ГАБРЭЯЎ 10:24 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁴ і зважайма адзін на аднаго, заклікаючы да любові і да добрых учынкаў.

Біблія (пераклад А.Бокуна)

²⁴ і будзем зважаць адзін на аднаго, заахвочваючы да любові і добрых учынкаў,

Біблія (пераклад В. Сёмухі)

²⁴ будзем уважлівыя адно да аднаго, заахвочваючы ў любові і добрых учынках;

ГАБРЭЯЎ 10:24 Крыжаваныя спасылкі

1 ФЕСАЛОНІКІЙЦАЎ 5:11

Таму пацяшайце адзін аднаго і падтрымлівайце ўзаемна, як вы і робіце.

1 ЯНА 3:18

Дзеткі мае, будзем любіць не словам ці языком, але справай і праўдай.

ГАБРЭЯЎ 13:1

Няхай трывае між вамі братняя любоў.

ГАЛЯТАЎ 5:13

Бо вы, браты, пакліканы да свабоды; толькі каб свабоду вы не давалі як падставу для пажадлівасці цела, але любоўю духа служыце адзін аднаму.

КАЛАСЯНАЎ 3:16

Хай шчодра прабывае ў вас слова Хрыста, каб з усёю мудрасцю адны адных навучалі і настаўлялі ды каб з удзячнасцю Госпаду ў сэрцах вашых спявалі вы псальмы, гімны і песні духоўныя.

ЦІТА 3:8

Вернае слова, і хачу, каб ты сцвярджаў гэта, каб тыя, што вераць Богу, стараліся быць першымі ў добрых учынках. Гэта добра і карысна людзям.

1 ЦІМАФЕЯ 6:18

каб як найбольш рабілі дабра, багацелі добрымі ўчынкамі, былі шчодрымі, дзяліліся,

ГАБРЭЯЎ 13:3

Памятайце пра вязняў, як быццам і вы разам з імі былі зняволенымі, і пра тых, што ў бедах і хваробах, бо і вы самі маеце цела.

ГАЛЯТАЎ 6:1

Браты, калі б і правініўся чалавек якім праступкам, вы, духоўныя, навучайце такога ў духу ласкавасці, зважаючы на саміх сябе, каб і табе не быць спакушаным.

1 КАРЫНФЯНАЎ 10:33

Гэтак і я ўсім ва ўсім дагаджаю, не шукаючы сваёй карысці, але карысці для многіх, каб яны былі збаўлены.

ГАЛЯТАЎ 5:6

Бо ў Хрысце Ісусе ані абразанне, ані неабразанне не маюць сілы, а толькі вера, што дзейнічае праз любоў.

2 КАРЫНФЯНАЎ 8:8

Кажу гэта не як загад, але выпрабоўваючы руплівасцю іншых прыроджаную дабрачыннасць вашай любові.

ДЗЕІ 11:29

Дык вучні вырашылі, што кожны па магчымасці мае ўспамагчы братам, што пражываюць у Юдэі.

2 ФЕСАЛОНІКІЙЦАЎ 3:9

Не дзеля таго, што не мелі мы ўлады, але каб з сябе даць вам прыклад для наследавання нам.

ГАЛЯТАЎ 5:22

Плод жа духа – любоў, радасць, супакой, доўгацярплівасць, ласкавасць, дабрыня, вера,

2 КАРЫНФЯНАЎ 9:2

бо ведаю пра вашу ахвоту, дзеля якой хвалюся вамі сярод мацэдонцаў, што Ахая прыгатавана ад мінулага года, і так ваша руплівасць заахвоціла многіх.

РЫМЛЯНАЎ 12:15

Радуйцеся з тымі, хто радуецца, плачце з тымі, хто плача.

ЦІТА 2:4

разумна вучыць маладых, каб яны любілі сваіх мужоў і дзяцей,

1 КАРЫНФЯНАЎ 9:22

Для кволых стаўся як кволы, каб прыцягнуць кволых; стаўся ўсім для ўсіх, каб хоць некаторых збавіць.

1 ФЕСАЛОНІКІЙЦАЎ 1:3

памятаючы дзейнасць веры вашай, працу любові і трываласць надзеі ў Госпадзе нашым Ісусе Хрысце перад Богам і Айцом нашым,

РЫМЛЯНАЎ 11:4

А што ж кажа яму адказ Божы? «Пакінуў Я Сабе сем тысяч мужоў, якія не ўкленчылі перад Баалам».

ПСАЛТЫР 41:1

Кіраўніку хору. Псальм Давідаў.

ВЫСЛОЎІ 29:7

Справядлівы ведае справу бедных, а бязбожнік не мае ведаў.

ГАБРЭЯЎ 3:13

але заахвочвайце самі сябе штодня, пакуль трывае гэтае «сёння», каб не зацвярдзеў хто з вас праз падман граху.