ДЗЕІ 2:4 - Кнігі Святога Пісання - Біблія - Біблія — пераклад Чарняўскага (выданне 2017 года)

⁴ і напоўнены былі яны ўсе Духам Святым, і пачалі гаварыць іншымі мовамі так, як ім Дух даваў прамаўляць.

Біблія (пераклад А.Бокуна)

⁴ І напоўніліся ўсе Духам Сьвятым, і пачалі гаварыць іншымі мовамі, як Дух даваў ім прамаўляць.

Біблія (пераклад В. Сёмухі)

⁴ І напоўніліся ўсе Духам Сьвятым і пачалі гаварыць на іншых мовах, як Дух даваў ім вяшчаць.

ДЗЕІ 2:4 Крыжаваныя спасылкі

МАРКА 16:17

А тых, што павераць, будуць суправаджаць такія знакі: у імя Маё будуць яны выганяць дэманаў, на новых мовах гаварыць будуць,

ДЗЕІ 13:52

Вучні ж былі поўныя радасці і Духа Святога.

ДЗЕІ 4:31

І, калі яны памаліліся, задрыжала месца, на якім яны сабраліся, ды ўсе былі напоўнены Духам Святым і вясцілі слова Божае з адвагай.

ЭФЭСЯНАЎ 5:18

І не ўпівайцеся віном, у якім распуста, але напаўняйцеся Духам,

1 КАРЫНФЯНАЎ 12:10

іншаму – чыніць цуды, іншаму – праракаванне, іншаму – распазнаванне духаў, іншаму – розныя мовы, іншаму – тлумачэнне моў.

ЯНА 14:26

А Суцяшальнік, Дух Святы, Якога Айцец пашле ў імя Маё, Ён вас усяму навучыць ды прыпомніць вам усё, што Я вам казаў.

ДЗЕІ 19:6

І калі Паўла ўсклаў на іх рукі, Дух Святы сышоў на іх, і гаварылі мовамі, і праракавалі.

ДЗЕІ 10:46

бо чулі, што яны гавораць мовамі і славяць Бога. Тады азваўся Пётра:

ДЗЕІ 9:17

І Ананія пайшоў, і ўвайшоў у дом, ды, усклаўшы рукі на яго, сказаў: «Браце Саўле! Госпад паслаў мяне, Ісус, Які аб’явіўся табе ў дарозе, якой ты ішоў, каб ты зноў бачыў ды быў напоўнены Духам Святым».

ДЗЕІ 7:55

А ён, напоўнены Духам Святым, глянуўшы ў неба, убачыў славу Божую і Ісуса, што стаяў праваруч Айца,

ДЗЕІ 1:5

што Ян хрысціў вадою, а вось, вы праз некалькі дзён будзеце ахрышчаны Духам Святым».

1 КАРЫНФЯНАЎ 13:8

Любоў ніколі не знікае. А вось, прароцтвы знікнуць, і мовы змоўкнуць, і веды занепадуць.

1 КАРЫНФЯНАЎ 13:1

Калі я гавару мовамі людзей і анёлаў, а любові не маю, то я – медзь, што звініць, або цымбалы, што гудзяць.

ДЗЕІ 13:9

Тады Саўл, які таксама Паўла, напоўнены Духам Святым, паглядзеў на яго пільна

ДЗЕІ 2:11

а таксама юдэі і празеліты, крыцяне і арабы, – чуем, што яны гавораць пра веліч Божую на нашых мовах».

ЛУКАША 12:12

бо Дух Святы навучыць вас у тую гадзіну, што вам трэба казаць».

1 КАРЫНФЯНАЎ 14:18

Дзякую Богу майму, што я больш за вас усіх гавару мовамі.

РЫМЛЯНАЎ 15:13

А Бог надзеі хай напоўніць вас усякаю радасцю і супакоем у веры, каб праз моц Духа Святога вы ўзбагаціліся надзеяй.

ДЗЕІ 4:8

Тады Пётра, напоўнены Святым Духам, сказаў ім: «Правадыры народа і старэйшыны Ізраэля!

ЯНА 20:22

І, калі гэта сказаў, дыхнуў на іх і кажа ім: «Вазьміце Духа Святога.

ЛУКАША 4:1

Ісус, поўны Духа Святога, вярнуўся ад Ярдана і быў Духам заведзены ў пустыню

1 ПЯТРА 1:12

Ім было адкрыта, што не ім самім, а вам служыла абвешчанае праз іх, якія абвяшчалі вам Евангелле праз Духа Святога, спасланага з неба, у што заглянуць прагнуць і анёлы.

1 КАРЫНФЯНАЎ 14:5

Хачу, каб вы ўсе гаварылі мовамі, але лепш, каб праракавалі. Бо большы той, хто праракуе, чым той, што гаворыць мовамі, хіба пры тым будзе і тлумачыць, каб царква атрымала збудаванне.

ДЗЕІ 11:15

Калі ж я пачаў прамаўляць, Дух Святы сышоў на іх, як і на нас напачатку.

ДЗЕІ 6:5

І спадабалася гэтая прапанова ўсім сабраным, і выбралі Сцяпана, чалавека, поўнага веры і Духа Святога, і Піліпа, і Прохара, і Міканора, і Тымона, і Пармэна, і Мікалая Антыяхійца, празеліта,

ДЗЕІ 6:3

Таму вось, браты, нагледзьце паміж сябе сем мужоў з добрым імем і поўных Духа Святога і мудрасці, якіх паставім на гэтую патрэбу.

ДЗЕІ 1:8

але калі атрымаеце моц ад сышоўшага на вас Духа Святога, тады будзеце Мне сведкамі ў Ерузаліме, і ва ўсёй Юдэі ды Самарыі, і аж па край зямлі».

ЛУКАША 1:15

Ён будзе вялікім на віду Госпада, і не будзе піць віна і сіцэры, ды яшчэ ад улоння маці сваёй будзе напоўнены Духам Святым,

ІСАІ 59:21

«І гэта ім ад Мяне запавет, — кажа Госпад: — Дух Мой, Які на табе, і словы Мае, якія ўклаў Я ў вусны твае, не сыдуць з вуснаў тваіх ды з вуснаў патомства твайго, — кажа Госпад, — адсюль і навечна».

ІСАІ 28:11

Сапраўды, вуснамі шапялявымі ды языком чужым прамаўляць будзе да гэтага народа,

2 ЦАРСТВАЎ 23:2

“Дух Госпадаў гаворыць праз мяне, і слова Яго — у вуснах маіх.

ЭФЭСЯНАЎ 6:18

ва ўсякі час молячыся ўсякаю малітваю і просьбаю ў Духу, аб гэтым самым чувайце з усёй трываласцю і просьбаю за ўсіх святых

ЭФЭСЯНАЎ 3:19

а таксама пазнаць любоў Хрыста, найвышэйшае веданне, каб напоўніліся вы ўсёю поўняй Бога.

ДЗЕІ 11:24

А быў ён чалавек добры і поўны Духа Святога ды веры. І вялікая колькасць прыхінулася да Госпада.

ДЗЕІ 6:8

Сцяпан жа, поўны веры і моцы, чыніў цуды ды вялікія знакі ў народзе.

ЛУКАША 21:15

бо Я дам вам вусны і мудрасць, якой не змогуць ні пярэчыць, ні супрацьстаць усе праціўнікі вашы.

ЛУКАША 1:67

І Захарыя, бацька яго, напоўнены Духам Святым, праракаваў кажучы:

ЛУКАША 1:41

І, калі Лізавета пачула прывітанне Марыі, зварухнулася дзіцятка ва ўлонні яе, і Дух Святы напоўніў Лізавету,

МІХЕЯ 3:8

А я — поўны моцы Духа Госпадавага, справядлівасці і мужнасці, каб выяўляць Якубу злачынства яго і Ізраэлю — грэх яго.

МАЦЬВЕЯ 10:19

А калі вас выдаваць будуць, не думайце, як і што гаварыць, бо ў той час будзе дадзена вам, што сказаць.

1 ЦАРСТВАЎ 10:10

І прыйшлі яны адтуль у Габу, і вось, грамада прарокаў выйшла насустрач яму; і сышоў на яго Дух Божы, і ён стаў прарарочыць між іх.

2 ПЯТРА 1:21

Бо не паводле волі чалавечай было калісьці абвешчана прароцтва, але прамовілі яго святыя людзі Божыя, кіраваныя Духам Святым.

ЕЗЭКІІЛЯ 3:11

Ды ідзі ўвайдзі да перасяленцаў, да дзяцей народа твайго, і прамаўляй да іх, і кажы ім: “Гэта кажа Госпад Бог”, — ці будуць слухаць, ці пагардзяць».

ЕРАМІІ 6:11

Таму поўны я гневу Госпадава, цяжка мне ўстрымацца. «Вылі яго на дзяцей на вуліцы і на сход юнакоў! Будуць забраны нават муж з жонкаю, таксама стары разам з вельмі састарэлым.

1 ЦАРСТВАЎ 1:14

і сказаў ёй: «Дакуль будзеш п’яная? Працверазей трохі ад віна, з-за якога ты п’яная!»

ДЗЕІ 2:3

І паказаліся ім паасобна языкі, як бы агнявыя, і паселі на кожнага з іх;

ДЗЕІ 8:17

Тады Апосталы ўскладалі на іх рукі, і яны атрымоўвалі Духа Святога.

ДЗЕІ 10:47

«Хто можа адабраць ваду, каб не былі ахрышчаны, ў тых, якія атрымалі Духа Святога, як і мы?»

ДЗЕІ 15:8

І Бог, Які ведае сэрцы, засведчыў гэта, даючы ім Духа Святога, як і нам,