ГАЛЯТАЎ 3:17 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁷ Гэта, вось, кажу: запавету аб Хрысце, Богам раней зацверджанага, закон, які з’явіўся праз чатырыста трыццаць гадоў, не адкідае, каб знішчыць абяцанне.

Біблія (пераклад А.Бокуна)

¹⁷ Я вось кажу тое, што запавет пра Хрыста, раней засьведчаны Богам, Закон, які стаўся праз чатырыста трыццаць гадоў, не пазбаўляе сілы, каб зьнішчыць абяцаньне.

Біблія (пераклад В. Сёмухі)

¹⁷ Я кажу тое, што запавета пра Хрыста, раней Богам зацьверджанага, закон, які паявіўся праз чатырыста трыццаць гадоў, не адмяняе так, каб абяцаньне страціла сілу.

ГАЛЯТАЎ 3:17 Крыжаваныя спасылкі

БЫЦЦЁ 15:13

І было сказана яму: «Ведай гэта наперад, што нашчадкі твае будуць прыхаднямі ў зямлі не сваёй, і аддадуць іх у няволю, і прыгнятаць будуць чатырыста гадоў;

2 КАРЫНФЯНАЎ 1:20

Бо колькі абяцанняў Бога, у Ім – «так». Таму таксама праз Яго і «амін», на хвалу Богу праз нас.

РЫМЛЯНАЎ 3:3

Што з таго, што некаторыя не паверылі? Ці ж іх нявер’е знішчыць вернасць Бога?

КАЛАСЯНАЎ 2:4

Гэта ж вам кажу, каб ніхто вас не падмануў падступствам слоў.

ГАЛЯТАЎ 5:4

Вы, што шукаеце ў законе апраўдання, ад Хрыста аддзеленыя і ад ласкі адпалі.

ГАЛЯТАЎ 3:15

Браты, як чалавек кажу, што нават чалавекам зацверджанага запавету ніхто не адкідае або не дадае.

1 КАРЫНФЯНАЎ 1:17

Бо не паслаў мяне Хрыстос хрысціць, але несці добрую вестку; не ў мудрасці слова, каб не адмяніць крыжа Хрыстова.

ЯНА 1:17

бо закон быў дадзены праз Майсея, а ласка і праўда сталіся праз Ісуса Хрыста.

ІСАІ 14:27

Бо Госпад Магуццяў так вырашыў, дык хто ж зможа адмяніць? І рука Яго выцягнута, — дык хто ж яе адверне?

1 ПЯТРА 1:20

Які быў прызначаны перад стварэннем свету, але аб’явіўся ў апошнія часы дзеля вас,

ГАБРЭЯЎ 11:13

Усе яны памерлі ў веры, не атрымаўшы таго, што ім было абяцана, толькі здалёк аглядаючы яго, вітаючы і вызнаючы, што на зямлі яны толькі вандроўнікі і госці.

ГАБРЭЯЎ 7:18

Такім чынам касуецца папярэдняе прыказанне дзеля яго кволасці і некарыснасці.

ЭФЭСЯНАЎ 4:17

Вось, аб гэтым кажу і сведчу ў Госпадзе, каб вы ўжо не хадзілі так, як іншыя народы ходзяць у марнасці розуму свайго,

ГАЛЯТАЎ 3:21

Ці ж закон працівіцца абяцанням Божым? Ніякім чынам. Калі б дадзены быў закон, які мог бы ажыўляць, то, сапраўды, з закону вынікала б справядлівасць.

2 КАРЫНФЯНАЎ 9:6

Бо так ёсць: хто скупа сее, той скупа і сажне, а хто шчодра сее, той шчодра і жаць будзе.

1 КАРЫНФЯНАЎ 10:19

Што ж я кажу? Ці ахвяра, складзеная ідалам, ёсць чымсьці? Або сам ідал ёсць чымсьці?

1 КАРЫНФЯНАЎ 7:29

Кажу, браты, што час кароткі! Дык трэба, каб тыя, што маюць жонак, жылі, як быццам не маюць;

1 КАРЫНФЯНАЎ 1:12

Я кажу тое, што кожны ў вас кажа: «Я Паўлаў», «Я Апалосаў», «Я Кіфаў», «А я Хрыстоў».

РЫМЛЯНАЎ 3:25

Яго прапанаваў Бог перамольнай ахвярай праз веру ў Кроў Яго для выяўлення справядлівасці Сваёй, бо не стаў зважаць на папярэднія злачынствы,

ДЗЕІ 7:6

І сказаў Бог, што будуць нашчадкі яго перасяленцамі ў чужой зямлі, і аддадуць іх у нявольніцтва, і будуць яны прыгнечаныя на працягу чатырохсот гадоў.

ІСАІ 28:18

Ваша прымірэнне са смерцю будзе знішчана, ды дамова ваша з апраметнай не ўтрымаецца; калі надыдзе біч навалы, будзеце вы яму на стаптанне».

ПСАЛТЫР 33:10

Госпад разбурае намеры паганаў, пустымі робіць задумы людзей.

ЁВА 40:8

Схавай іх разам у пыле і твары іх закрый цемраю.

ЛІКІ 30:8

і калі ў той дзень пачуе гэта муж яе і не запярэчыць, — то яна будзе звязана абяцаннем і павінна будзе споўніць, што абяцала.

ЛІКІ 23:19

Бог — гэта не чалавек, каб падманваць, і не як сын чалавечы, каб памыляцца. Ці ж Ён скажа і не здзейсніць?

БЫЦЦЁ 17:19

А Бог кажа яму: «Сара, жонка твая, народзіць табе сына, і ты назавеш імя яго Ізаак; і Я ўсталюю запавет Мой з ім як вечнае пагадненне і з нашчадкамі яго па табе.

БЫЦЦЁ 15:18

У той дзень, вось, заключыў Госпад з Абрамам пагадненне, кажучы: «Я дам гэтую зямлю нашчадкам тваім, ад ручая Егіпецкага аж да вялікай ракі Эўфрат:

ГАЛЯТАЎ 5:16

Кажу вам: кіруйцеся духам, ды не падпадайце пад пажадлівасць цела.

ПСАЛТЫР 105:9

на прымірэнне, якое ўсталяваў Ён з Абрагамам, і пра прысягу Сваю Ізааку.

ЭФЭСЯНАЎ 2:12

у той час былі без Хрыста, адчужаныя ад супольнасці з Ізраэлем і аддаленыя ад абяцанняў запаветаў, не маючы надзеі і без Бога ў свеце.