ДЗЕІ 12:4 - Кнігі Святога Пісання - Біблія - Біблія — пераклад Чарняўскага (выданне 2017 года)

⁴ Калі яго схапіў, укінуў у вязніцу, даручыўшы, каб чатыры варты па чацвёра жаўнераў пільнавалі яго, жадаючы па свяце Пасхі вывесці яго народу.

Біблія (пераклад А.Бокуна)

⁴ і, схапіўшы, пасадзіў у вязьніцу, загадаўшы чатыром чацьвёркам жаўнераў сьцерагчы яго, хочучы пасьля Пасхі вывесьці яго народу.

Біблія (пераклад В. Сёмухі)

⁴ і, затрымаўшы яго, пасадзіў у цямніцу і загадаў чатыром чацьверыкам воінаў вартаваць яго, маючы намер пасьля Пасхі вывесьці яго да людзей.

ДЗЕІ 12:4 Крыжаваныя спасылкі

ЛУКАША 22:33

Той жа сказаў Яму: «Госпадзе, я гатовы з Табой ісці ў вязніцу і на смерць».

ВЫСЛОЎІ 19:21

Многа намераў у сэрцы чалавека, а ласка Госпада застанецца.

ЛУКАША 21:12

Але перад тым усім ускладуць на вас рукі свае, будуць пераследаваць і выдаваць у сінагогі і ў вязніцы, і будуць вас цягаць да цароў і намеснікаў за імя Маё;

ДЗЕІ 4:28

каб здзейсніць тое, чаму рука і рада Твая прызначылі стацца.

ДЗЕІ 4:3

Дык усклалі на іх рукі і даручылі іх варце да наступнага дня, бо быў ужо вечар.

ЯНА 21:18

Сапраўды, сапраўды кажу табе: калі ты быў малады, падпяразваўся сам і хадзіў, куды сам хацеў, а як састарэеш, выцягнеш рукі твае ды хто іншы цябе падпяража і павядзе туды, куды ты не хочаш».

МАЦЬВЕЯ 26:5

Казалі аднак: «Не ў дзень святочны, каб не выклікаць абурэння ў народзе».

МАЦЬВЕЯ 24:9

Тады будуць выдаваць вас на пакуты і забіваць вас будуць, ды будзеце вы зненавіджаны ўсімі народамі за імя Маё.

ВЫСЛОЎІ 27:1

Не хваліся заўтрашнім днём, не ведаючы, што прынясе дзень, што надыходзіць.

ЭСТЭР 3:13

Разасланы былі лісты праз вестуноў усім царскім правінцыям, каб выгубіць, і выбіць, і знішчыць усіх юдэяў: ад дзіцяці аж да старца, малых і жанчын у адзін дзень, гэта значыць у дзень трынаццаты дванаццатага месяца, які называецца Адар, і маёмасць іх адабраць.

ДЗЕІ 8:3

Саўл жа пустошыў царкву, урываючыся ў дамы, і, хапаючы мужчын і жанчын, аддаваў іх у вязніцу.

ДЗЕІ 5:18

і ўсклалі рукі свае на Апосталаў, і пасадзілі іх у грамадскую вязніцу.

ЯНА 19:23

Калі жаўнеры ўкрыжавалі Ісуса, узялі адзенне Яго і падзялілі на чатыры часткі, кожнаму жаўнеру па адной, і туніку. А туніка была не шытая, але ўся тканая зверху ўніз.

ПЛАЧ 3:37

Хто ж ёсць такі, што сказаў — і сталася? Ці ж Госпад не загадаў?

ВЫХАД 12:1

Сказаў Госпад Майсею і Аарону ў зямлі Егіпецкай:

МАРКА 14:1

Да Пасхі і свята праснакоў заставалася два дні. Дык першасвятары і кніжнікі шукалі, як Ісуса схапіць хітрасцю і забіць.

ДЗЕІ 12:3

І, бачачы, што гэта спадабалася юдэям, увязніў да таго ж і Пётру. А былі гэта дні праснакоў.

ДЗЕІ 12:5

І быў Пётра вартаваны ў астрозе. А ў царкве безупынна была малітва за яго да Бога.