддадуцца на забыццё і будуць закрытымі ад вачэй Маіх.

ЕРАМІІ 4:2

І будзеш прысягаць: “Хай жыве Госпад” згодна з праўдай, слушна і справядліва, і народы будуць дабраслаўляцца праз цябе і будуць табою хваліцца.

ЕРАМІІ 4:24

Зірнуў на горы, — і вось, яны трэсліся, ды ўсе ўзгоркі захісталіся.

ЕРАМІІ 50:46

Пры вестцы аб захопе Бабілона дрыжыць зямля, і крык чуецца сярод народаў.

ЕРАМІІ 51:29

Задрыжыць зямля і затрасецца, бо споўніцца задума Госпада супраць Бабілона, каб учыніць зямлю Бабілона пустыннай і бязлюднай.

ІСУСА 3:10

І зноў казаў Ешуа: «Па гэтым пазнаеце, што Бог жывы пасярод вас і што Ён прагоніць хананеяў, хетэяў, гівеяў, феразеяў, а таксама гергесеяў, амарэяў і евусеяў:

1 ЛЕТАПІСАЎ 29:11

Твая, Госпадзе, веліч і магутнасць, слава, хвала і хараство. Усё бо, што ў небе і што на зямлі, — Тваё ёсць. Тваё, Госпадзе, валадарства, і Ты, як Галава, узносішся над усім.

ПСАЛТЫР 9:8

ГЭ. Госпад жа вечна трывае, прыгатаваў Ён на суд пасад Свой.

ПСАЛТЫР 74:12

Але ж Бог — наш цар спрадвеку, учыніў Ён збаўленні пасярод зямлі.

ПСАЛТЫР 76:8

Ты — пагрозлівы, і хто супрацівіцца Табе? З таго часу і гнеў Твой.

ПСАЛТЫР 100:3

Ведайце, што Сам Госпад — гэта Бог; Ён стварыў нас, дык мы Яго, мы — народ Яго і авечкі пашы Яго.

ІСАІ 40:28

Ці не ведаеш? Або ці не чуў? Бог, спрадвечны Госпад, Які стварыў межы зямлі, Ён не спыніцца, і не стоміцца, і не зняможацца; немагчыма спасцігнуць мудрасць Яго!

ДАНІІЛА 6:27

Ён ратуе і вызваляе і творыць знакі і цуды на небе і на зямлі. Ён жа вызваліў Даніэля ад ільвоў».

НАВУМА 1:5

Дрыжаць горы перад Ім, і ўзгоркі трывожацца; і зямля трасецца перад абліччам Яго, і сусвет ды ўсе, пражываючыя ў ім.