ДРУГІ ЗАКОН 2:14 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁴ Час жа, які мы ішлі з Кадэс-Барнэ да пераправы праз ручай Зарэд, — трыццаць восем гадоў, аж пакуль не загінула ў лагеры ўсё тое пакаленне людзей, здатных да бою, як ім у гэтым пакляўся Госпад,

Біблія (пераклад А.Бокуна)

¹⁴ А дзён, калі мы ішлі з Кадэш-Барнэа да ручая Зарэд, было трыццаць восем гадоў, аж пакуль не згінула ў табары ўсё тое пакаленьне ваяроў, як ім гэта запрысяг ГОСПАД.

Біблія (пераклад В. Сёмухі)

¹⁴ З таго часу, як мы пайшлі ў Кадэс-Варні і як прайшлі даліну Зарэд мінула трыццаць восем гадоў, і ў нас у табары перавёўся ўвесь род тых, што ходзяць на вайну, як запрысягаўся ім Гасподзь;

ДРУГІ ЗАКОН 2:14 Крыжаваныя спасылкі

ПСАЛТЫР 106:26

І ўзняў Ён руку Сваю на іх, каб пакласці іх ніцма ў пустыні

ПСАЛТЫР 90:15

Павесялі нас за тыя дні, у якія прыніжаў нас, за гады, калі мы бачылі ліха.

ПСАЛТЫР 90:3

Ты вяртаеш чалавека ў парахно і Ты сказаў: «Сыны чалавечыя, вярніцеся».

ПСАЛТЫР 90:9

Бо ўсе нашы дні прамінаюць у гневе Тваім, спыняюцца гады нашыя, быццам дыханне.

ПСАЛТЫР 95:11

дык пакляўся Я ў гневе Маім; не ўвойдуць яны ў супачынак Мой».

ЕЗЭКІІЛЯ 20:15

Але падняў Я таксама руку Сваю супраць іх у пустыні, каб не ўводзіць іх у зямлю, якую Я даў ім, якая ацякае малаком і мёдам, выбранніцу з усіх земляў;

ЛІКІ 1:1

І ў першы дзень другога месяца, у другім годзе па выхадзе з Егіпта прамовіў Госпад да Майсея ў пустыні Сінай у палатцы сустрэчы, кажучы:

ЛІКІ 13:26

І вярнуліся выведчыкі зямлі па сарака днях, абышоўшы кожную вобласць,

ЛІКІ 32:11

“Не ўбачаць гэтыя людзі, што выйшлі з Егіпта, дваццаці гадоў і вышэй, зямлі, якую Госпад пад прысягай абяцаў Абрагаму, Ізааку і Якубу; бо не пажадалі Мяне слухаць,

1 КАРЫНФЯНАЎ 10:5

Але большасць з іх не ўпадабаў Сабе Бог, таму палеглі яны ў пустыні.

ДРУГІ ЗАКОН 1:19

Потым пакінулі мы Гарэб і прайшлі ўсю тую вялікую і страшную пустыню, якую вы бачылі, праз гару амарэйскую, як загадаў нам Госпад, Бог наш, і прыйшлі ў Кадэс-Барнэ.

ДРУГІ ЗАКОН 1:2

на адлегласці ў адзінаццаць дзён дарогі ад Гарэба да Кадэс-Барнэ праз горы Сэір.

ДРУГІ ЗАКОН 1:46

І прабылі вы ў Кадэсе на працягу таго доўгага часу, пакуль вы там заставаліся.

ДРУГІ ЗАКОН 2:13

«Дык уставайце і перайдзіце праз ручай Зарэд». І перайшлі мы ручай Зарэд.

ДРУГІ ЗАКОН 2:16

Калі згінулі ўсе, здатныя да вайны пасярод народа,

ДРУГІ ЗАКОН 2:7

Госпад, Бог твой, дабраславіў цябе ў кожнай справе рук тваіх; ведае Ён шлях твой, і ў той час, як ты сорак гадоў праходзіў гэтую вялікую пустыню, прабываў з табой Госпад, Бог твой, і нічога табе не бракавала.

ІСУСА 24:7

А прызвалі яны Госпада, Які паставіў цемру паміж вамі і егіпцянамі, і напусціў на іх мора, і яно пахавала іх. Бачылі вочы вашыя, што Я зрабіў у Егіпце; і жылі вы доўгі час у пустыні.

ІСУСА 5:4

А гэта прычына другога абразання: увесь народ мужчынскага роду, які выйшаў з Егіпта, усе ваяры памерлі, вандруючы па пустыні;

ІСУСА 5:6

Сорак гадоў блукалі сыны Ізраэля па пустыні, пакуль не загінулі ўсе ваяры, людзі, якія выйшлі з Егіпта, якія не чулі голасу Госпада і якім Ён прысягнуў, што не пакажа ім зямлю, якою Ён прысягнуў бацькам іх, што дасць ім зямлю, што ацякае малаком і мёдам.

ЮДЫ 1:5

Хачу вам прыпомніць, хоць вы ўсё ведаеце, што Госпад найперш вызваліў народ з зямлі Егіпецкай, а пасля выгубіў тых, што не верылі;