ГАЛЯТАЎ 4:16 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁶ Дык ці ворагам стаўся я вам за тое, што казаў вам праўду?

Біблія (пераклад А.Бокуна)

¹⁶ Дык ці ж я стаўся ворагам вашым, кажучы вам праўду?

Біблія (пераклад В. Сёмухі)

¹⁶ І вось, няўжо я стаўся ворагам вашым, кажучы вам праўду?

ГАЛЯТАЎ 4:16 Крыжаваныя спасылкі

АМОСА 5:10

А яны ненавідзяць таго, хто судзіць у браме, не церпяць таго, хто кажа праўду.

ВЫСЛОЎІ 9:8

Не ганьбуй насмешніка, каб ён не зненавідзеў цябе, ганьбуй мудрага — і будзе ён цябе любіць.

ГАЛЯТАЎ 5:7

Вы беглі добра, і хто ж перашкодзіў вам быць паслухмянымі праўдзе?

ЯНА 8:45

А як Я праўду кажу, не верыце Мне.

ПСАЛТЫР 141:5

Хай мяне ўдарыць Справядлівы ў міласэрнасці і паўшчувае мяне; алей жа грэшніка хай не намасціць галавы маёй, бо нават малітва мая супраць ліхадзействаў іх.

3 ЦАРСТВАЎ 22:8

І сказаў цар Ізраэля Язафату: «Ёсць яшчэ адзін чалавек, праз якога можам запытацца ў Госпада; але я яго ненавіджу, бо ён не прарочыць мне добрае, але ліхое: Міхей, сын Емлі». Язафат сказаў яму: «Не гавары так, цар».

ГАЛЯТАЎ 2:5

ім мы не саступілі і не паддаліся ні на хвіліну, каб праўда Евангелля захавалася ў вас.

ЯНА 7:7

Вас свет не можа ненавідзець, а Мяне ненавідзіць, бо Я сведчу аб ім, што яго ўчынкі ліхія.

3 ЦАРСТВАЎ 21:20

І сказаў Ахаб Іллі: «Ці ты знайшоў мяне, вораг мой?» А ён адказаў: «Знайшоў, бо ты запрадаўся, каб чыніць ліхое перад абліччам Госпада.

ГАЛЯТАЎ 2:14

Калі ж я ўбачыў, што яны не ходзяць проста, не паводле праўды Евангелля, сказаў аб гэтым Пётры ў прысутнасці ўсіх: «Калі ты, будучы юдэем, жывеш па-паганску, а не па-юдэйску, чаму змушаеш паганаў жыць па-юдэйску?»

2 ЛЕТАПІСАЎ 25:16

І калі ён гэта яму казаў, той адказаў яму: «Ці ж мы зрабілі цябе дарадчыкам цара? Перастань! Каб не забіў я цябе!» І перастаў прарок, сказаўшы: «Але я ведаю, што рашыў Бог забіць цябе, бо ты зрабіў такое і не паслухаў маёй парады».

3 ЦАРСТВАЎ 22:27

і скажы ім: так загадаў цар: “Пасадзіце гэтага чалавека ў вязніцу і карміце яго хлебам бяды і вадой гора аж да майго вяртання ў супакоі”».

ГАЛЯТАЎ 4:15

Дзе ж тады тое шчасце ваша? Сведчу вам, што, калі б гэта было магчыма, дык, вочы сабе вырваўшы, аддалі б іх мне.

ГАЛЯТАЎ 4:17

Рупяцца яны пра вас не з дабра, але хочуць адарваць вас, каб аб іх вы рупіліся.