ДРУГІ ЗАКОН 12:20 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁰ Калі пашырыць Госпад, Бог твой, межы твае, як сказаў Ён табе, і ты захочаш есці мяса, якога жадае душа твая, тады еж мяса паводле кожнага прагнення душы сваёй;

Біблія (пераклад А.Бокуна)

²⁰ Калі пашырыць ГОСПАД, Бог твой, межы твае, як Ён сказаў табе, і ты скажаш: "Хачу есьці мяса", калі зажадае душа твая есьці мяса, паводле прагненьня душы тваёй еш мяса.

Біблія (пераклад В. Сёмухі)

²⁰ Калі пашырыць Гасподзь, Бог твой, межы твае, як Ён казаў табе, і ты скажаш: «паем я мяса», бо душа твая зажадае есьці мяса, - тады, па жаданьні душы тваёй, еж мяса.

ДРУГІ ЗАКОН 12:20 Крыжаваныя спасылкі

ДРУГІ ЗАКОН 19:8

калі Госпад, Бог Твой, пашырыць межы твае, як прысягнуў тваім бацькам, ды аддасць табе ўсю зямлю, якую паабяцаў ім,

ДРУГІ ЗАКОН 11:24

Кожнае месца, на якое стане нага ваша, будзе вашым: ад пустыні, ад Лібана, ад вялікай ракі Эўфрат аж да заходняга мора будуць межы вашы.

ВЫХАД 34:24

Бо калі Я выганю народы ад твару твайго і пашыру твае межы, ніхто не будзе наладжваць засаду на зямлю тваю, калі тры разы ў год ты пойдзеш і пакажашся перад абліччам Госпада, Бога твайго.

БЫЦЦЁ 28:14

І будзе патомства тваё, як пыл зямлі, і ты распаўсюдзішся на захад і на ўсход, на поўнач і на поўдзень. У табе і ў нашчадках тваіх усе пакаленні зямлі будуць дабраславёныя.

ПСАЛТЫР 107:9

бо насыціў Ён душу таго, хто адчуваў смагу, і напоўніў дабротамі душу, што моцна прагне.

1 ЛЕТАПІСАЎ 4:10

А прызываў Явіс Бога Ізраэля, кажучы: «Каб дабраславіў мяне, дабраслаўляючы, і расшырыў межы мае і каб была рука Твая са мною, ды каб ухаваў Ты мяне ад гора!» І Бог яму даў тое, пра што прасіў.

ДРУГІ ЗАКОН 12:15

Калі ж захочаш есці і мясная ежа будзе даспадобы табе, забі [жывёлу] і з’еж мяса па дабраславенні Госпада, Бога твайго, якое даў Ён табе ва ўсіх гарадах тваіх: чысты і нячысты можа есці яго, як сарну, так і аленя,

ВЫХАД 23:31

Я ж пакладу межы твае ад Чырвонага мора аж да мора Філістынскага і ад пустыні аж па раку. Аддам у рукі вашыя жыхароў зямлі гэтай і выганю іх з вачэй вашых.

ПІЛІПЯНАЎ 1:8

Сведка мне Бог, як сардэчна імкнуся да ўсіх вас у Ісусе Хрысце.

2 КАРЫНФЯНАЎ 9:14

і ў сваіх маленнях за вас выяўляюць прыхільнасць да вас дзеля шчодрай у вас ласкі Бога.

ПСАЛТЫР 119:174

Запрагнуў я збаўлення Твайго, Госпадзе, і закон Твой — асалода мая.

ПСАЛТЫР 119:40

Вось жа жадаю я Тваіх пастаноў: па законнасці Тваёй ажыві мяне.

ПСАЛТЫР 119:20

Змарнела душа мая ў імкненні да судоў Тваіх у любы час.

ПСАЛТЫР 84:2

Якія ж мілыя паселішчы Твае, Госпадзе магуццяў!

ПСАЛТЫР 63:1

Псальм Давідаў. Калі быў ён у пустыні Юдэйскай.

2 ЦАРСТВАЎ 23:15

І захацеў Давід піць, і сказаў: «О, хто б даў мне вады напіцца са студні, што ў Бэтлехэме каля брамы!»

2 ЦАРСТВАЎ 13:39

І перастаў дух цара гневацца на Абсалома, бо ўжо супакоіўся па смерці Амнона.

ЛІКІ 11:34

І тое месца названа Кіброт-Гатава; бо там пахавалі прагавіты народ.

ЛІКІ 11:20

але ўвесь месяц, аж пакуль яно не выйдзе праз ноздры вашы і не вернецца ванітамі, бо адвярнуліся вы ад Госпада, Які паміж вас, і наракалі на Яго, кажучы: “Чаму выходзілі мы з Егіпта?”»

ЛІКІ 11:4

А іншапляменныя людзі, якія былі паміж імі, засмуткавалі, і, усеўшыся разам, сыны Ізраэля таксама плакалі і наракалі: «Хто дасць нам наесціся мяса?

БЫЦЦЁ 31:30

Добра, ты выправіўся, бо цягнула цябе да дому бацькі твайго, але чаму ты скраў багоў маіх?»

ПІЛІПЯНАЎ 2:26

бо ён тужыў па вас усіх і быў засмучаны, што вы чулі пра яго хваробу.

ДРУГІ ЗАКОН 12:21

а калі б далёка было месца, якое выбера Госпад, Бог твой, каб было там імя Яго, то забі з буйной і дробнай жывёлы, якую даў табе Госпад і як загадаў я табе, і спажывай у гарадах тваіх, як табе заўгодна.