ГАБРЭЯЎ 8:5 - Кнігі Святога Пісання - Біблія - Біблія — пераклад Чарняўскага (выданне 2017 года)

⁵ Яны служаць вобразу і ценю нябеснага, як сказана было Майсею, калі меў паставіць палатку: «Глядзі, – вось, кажа, – зрабі ўсё паводле ўзору, які быў табе паказаны на гары».

Біблія (пераклад А.Бокуна)

⁵ якія служаць прыкладу і ценю [рэчаў] нябесных, як атрымаў слова Майсей, калі меўся зрабіць намёт: «Глядзі, — прамовіў Ён, — зрабі ўсё паводле ўзору, які паказаны табе на гары».

Біблія (пераклад В. Сёмухі)

⁵ якія служаць вобразу і ценю нябеснага, як сказана было Майсею, калі ён пачынаў ставіць скінію: глядзі, сказана, зрабі ўсё па ўзоры, паказаным табе на гары.

ГАБРЭЯЎ 8:5 Крыжаваныя спасылкі

ВЫХАД 25:40

Глядзі, каб зрабіў паводле ўзору, які быў табе паказаны на гары.

КАЛАСЯНАЎ 2:17

якія з’яўляюцца ценем будучага, цела ж – Хрыстова.

ГАБРЭЯЎ 10:1

Бо закон, маючы цень будучых даброццяў, а не саму выяву рэчаў, аднымі і тымі самымі ахвярамі, штогод без перастанку складанымі, ніколі не можа ўдасканаліць тых, што прыходзяць.

ВЫХАД 26:30

І пастаў скінію паводле ўзору, які быў паказаны табе на гары.

1 ЛЕТАПІСАЎ 28:19

«Усё, — кажа Давід, — прыйшло да мяне напісаным рукой Госпада, каб я разумеў усе працы на прыкладзе».

ВЫХАД 27:8

Зрабі яго з дошак, пусты ён унутры; як было паказана табе на гары, хай так зробяць.

1 ЛЕТАПІСАЎ 28:12

і таксама ўсяго, што праз Духа было з ім: панадворкаў дома Госпада ды ўсялякіх пакояў навокал, скарбаў дома Божага і скарбаў асвечаных рэчаў,

ГАБРЭЯЎ 9:9

Гэта сімвал цяперашняга часу, калі складаюцца разам дары і ахвяры, якія не могуць зрабіць дасканалым паводле сумлення таго, які служыць,

ЛІКІ 8:4

А такім быў выраблены падсвечнік: з золата чаканенага як цэнтральны стрыжань, так і кветкі яго скаваны. Быў падсвечнік зроблены паводле ўзору, які паказаў Госпад Майсею.

ГАБРЭЯЎ 12:25

Глядзіце, не адвярніцеся ад Гаворачага. Бо калі тыя не ўцяклі ад кары, адвярнуўшыся ад таго, які гаварыў на зямлі, то тым больш мы, калі адвернемся ад Таго, Які да нас з нябёсаў гаворыць.

ГАБРЭЯЎ 11:7

Праз веру атрымаў Ной аб’яўленне аб тым, што яшчэ было нябачным, і богабаязна пабудаваў каўчэг на выратаванне сям’і сваёй. Праз яе асудзіў ён свет і стаўся спадкаемцам справядлівасці праз веру.

ДЗЕІ 7:44

Нашы бацькі мелі ў пустыні палатку сведчання; як загадаў Той, Хто гаварыў з Майсеем, каб ён зрабіў яе на ўзор, які бачыў.

ВЫХАД 25:9

Усё цалкам адносна скініі, як Я табе пакажу, і ўсе пасудзіны на служэнне ў ёй, зрабіць такім чынам.

МАЦЬВЕЯ 2:12

І, атрымаўшы ўва сне наказ, каб не вяртацца да Ірада, іншай дарогай вярнуліся ў свой край.

ГАБРЭЯЎ 13:10

Маем ахвярнік, з якога не маюць права есці тыя, якія паслугуюць у палатцы.

АДКРЫЦЦЁ 15:5

І потым убачыў я вось што: і адчынілася на небе святыня палаткі сведчання,

ІСУСА 22:28

Калі б яны гэта хацелі сказаць, мы б адказалі ім: “Вось, бачыце падабенства ахвярніка Госпада, які зрабілі бацькі нашыя не на цэласпаленні, і не на ахвяры, але каб гэта было сведчаннем між намі і вамі”.