ЕЗЭКІІЛЯ 22:7 - Кнігі Святога Пісання - Біблія - Біблія — пераклад Чарняўскага (выданне 2017 года)

⁷ У цябе бацька і маці ў знявазе, у цябе пакрыўджаны чужынец, у цябе ў прыгнёце сірата і ўдава.

Біблія (пераклад А.Бокуна)

⁷ Бацька і маці зьневажаюцца ў цябе, прыхадню робяць крыўду пасярод цябе, сірата і ўдава прыгнятаныя ў цябе.

Біблія (пераклад В. Сёмухі)

⁷ У цябе бацьку і маці ліхасловяць прыхадню, чыняць крыўду сярод цябе, сірату і ўдаву ўціскаюць у цябе.

ЕЗЭКІІЛЯ 22:7 Крыжаваныя спасылкі

ДРУГІ ЗАКОН 27:16

“Пракляты той, хто пагарджае бацькам сваім і маці”. І ўвесь народ скажа: “Амін”.

МАЛАХІІ 3:5

“І Я прыйду судзіць вас; і буду скорым сведкам супраць чараўнікоў, і чужаложнікаў, і лжывых сведкаў, і крыўдзіцеляў наймітаў, удоў і сірот і супраць тых, што прыгнятаюць чужынца і Мяне не баяцца, — кажа Госпад Магуццяў. —

ЗАХАРЫІ 7:10

і не крыўдзіце ўдоў і сірот, і чужынца ды беднага, і не спаганяйце ў сэрцах вашых злосці кожны супраць брата свайго”».

ЕРАМІІ 7:6

калі не будзеце крыўдзіць чужынца, сірату і ўдаву, ды не будзеце праліваць нявіннай крыві на гэтым месцы, ды калі не пойдзеце за чужымі багамі на сваю ўласную загубу,

ЛЯВІТ 20:9

Хто праклінае бацьку свайго і маці сваю, будзе пакараны смерцю; хто праклінаў бацьку або маці, той выклікаў смерць на сябе.

МАРКА 7:10

Майсей сказаў: “Шануй бацьку свайго і маці сваю”, ды: “Хто зняважыць бацьку або маці – хай будзе смерцю пакараны”.

ЕЗЭКІІЛЯ 22:29

Людзі гэтае зямлі чынілі гвалт і рабунак; крыўдзілі ўбогага і беднага, і беззаконна здзекаваліся з чужынца.

ЕЗЭКІІЛЯ 18:12

крыўдзіць беднага і ўбогага, рабуе, не аддае закладзенага, і падымае вочы свае на ідалаў, і дапускаецца агіднасці,

ВЫСЛОЎІ 30:17

Вока, што кпіць з бацькі і што адцураецца паслушэнства маці — хай крумкачы з-за ракі выдзеўбаюць яго і хай з’ядуць яго дзеці арла.

ВЫСЛОЎІ 30:11

Ёсць род, што бацьку свайго праклінае і што не дабраслаўляе маці сваю.

ВЫСЛОЎІ 20:20

Хто сварыцца на бацьку свайго і маці — патухне светач яго ў глыбінях цемры.

ДРУГІ ЗАКОН 27:19

“Пракляты той, хто падманвае сляпога ў дарозе”. І ўвесь народ скажа: “Амін”.

ДРУГІ ЗАКОН 5:16

Паважай бацьку свайго і маці сваю, як загадаў табе Госпад, Бог твой, каб быў ты даўгавечны і добра табе было на зямлі, якую дасць табе Госпад, Бог твой.

ВЫХАД 21:17

Хто гоніць бацьку свайго або маці, хай будзе пакараны смерцю.

ВЫХАД 20:12

Паважай бацьку свайго і маці сваю, каб быць даўгавечным на зямлі, якую дасць табе Госпад, Бог твой.

ВЫХАД 23:9

Не крыўдзі чужынца, бо вы ведаеце душы чужынцаў, бо і самі былі чужынцамі ў зямлі Егіпецкай.

ДРУГІ ЗАКОН 24:17

Не судзі крывадушна чужынца і сірату, і ад удавы не бяры адзення ў заклад.

ІСАІ 1:23

Князі твае няверныя, супольнікі зладзеяў; яны ўсе любяць дарункі і гоняцца за аднагародаю, а не спагадаюць сіраце, справа ўдоў да іх не даходзіць.

ЕЗЭКІІЛЯ 22:25

князі якой у яе сярэдзіне, як ільвы рыкаючыя, што расхапілі здабычу; яны пажралі душы, сабралі багацці і каштоўнасці, павялічылі лік удоў яе сярод яе.

ПСАЛТЫР 94:5

Прыніжаюць яны, Госпадзе, народ Твой, прыгнятаюць спадчыну Тваю.

ПСАЛТЫР 94:6

Удаву і прыхадня забіваюць і сірот мардуюць.

ІСАІ 1:17

Навучыцеся рабіць дабро, рупцеся пра справядлівасць, дапамагайце пакрыўджанаму, заступайцеся за сірот, абараняйце ўдаву!