ДЗЕІ 20:36 - Кнігі Святога Пісання - Біблія - Біблія — пераклад Чарняўскага (выданне 2017 года)

³⁶ Па гэтых словах упаўшы на калені свае, маліўся разам з усімі.

Біблія (пераклад А.Бокуна)

³⁶ І, сказаўшы гэтае і ўкленчыўшы, ён маліўся з імі ўсімі.

Біблія (пераклад В. Сёмухі)

³⁶ Сказаўшы гэта, ён стаў на калені свае і з усімі імі памаліўся.

ДЗЕІ 20:36 Крыжаваныя спасылкі

2 ЛЕТАПІСАЎ 6:13

Зрабіў бо Саламон меднае падножжа і памясціў яго пасярод панадворка, а мела яно пяць локцяў даўжыні, і пяць локцяў шырыні, і тры локці вышыні, і стаў на яго; і затым, калі ўся супольнасць Ізраэля ўкленчыла і ўзняла рукі ў неба,

ДАНІІЛА 6:10

А Даніэль, калі даведаўся, што падпісаны дэкрэт, пайшоў у свой дом; і, паколькі меў ён у сваім верхнім пакоі адчыненыя вокны, накіраваныя на Ерузалім, штодзень тры разы падаў на калені, і маліўся, і славіў Бога свайго, таксама так, як звычайна рабіў гэта і раней.

ЛУКАША 22:41

І Сам аддаліўся, адышоўшы ад іх, як кінуць камень, ды, упаўшы на калені, маліўся,

ДЗЕІ 20:35

Ва ўсім паказваў я вам, што, так працуючы, трэба ўспамагаць нядужым і памятаць словы Госпада Ісуса, Які казаў: “Шчаслівей даваць, чым браць”».

ДЗЕІ 21:5

Як прайшлі тыя дні, мы выправіліся і пайшлі, а яны ўсе разам з жонкамі і дзецьмі праводзілі нас аж за горад. На ўзбярэжжы палі мы на калені і маліліся,

ДЗЕІ 7:60

А калі ўпаў на калені, закрычаў моцным голасам: «Госпадзе, не палічы ім граху гэтага». І, сказаўшы гэта, сканаў.

ДЗЕІ 9:40

І, выправіўшы ўсіх, Пётра ўпаў на калені ды маліўся, і, павярнуўшыся да цела, сказаў: «Табіта, устань!» І яна адкрыла вочы свае ды, убачыўшы Пётру, села.

ЭФЭСЯНАЎ 3:14

Дзеля гэтай справы схіляю калені мае перад Айцом Госпада нашага Ісуса Хрыста,

ПІЛІПЯНАЎ 4:6

Не турбуйцеся ні аб чым, але ў кожнай малітве і просьбе з падзякаю няхай адкрываюцца жаданні вашы перад Богам.