ДЗЕІ 17:4 - Кнігі Святога Пісання - Біблія - Біблія — пераклад Чарняўскага (выданне 2017 года)

⁴ І некаторыя з іх уверылі і далучыліся да Паўлы і Сілы, таксама і вялікая колькасць веруючых грэкаў, і нямала высакародных жанчын.

Біблія (пераклад А.Бокуна)

⁴ І некаторыя з іх былі перакананыя і далучыліся да Паўла і Сілы, і вялікае мноства Грэкаў, якія пакланяліся [Богу], і жанчынаў першых нямала.

Біблія (пераклад В. Сёмухі)

⁴ І некаторыя зь іх уверавалі і далучыліся да Паўла і Сілы, - як безьліч з шаноўцаў Бога Элінаў, так і знакамітых жанчын нямала.

ДЗЕІ 17:4 Крыжаваныя спасылкі

ВЫСЛОЎІ 13:20

Хто з мудрымі ходзіць — будзе мудрым, а сябар бязглуздых зробіцца ліхім.

ВЫСЛОЎІ 9:6

пакіньце глупства і жывіце, і хадзіце па дарогах разважлівасці».

ПЕСЬНЯ 6:1

«Куды пайшоў улюбёны твой, о найпрыгажэйшая з жанчын? Куды збочыў твой любы, мы пашукаем яго з табою!»

ЗАХАРЫІ 2:11

І ў той дзень многія народы звернуцца да Госпада і будуць Яму народам. І абжывуся ў цябе, і ты будзеш ведаць, што Госпад Магуццяў паслаў Мяне да цябе”».

ЯНА 7:35

Дык сказалі юдэі адзін аднаму: «Куды ж Ён пойдзе, што мы Яго не знойдзем? Няўжо Ён пойдзе ў расцярушанне да грэкаў ды будзе грэкаў навучаць?

ДЗЕІ 13:43

А як разышлася сінагога, многа юдэяў і пабожных празелітаў праводзілі Паўлу і Барнабу, якія заклікалі іх да трывання ў ласцы Божай.

ДЗЕІ 13:50

Тым часам юдэі падбурылі пабожных і паважаных жанчын ды першых грамадзян і ўчынілі пераследаванне на Паўлу і Барнабу, ды выкінулі іх са сваіх межаў.

ДЗЕІ 14:1

І сталася ў Іконіі, што падобным чынам увайшлі яны ў юдэйскую сінагогу і прамаўлялі так, што вялікае мноства юдэяў і грэкаў уверыла.

ДЗЕІ 14:4

Дык жыхары горада падзяліліся: і адны былі з юдэямі, а другія – з Апосталамі.

ДЗЕІ 15:22

Тады Апосталы і старэйшыя з усёй царквою надумалі выбраць мужоў са свайго ліку: Юду, званага Барсабам, і Сілу, мужоў першых сярод братоў, ды паслаць іх у Антыёхію разам з Барнабам і Паўлам,

ДЗЕІ 15:27

Дык пасылаем Юду і Сілу, якія перакажуць словамі тое самае.

ДЗЕІ 15:32

А Юда і Сіла, якія і самі былі прарокамі, у частых прамовах пацяшалі братоў і ўмацоўвалі іх.

ДЗЕІ 15:40

Паўла ж, абраўшы Сілу, пайшоў, даручаны братамі ласцы Бога.

ДЗЕІ 16:3

Яго Паўла захацеў узяць у дарогу з сабой і, прымаючы, абрэзаў яго дзеля юдэяў, якія былі ў тых мясцовасцях, бо ведалі яны ўсе, што бацька яго быў грэкам.

ДЗЕІ 17:10

Зараз жа ўначы браты выправілі Паўлу і Сілу ў Бэрэю. Калі яны туды прыбылі, пайшлі ў юдэйскую сінагогу.

ДЗЕІ 17:12

І многа з іх уверыла, а таксама нямала высакародных жанчын грэцкіх ды мужчын.

ДЗЕІ 17:14

Тады браты безадкладна выправілі Паўлу, каб ішоў ён аж да мора, а Сіла і Цімафей засталіся там.

ДЗЕІ 17:17

Таксама дыспутаваў у сінагозе з юдэямі і з богабаязнымі ды штодзень на плошчы з тымі, з якімі сустракаўся.

ДЗЕІ 17:34

Некаторыя, аднак, далучыліся да яго і ўверылі, між якімі і Дыянізій Арэапагіт ды жанчына на імя Дамара, і іншыя з імі.

ДЗЕІ 18:4

І ў кожную суботу дыспутаваў у сінагозе ды пераконваў юдэяў ды грэкаў.

ДЗЕІ 19:10

Працягвалася гэта два гады, так што ўсе жыхары Азіі, і юдэі, і грэкі, мелі магчымасць слухаць слова Госпада Ісуса.

ДЗЕІ 2:44

Усе тыя, што ўверылі, былі разам ды ўсё мелі супольнае,

ДЗЕІ 21:28

лямантуючы: «Мужы ізраэльскія! На помач! Гэта той чалавек, які ўсюды ўсіх вучыць супраць народа і закону і супраць гэтага месца, а прытым грэкаў увёў у святыню і апаганіў гэтае святое месца».

ДЗЕІ 28:24

І адны былі перакананы тым, што гаварыў, а другія не верылі.

ДЗЕІ 4:23

Выпушчаныя, яны прыйшлі да сваіх і абвясцілі, што казалі ім першасвятары і старэйшыны.

2 КАРЫНФЯНАЎ 8:5

І яны звыш нашага спадзявання ахвяравалі сябе саміх найперш Госпаду, а затым нам па волі Божай.