ГАБРЭЯЎ 12:27 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁷ Што кажа «яшчэ раз», дык абвяшчае змяненне расхістанага як створанага, каб заставалася непахіснае.

Біблія (пераклад А.Бокуна)

²⁷ А [словы] “яшчэ раз” паказваюць на зьмену таго, што хістаецца, як створанага, каб засталося тое, што не хістаецца.

Біблія (пераклад В. Сёмухі)

²⁷ Словы «яшчэ раз» азначаюць зьмену таго, што скаланаецца, як створанага, каб заставалася непахісным.

ГАБРЭЯЎ 12:27 Крыжаваныя спасылкі

ІСАІ 34:4

І змарнее ўсё войска нябеснае, і згорнуцца нябёсы, як кніга, і ўсё войска іх спадзе, як спадае ліст з вінаграднай лазы ды сухая лістота з фігавага дрэва.

ІСАІ 54:10

Горы бо адступяцца ды ўзгоркі трэсціся будуць, але міласэрнасць Мая не адступіцца ад цябе і не захістаецца прымірэнне Маё, — кажа Госпад, Літасцівец твой. —

ІСАІ 65:17

Бо Я, вось, ствару новыя нябёсы і новую зямлю, не будуць успамінацца ранейшыя падзеі, нават на думку яны не прыйдуць.

ІСАІ 66:22

Бо як нябёсы новыя і зямля новая, якія Я зраблю, будуць трываць перада Мною, — кажа Госпад, — так трываць будзе ваша патомства і ваша імя.

ЕЗЭКІІЛЯ 21:27

Руіны, руіны, руіны зраблю з яго; і гэтага не здарыцца, пакуль не прыйдзе той, якому належыць суд і якому Я аддам яго”.

АГЕЯ 2:21

«Скажы Зарабабэлю, правіцелю Юды, кажучы: “Я ўстрасу неба і разам зямлю,

МАЦЬВЕЯ 24:35

Неба і зямля сыдуць, але слова Маё не праміне.

РЫМЛЯНАЎ 8:19

Стварэнне бо прагна чакае аб’яўлення сыноў Божых.

РЫМЛЯНАЎ 8:21

што і стварэнне таксама будзе вызвалена з няволі сапсаванасці на волю славы дзяцей Божых.

1 КАРЫНФЯНАЎ 7:31

і тыя, што карыстаюцца гэтым светам, як бы не карыстаюцца. Бо праходзіць вобраз гэтага свету.

ГАБРЭЯЎ 1:10

І: «Госпадзе, напачатку заснаваў Ты зямлю, і неба – стварэнне рук Тваіх.

ГАБРЭЯЎ 13:14

бо не маем тут трывалага горада, але шукаем будучага.

ГАБРЭЯЎ 9:11

Але Хрыстос, з’явіўшыся як Першасвятар будучых даброццяў, праз вышэйшую і дасканалейшую і не рукой, значыць не на гэтым свеце, створаную палатку,

АДКРЫЦЦЁ 11:15

І затрубіў анёл сёмы. І сталіся моцныя галасы ў небе, кажучы: «Зрабілася валадарства гэтага свету Валадарствам Госпада нашага і Хрыста Яго, і будзе Ён валадарыць на векі вечныя».

АДКРЫЦЦЁ 21:1

І ўбачыў я новае неба і новую зямлю, бо першае неба і першая зямля зніклі і мора ўжо няма.

АДКРЫЦЦЁ 21:4

і абатрэ Бог кожную слязу з вачэй іх, і смерці ўжо не будзе, ані плачу, ані галашэння, ані болю больш не будзе, бо гэта ўжо ўсё мінула».

АДКРЫЦЦЁ 21:5

І сказаў Той, Які сядзеў на пасадзе: «Вось, Я ствараю ўсё новае». І кажа: «Напішы: словы гэтыя верныя і праўдзівыя».