ЕЗЭКІІЛЯ 17:24 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁴ І ўсе дрэвы той мясцовасці даведаюцца, што Я — Госпад, Які панізіў дрэва высокае, і ўзвысіў дрэва нізкае, і высушыў дрэва зялёнае, і зазеляніў дрэва ссохлае. Я — Госпад, сказаў і здзейсніў».

Біблія (пераклад А.Бокуна)

²⁴ І даведаюцца ўсе дрэвы палявыя, што Я — ГОСПАД, Які панізіў дрэва высокае і ўзвысіў дрэва нізкае, Які высушыў дрэва зялёнае і зазеляніў дрэва ссохлае. Я, ГОСПАД, прамовіў [гэта] і зрабіў”».

Біблія (пераклад В. Сёмухі)

²⁴ І ўведаюць усе дрэвы польныя, што Я, Гасподзь, высокае дрэва паніжаю, нізкае дрэва павышаю, зялёнае дрэва сушу, а сухое дрэва раблю квяцістым: Я, Гасподзь, сказаў і зраблю.

ЕЗЭКІІЛЯ 17:24 Крыжаваныя спасылкі

ЁВА 40:12

Круціць хвастом сваім, як кедрам, жылы сцёгнаў яго моцна сплецены.

ЁВА 5:11

Які пакорлівых ставіць высока, а тужлівых падтрымлівае выратаваннем;

ПСАЛТЫР 89:38

і як месяц моцны, стаяць будзе вечна; і сведка верны на небе.

ПСАЛТЫР 89:45

Ты паклаў канец ззянню яго, і сталец яго паваліў на зямлю.

ІСАІ 22:19

«І выганю цябе з месца твайго і здыму цябе з тваёй пасады.

ІСАІ 26:5

Бо Ён скінуў тых, якія пражывалі на вышынях, упакорыць горад высокі, упакорыць яго аж да зямлі, сцягне яго ў самы пыл.

ЕЗЭКІІЛЯ 12:25

бо Я, Госпад, буду гаварыць; усякае слова, што Я скажу, станецца напэўна: не прадоўжыцца яно даўжэй, але ў дні вашы, дом упорысты, Я скажу слова і выканаю яго!” — кажа Госпад Бог».

ЕЗЭКІІЛЯ 18:1

І прамовіў Госпад да мяне гэтыя словы:

ЕЗЭКІІЛЯ 21:26

гэта кажа Госпад Бог: — Здымі кідар, скінь карону; бо ўсё гэта мінула. Што было малое, будзе павышана, і што высокае — паніжана.

ЕЗЭКІІЛЯ 22:14

Ці вытрымае тваё сэрца або ці будуць рукі твае настолькі дужыя ў тыя дні, калі Я вазьмуся за цябе? Я, Госпад, сказаў гэта і зраблю;

ЕЗЭКІІЛЯ 24:14

Я, Госпад, вырашыў: “Слова Маё споўніцца, і Я выканаю яго: не буду мець літасці, ані пашкадую, ані памілую. Асуджу цябе паводле тваіх паводзін і паводле тваіх ліхіх учынкаў”, — кажа Госпад».

ЕЗЭКІІЛЯ 36:36

І пагане — усе, што пакінуты былі навокал вас, — даведаюцца, што Я, Госпад, тое, што зруйнавана, — зноў адбудаваў; а тое, што пакінута, — зноў засяліў; Я — Госпад, сказаў і зрабіў”.

ЕЗЭКІІЛЯ 37:14

І дам Я вам Духа Майго, і вы ажывяце, і завяду вас у зямлю вашу, і будзеце ведаць, што Я — Госпад. Я сказаў і спаўняю”, — кажа Госпад Бог».

ДАНІІЛА 5:21

і быў выгнаны ён з паміж людзей, але і яго сэрца памешчана было сярод звяроў, і пражываў ён з дзікімі асламі, таксама еў ён траву, як валы, і цела яго наталялася расой з неба, аж пакуль не пазнаў, што Узвышні Бог валадарыць над царствам людзей і што Ён, каго хоча, ставіць над імі.

АМОСА 9:11

У той дзень Я адбудую палатку Давіда, якая ўпала, запраўлю трэшчыны ў ёй, і тое, што развалена, — аднаўлю ды адбудую яе, як у ранейшыя дні,

ЛІКІ 17:8

на другі дзень, вярнуўшыся, Майсей убачыў, што закрасаваў кій Аарона з пакалення Леві і што выраслі кветкі з набухлых пупышак, якія, закрасаваўшы, ператварыліся ў міндаль.

МАЦЬВЕЯ 24:35

Неба і зямля сыдуць, але слова Маё не праміне.

ЛУКАША 1:33

і будзе Ён валадарыць над домам Якуба вечна, і валадарству Яго не будзе канца».

ЛУКАША 21:33

Неба і зямля прамінуць, але словы Мае не прамінуць.