ГАЛЯТАЎ 3:12 - Кнігі Святога Пісання - Біблія - Біблія — пераклад Чарняўскага (выданне 2017 года)

¹² Закон жа не з веры, але хто будзе спаўняць гэта, той жыць будзе ў гэтым.

Біблія (пераклад А.Бокуна)

¹² А Закон ня ёсьць з веры, але: «Чалавек, які спаўняе яго, жыць будзе ім».

Біблія (пераклад В. Сёмухі)

¹² А закон не ад веры; «а хто выконвае яго, той жыць будзе ім».

ГАЛЯТАЎ 3:12 Крыжаваныя спасылкі

НЭЭМІІ 9:29

І заклінаў Ты іх, каб навярнуць да закону Твайго; але яны трымаліся пагардліва, і не паслухалі прыказанняў Тваіх, і грашылі адносна законаў Тваіх, якія, калі споўніць чалавек, то будзе жыць у іх, і зрабілі яны бунтарскім плячо сваё, і зацвярдзеў іх карак, і не выслухалі яны.

ЕЗЭКІІЛЯ 20:11

і даў ім прыказанні Мае, і аб’явіў ім законы Мае, каб, спаўняючы іх, чалавек жыў сярод іх.

ЕЗЭКІІЛЯ 20:13

І дом Ізраэля ўзбунтаваўся супраць Мяне ў пустыні: не жылі яны паводле прыказанняў Маіх і законы Мае адкінулі, спаўняючы якія, чалавек жыць імі будзе, і суботы Мае надта апаганілі. Дык Я сказаў, што вылью абурэнне Маё на іх у пустыні і іх знішчу.

ЛЯВІТ 18:5

Беражыце пастановы Мае і закон Мой. Спаўняючы іх, чалавек будзе жыць дзякуючы ім. Я — Госпад!

МАЦЬВЕЯ 19:17

Ісус сказаў яму: «Што Мяне завеш добрым? Ніхто не добры, як толькі адзін Бог. А калі хочаш увайсці ў жыццё, спаўняй прыказанні».

РЫМЛЯНАЎ 11:6

А калі з ласкі, дык не за ўчынкі, інакш ласка не была б ужо ласкай. А калі за ўчынкі, то гэта ўжо не ласка, інакш учынак не ёсць ужо ўчынкам.

РЫМЛЯНАЎ 4:14

Бо калі спадкаемцы тыя, што з закону, дык вера пустая і абяцанне знішчыцца.

РЫМЛЯНАЎ 4:16

Таму – па веры, каб з ласкі, каб абяцанне было надзейным для кожнага нашчадка, не толькі для таго аднаго, хто з закону, але і для таго, хто з веры Абрагама, – ён жа бацька ўсіх нас, –

РЫМЛЯНАЎ 7:10

а я памёр; і я знайшоў, што прыказанне, якое было на жыццё, прывяло мяне на смерць.