ВЫХАД 40:38 - Кнігі Святога Пісання - Біблія - Біблія — пераклад Чарняўскага (выданне 2017 года)

³⁸ Бо ўдзень пакрывала скінію воблака Госпада, а ўночы свяціла, быццам бляск агню, на вачах усяго дома Ізраэля ў час усіх іх вандровак.

Біблія (пераклад А.Бокуна)

³⁸ Бо воблака ГОСПАДА было над Сялібай удзень, і агонь быў над ёй уначы перад вачыма ўсяго дому Ізраіля ў-ва ўсіх падарожжах іхніх.

Біблія (пераклад В. Сёмухі)

³⁸ бо воблака Гасподняе стаяла над скініяй удзень, і агонь быў уначы ў ёй перад вачыма ўсяго дома Ізраілевага падчас усяго падарожжа іхняга.

ВЫХАД 40:38 Крыжаваныя спасылкі

2 ЦАРСТВАЎ 7:6

Бо ніколі не жыў Я ў доме з дня, у які вывеў сыноў Ізраэля з зямлі Егіпецкай, аж да гэтага дня, але прабываў Я ў свяцілішчы або ў палатцы.

ПСАЛТЫР 105:39

Расцягнуў Ён хмару, нібы покрыва, і агонь, каб свяціў ім уночы.

ПСАЛТЫР 78:14

І правёў іх у воблаку на працягу дня, а на працягу ўсёй ночы ў асвятленні агню.

ВЫХАД 13:21

А Госпад ішоў перад імі днём у воблачным слупе, каб паказваць дарогу, а ноччу ў слупе агню, каб свяціць ім, каб быў правадыр у дарозе ў любы час.

ВЫХАД 13:22

Ніколі не знікаў з вачэй народа слуп воблачны днём, ані вогненны слуп ноччу.

ЛІКІ 10:34

Таксама воблака Госпадава было над імі ўдзень, калі яны выходзілі.

ЛІКІ 9:12

Хай не пакідаюць з яе анічога да раніцы, таксама косткі яе хай не ламаюць: хай увесь парадак Пасхі захоўваюць.

ЛІКІ 9:15

Такім чынам, у дзень, у які была пастаўлена скінія, воблака накрыла скінію разам з палаткай сведчання; і ад вечара аж да раніцы заставалася над скініяй у выглядзе агню.

ЛІКІ 9:16

І так было заўсёды: удзень пакрывала яе воблака, а ўночы — быццам бляск агню.