ДЗЕІ 16:25 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁵ Апоўначы Паўла і Сіла, молячыся, услаўлялі Бога, і іншыя вязні слухалі іх.

Біблія (пераклад А.Бокуна)

²⁵ Каля паўночы Павал і Сіла, молячыся, сьпявалі Богу, а вязьні чулі іх.

Біблія (пераклад В. Сёмухі)

²⁵ Пад поўнач Павал і Сіла, молячыся, славілі песьняй Бога; а вязьні слухалі іх.

ДЗЕІ 16:25 Крыжаваныя спасылкі

ЯКАВА 1:2

Браты мае! Уважайце сабе за вялікую радасць, калі трапляеце ў розныя спакусы.

ПСАЛТЫР 119:62

Устаю апоўначы, дзякаваць Табе за прысуды справядлівасці Тваёй.

РЫМЛЯНАЎ 5:3

Ды не толькі гэтым, але пахваляемся таксама прыгнётам, ведаючы, што прыгнёт спараджае цярплівасць,

ПСАЛТЫР 77:6

Падумаў я пра былыя дні і аднавіў у думках гады спрадвечныя.

ГАБРЭЯЎ 5:7

Ён у дні цела Свайго моцным голасам і са слязамі прыносіў малітвы і просьбы Таму, Які мог збавіць Яго ад смерці, і выслуханы быў дзеля Сваёй богаадданасці.

ЭФЭСЯНАЎ 5:19

гаворачы між сабою псальмамі, і гімнамі, і песнямі духоўнымі; спяваючы і граючы Госпаду ў сэрцах вашых.

КАЛАСЯНАЎ 1:24

Цяпер радуюся я з цярпенняў маіх за вас і дапаўняю тое, чаго нестае з пакут Хрыстовых, у сваім целе за Цела Яго, якім ёсць Царква,

РЫМЛЯНАЎ 12:12

у надзеі будзьце радасныя, у горы цярплівыя, у малітве сталыя,

ПСАЛТЫР 50:15

А тады пакліч Мяне ў дзень бяды, і Я ўратую цябе, і ты будзеш ганараваць Мяне.

ЁВА 35:10

Але ніхто не сказаў: “Дзе ж Бог, Які мяне стварыў, Які даў спевы ноччу,

ІСАІ 30:29

Песня будзе ў вас, як пры святкаванні начной урачыстасці, і радасць сэрца — як у таго, хто спяшаецца да гукаў флейты на гару Госпада, да Скалы Ізраэля.

ПСАЛТЫР 71:7

Мо дзіўным паказаўся я для многіх, а Ты — магутны Успаможца.

ПСАЛТЫР 34:1

Давідаў. Калі ўдаваў сябе за змяшанага ў розуме перад Абімэлехам і пайшоў, выгнаны ім.

1 ПЯТРА 4:14

Калі зневажаюць вас за імя Хрыста, вы шчасныя, бо славы і Бога Дух на вас супачывае. Імі Ён зневажаецца, а вамі праслаўляецца.

ПІЛІПЯНАЎ 2:17

Але калі я і ахвяруюся на ахвяру і паслугу вашай веры, цешуся і дзялюся радасцю з вамі ўсімі.

2 КАРЫНФЯНАЎ 6:10

як бы сумныя, але заўжды вясёлыя, быццам убогія, а ўсё ж узбагачаючыя многіх, як тыя, што нічога не маюць, а ўсім валодаюць.

ДЗЕІ 5:41

І яны выходзілі ад аблічча рады ўсцешаныя, што дзеля імя Ісуса цярпелі знявагу,

ЗАХАРЫІ 3:8

Слухай, Ісусе, першасвятару, ты і прыяцелі твае, якія сядзяць перад табою, яны бо праракуюць. Бо Я, вось, прыводжу паслугача майго — Парастка.

ПСАЛТЫР 119:55

І ноччу помню я імя Тваё, Госпадзе, і буду пільнавацца закону Твайго.

ПСАЛТЫР 42:8

Бездань заклікае бездань пад шум вадаспадаў Тваіх. Усе віры Твае і хвалі Твае на мяне нахлынулі.

ЛУКАША 22:44

І стаўся пот Яго, як кроплі крыві, што сцякае на зямлю.

ПСАЛТЫР 91:15

Будзе клікаць мяне, і Я выслухаю яго, у бядзе Я разам з ім, вырву яго і ўслаўлю яго.

ПСАЛТЫР 77:2

Голасам маім усклікнуў я да Госпада; голасам маім — да Бога, і схіліўся Ён да мяне.

ЯКАВА 5:13

Смуткуе хто з вас? Хай моліцца. Усцешна на душы? Хай псальмы спявае.

ПСАЛТЫР 22:2

Божа, Божа мой, чаму Ты мяне пакінуў? Далёка ад збавення майго словы клічу майго.

ДЗЕІ 15:22

Тады Апосталы і старэйшыя з усёй царквою надумалі выбраць мужоў са свайго ліку: Юду, званага Барсабам, і Сілу, мужоў першых сярод братоў, ды паслаць іх у Антыёхію разам з Барнабам і Паўлам,

ДЗЕІ 16:19

Калі яе гаспадары ўбачылі, што надзея іх даходу знікла, дык, схапіўшы Паўлу і Сілу, завалаклі на рынак да начальнікаў

ДЗЕІ 16:33

І, узяўшы іх у тую ж гадзіну ўначы, абмыў раны іх, і, не марудзячы, прыняў хрост разам з усімі сваімі.