ЕЗЭКІІЛЯ 26:15 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁵ Вось што кажа Госпад Бог Тыру: “Ці ад гуку знішчэння твайго і стогнаў тваіх забітых, калі знішчаны будуць яны сярод цябе, не задрыжаць астравы?

Біблія (пераклад А.Бокуна)

¹⁵ Гэта кажа Госпад ГОСПАД Тыру: “Ці ад гуку руйнаваньня твайго, калі будуць стагнаць параненыя, калі забіваньнем будуць забіваць пасярод цябе, не задрыжаць астравы?

Біблія (пераклад В. Сёмухі)

¹⁵ Так кажа Гасподзь Бог Тыру: ад шуму падзеньня твайго, ад стогну параненых, калі будзе пабоішча сярод цябе, ці ж не задрыжаць выспы?

ЕЗЭКІІЛЯ 26:15 Крыжаваныя спасылкі

ІСАІ 2:19

Тады ўвойдуць яны ў шчыліны скал і ў пячоры каменныя перад абліччам страху Госпадава і перад славай велічнасці Яго, калі паўстане Ён, каб страсянуць зямлю.

ІСАІ 41:5

Убачылі астравы і спалохаліся, канцы свету аслупянелі, наблізіліся і адышлі.

ЕРАМІІ 49:21

На вестку пра знішчэнне іх дрыжыць зямля, і крык чутны над морам Чырвоным.

ЕЗЭКІІЛЯ 26:10

Ад многіх коней яго пакрые цябе іх пыл, ад грукату яго коннікаў, і колаў, і калясніц дрыжаць будуць твае муры, калі ўваходзіць будзе ў брамы твае, як пры ўваходзе ў здабыты горад.

ЕЗЭКІІЛЯ 26:18

Цяпер будуць дрыжаць караблі ў дзень тваёй загубы, і астравы на моры ўстрывожацца з-за твайго канца”.

ЕЗЭКІІЛЯ 26:21

Я ператвару цябе ў нікчэмнасць, і ты перастанеш існаваць, і будуць шукаць цябе, і ніколі не знойдуць навек”, — кажа Госпад Бог».

ЕЗЭКІІЛЯ 27:28

На моцны крык тваіх стырнавых задрыжаць узбярэжжы марскія

ЕЗЭКІІЛЯ 27:35

Усе жыхары астравоў дзівяцца з цябе, цары іх праняты страхам, дужа трывожацца;

ЕЗЭКІІЛЯ 31:16

Грукатам яго падзення Я ўстрывожыў народы, калі ўвёў яго ў пекла з тымі, што сыходзілі ў магілу; і ўсцешыліся ў падземнай краіне ўсе дрэвы Эдэнскія, прыгожыя і пышныя дрэвы Лібана, усе, што шчодра арашаюцца водамі.

ЕЗЭКІІЛЯ 32:10

І многія народы Я ўстрывожу дзеля цябе, і цары іх спалохаюцца дзеля цябе, калі пачне меч Мой уздымацца перад іх вачамі, і кожны будзе безупынна дрыжаць у страху аб жыцці сваім у дзень твайго падзення”.