ДРУГІ ЗАКОН 15:9 - Кнігі Святога Пісання - Біблія - Біблія — пераклад Чарняўскага (выданне 2017 года)

⁹ Сцеражыся, каб не падкралася да цябе нягодная думка: “Блізка сёмы год, год даравання”, каб не адводзіў ты вачэй сваіх ад убогага брата свайго, не жадаючы даць яму той пазыкі, якой ён патрабуе, каб той не прызываў Госпада супраць цябе ды каб не сталася гэта грахом.

Біблія (пераклад А.Бокуна)

⁹ Сьцеражыся, каб не было ў сэрцы тваім слова нягоднага, кажучы: “Блізка сёмы год, год дараваньня даўгоў”, і ліхім вокам ты паглядзіш на ўбогага брата твайго, і не дасі яму [дапамогі], і ён будзе клікаць ГОСПАДА супраць цябе, і ты абцяжарышся грэхам.

Біблія (пераклад В. Сёмухі)

⁹ пільнуйся, каб не зарадзілася ў сэрцы тваім ліхая думка: «набліжаецца сёмы год, год адпушчэньня», і каб ад таго вока тваё не зрабілася немілажальным да ўбогага брата твайго, і ты не адмовіў яму; бо ён залямантуе на цябе да Госпада, і будзе на табе грэх;

ДРУГІ ЗАКОН 15:9 Крыжаваныя спасылкі

ДРУГІ ЗАКОН 24:15

але ў той самы дзень аддай яму плату за працу яго перад захадам сонца, бо ён бедны і платы патрабуе жыццё яго, каб не прызываў ён супраць цябе Госпада і не было залічана гэта табе за грэх.

МАЦЬВЕЯ 20:15

Ці ж не можна мне рабіць з маім, што хачу? І ці ж вока тваё зайздроснае ад таго, што я добры?”

ЯКАВА 5:9

Не наракайце, браты, адзін на аднаго, каб не былі асуджаны, вось, ужо ля дзвярэй стаіць Суддзя.

ЕРАМІІ 17:10

Я, Госпад, даследую сэрца і прасочваю ныркі, Я даю кожнаму паводле шляху яго і паводле пладоў учынкаў яго».

ВЫХАД 22:23

Калі іх будзеце крыўдзіць, будуць яны прызываць Мяне, і Я выслухаю лямант іх,

ЯКАВА 5:4

Вось жа, галосіць заробак работнікаў, што жалі на палях вашых, каторы вы затрымалі, і лямант жняцоў дайшоў да вушэй Госпада Сабаота.

МАЦЬВЕЯ 15:19

Бо з сэрца паходзяць благія думкі, забойства, чужаложства, распуста, рабункі, фальшывыя сведчанні, блюзненні.

ВЫСЛОЎІ 28:22

Спяшаецца ўзбагаціцца зайздрослівы чалавек, не ведае ён, што беднасць спасцігне яго.

ВЫСЛОЎІ 23:6

Не снедай з чалавекам зайздросным і не жадай ежы яго;

ЁВА 34:28

бо ўспрыняў Ён крык няшчаснага і пачуў голас бедных.

ВЫХАД 3:7

Сказаў яму Госпад: «Убачыў Я смутак народа Майго ў Егіпце і пачуў лямант яго ад бязлітаснасці наглядчыкаў яго.

1 ПЯТРА 4:9

Будзьце адны да адных без наракання гасціннымі.

ЯКАВА 4:17

Таму той, хто ўмее рабіць дабро і не робіць, грэх таму!

ЯКАВА 4:5

Можа ўважаеце, што дарма Пісанне кажа: «Да зайздрасці любіць Дух, Якога пасяліў у нас»?

ВЫСЛОЎІ 24:9

Думка бязглуздага — грэх, і агіднасць для людзей — паклёпнік.

ВЫСЛОЎІ 21:13

Хто вуха сваё затыкае на лямант беднага, той і сам будзе лямантаваць, але не будзе выслуханы.

ВЫСЛОЎІ 4:23

Усялякім наглядам сцеражы сэрца сваё, бо з яго жыццё ўзнікае.

ПСАЛТЫР 9:12

ДЗАЙН. Спявайце псальмы Госпаду, Які жыве на Сіёне, абвяшчайце пра дзейнасць Яго між паганаў.

ДРУГІ ЗАКОН 15:1

У канцы сёмага года рабі дараванне,

ПСАЛТЫР 12:5

якія кажуць: «Языком сваім сябе ўзвялічым, вусны нашыя — пры нас; хто гаспадар над намі?»

ПСАЛТЫР 101:3

Не стаўлю перад вачамі маімі ўчынак нячысты, ненавіджу я таго, хто ўчыняе крывадушныя справы; не дакранаецца да мяне.

ВЫХАД 22:22

Удаве і сіраце не рабіце крыўды.

ДРУГІ ЗАКОН 31:10

І загадаў ім Майсей, кажучы: «Па сямі гадах, у год адпушчэння, у свята палатак,

ВЫСЛОЎІ 14:21

Хто адцураецца блізкага свайго — грашыць, а хто шкадуе бедных — шчасны.

ЕРАМІІ 34:14

“Калі спаўняецца сем гадоў, хай кожны адпусціць на волю брата свайго, гебрая, які запрадаўся яму ў няволю і служыў шэсць гадоў, тады адпусці яго ад сябе як чалавека свабоднага!” Ды бацькі вашы не паслухалі Мяне і не нахілілі вуха свайго.