ГАБРЭЯЎ 12:1 - Кнігі Святога Пісання - Біблія - Біблія — пераклад Чарняўскага (выданне 2017 года)

¹ Дзеля таго і мы, маючы вакол сябе такое мноства сведкаў, адкінуўшы ўсякі цяжар і грэх, што акручвае нас, будзем цярпліва бегчы ў вызначаным нам змаганні,

Біблія (пераклад А.Бокуна)

¹ Дык і мы, маючы навокал нас гэткае воблака сьведкаў, адкінуўшы ўсякі цяжар і грэх, які нас аблытвае, з цярплівасьцю будзем бегчы ў змаганьні, што ляжыць перад намі,

Біблія (пераклад В. Сёмухі)

¹ Таму і мы, маючы вакол сябе такую хмару сьведкаў, скінем зь сябе ўсякі цяжар і грэх, які аблытвае нас, і цярпліва будзем праходзіць праз поле змаганьня, якое ляжыць перад намі,

ГАБРЭЯЎ 12:1 Крыжаваныя спасылкі

2 ЦІМАФЕЯ 4:7

Змагаўся я ў добрым змаганні, бег закончыў, веру захаваў.

ПІЛІПЯНАЎ 2:16

трымаючыся слова жыцця ў пахвалу маю ў дзень Хрыстоў, што я не дарма прабег і не дарма папрацаваў.

ЛУКАША 21:34

Сцеражыцеся, каб не абцяжарылі сэрцы вашы абжорствам і п’янствам ды клопатамі гэтага жыцця, і каб дзень той не прыйшоў да вас знянацку;

ГАЛЯТАЎ 5:7

Вы беглі добра, і хто ж перашкодзіў вам быць паслухмянымі праўдзе?

1 ПЯТРА 2:1

Дык адкінуўшы ўсякае ліха і ўсякую падступнасць, і крывадушнасць, зайздрасць ды ўсякае ачарненне,

РЫМЛЯНАЎ 12:12

у надзеі будзьце радасныя, у горы цярплівыя, у малітве сталыя,

2 КАРЫНФЯНАЎ 7:1

Дык маючы такія абяцанні, умілаваныя, ачысцім сябе ад усякага бруду цела і духа, у страху Божым дасягаючы святасці.

2 ЦІМАФЕЯ 2:4

Ніхто з жаўнераў не мяшаецца ў справы зямныя, каб падабацца таму, хто яго выбраў.

ЯКАВА 1:3

Ведайце, што выпрабаванне веры вашай выклікае цярплівасць.

МАЦЬВЕЯ 24:13

Але хто вытрывае да канца, той будзе збаўлены.

МАЦЬВЕЯ 10:22

І будзеце вы ў нянавісці ад усіх за імя Маё; але хто вытрывае да канца, будзе збаўлены.

ГАБРЭЯЎ 6:15

І так, доўгі час чакаючы, атрымаў абяцанае.

РЫМЛЯНАЎ 2:7

тым, што праз стойкасць у добрых учынках шукаюць славы, пашаны і несмяротнасці – жыццё вечнае;

АДКРЫЦЦЁ 3:10

Бо ўхаваў ты слова стойкасці Маёй, і Я цябе ўхаваю ў гадзіну спакушэння, якая прыйдзе на ўвесь свет зводзіць жыхароў на зямлі.

1 ПЯТРА 4:2

каб той час, што застаўся для жыцця ў целе, пражыць не для пажаданняў чалавечых, але для волі Божай.

ЛУКАША 12:15

Ды сказаў ім: «Зважайце і высцерагайцеся ўсякай хцівасці, бо, калі хто і мае дастатак, яго жыццё не ў тым, што мае».

2 ПЯТРА 1:6

а ў веданні паўстрыманасць, а ў паўстрыманасці цярплівасць, а ў цярплівасці пабожнасць,

АДКРЫЦЦЁ 22:16

Я, Ісус, паслаў Майго анёла, каб даў вам гэтае сведчанне ў цэрквах. Я – Корань і Род Давідаў, Зорка светлая і ранішняя».

1 ПЯТРА 5:12

Коратка я вам напісаў праз Сілівана, вернага брата, як думаю, перасцерагаючы ды і сведчанне прыносячы, што такая вось праўдзівая ласка Божая; у ёй вы стаіце.

ІСАІ 60:8

Хто гэта яны, што лятуць, як хмары ды як галубкі, да вокнаў сваіх?

АДКРЫЦЦЁ 1:9

Я, Ян, брат ваш і сутрывалец у прыгнёце, і ў Валадарстве і ў вытрываласці Ісуса Хрыста, быў на востраве, які называецца Патмас, дзеля слова Божага і сведчанне Ісуса Хрыста.

ЯНА 3:32

і Ён сведчыць аб тым, што ўбачыў і пачуў, і сведчання Яго ніхто не прымае.

ЕЗЭКІІЛЯ 38:16

І нахлынеш супраць Майго народа Ізраэльскага, як хмара, каб запоўніць зямлю. Гэта адбудзецца пры канцы дзён, і Я прывяду цябе ў Маю зямлю на тое, каб пазналі Мяне пагане, калі на тваім прыкладзе, о Гог, Я асвячуся перад іх вачамі”.

ЕЗЭКІІЛЯ 38:9

Ты, аднак, нахлынеш, як бура, і прыйдзеш, як хмара, каб пакрыць зямлю, — ты, і ўсё войска тваё, ды многія народы з табою”».

АДКРЫЦЦЁ 13:10

«Каму ў палон, той ідзе ў палон. Хто на забіванне мечам, належыць таму прапасці ад меча. Тут, вось, цярплівасць і вера святых».

ЛУКАША 16:28

бо маю пяць братоў, – каб засведчыў ім, каб і яны не прыйшлі ў гэтае месца пакуты”.

ПСАЛТЫР 18:23

Бо ўсе прысуды Яго перада мной, і ўсю праўду Яго не адрынуў я ад сябе.

ЯНА 4:39

І многа самарыцянаў з горада таго паверыла ў Яго дзеля слоў жанчыны, якая сведчыла: «Ён мне сказаў усё, што я толькі зрабіла».

ЯНА 4:44

хоць Сам Ісус сведчыў, што прарок не мае пашаны ў сваёй бацькаўшчыне.

ГАЛЯТАЎ 2:2

Накіраваўся ж я згодна з аб’яўленнем; і прадставіў ім, асабліва найвыдатнейшым, Евангелле, якое абвяшчаў паганам, каб часам не надарма бег або бягу.

ЭФЭСЯНАЎ 4:25

Дзеля таго, адкінуўшы падман, гаварыце праўду кожны свайму блізкаму, бо мы члены адзін аднаму.

ПІЛІПЯНАЎ 1:30

такое самае змаганне маючы, якое бачылі ўва мне і як чуеце цяпер пра мяне.

1 ПЯТРА 5:1

Старэйшых, якія сярод вас, прашу я, таксама старэйшы і сведка Хрыстовых цярпенняў ды ўдзельнік тае славы, якая мае аб’явіцца:

ЁВА 8:10

Хіба ж яны не навучаць цябе, не пагавораць з табою і ад шчырага сэрца не прамовяць слова?

МАРКА 10:50

Ён, скінуўшы плашч свой, падняўся і прыйшоў да Ісуса.