ВЫХАД 40:20 - Кнігі Святога Пісання - Біблія - Біблія — пераклад Чарняўскага (выданне 2017 года)

²⁰ Ён узяў сведчанне і паклаў яго ў каўчэг, і, прасунуўшы скрозь жэрдкі, накрыў зверху перамольняй.

Біблія (пераклад А.Бокуна)

²⁰ I ўзяў, і палажыў Сьведчаньне ў Каўчэг, і ўлажыў насілы ў Каўчэг, і палажыў накрыўку на Каўчэг зьверху.

Біблія (пераклад В. Сёмухі)

²⁰ І ўзяў і паклаў адкрыцьцё ў каўчэг, і ўклаў жэрдкі ў колцы каўчэга, і паклаў века на каўчэг зьверху;

ВЫХАД 40:20 Крыжаваныя спасылкі

3 ЦАРСТВАЎ 8:9

А ў каўчэгу не было нічога, апрача дзвюх каменных табліц, якія туды паклаў Майсей у Гарэбе, калі Госпад заключыў запавет з сынамі Ізраэля ў час іх выхаду з зямлі Егіпецкай.

1 ЛЕТАПІСАЎ 15:3

Дык сабраў Давід увесь Ізраэль у Ерузаліме, каб занесці каўчэг Госпада на сваё месца, якое прыгатаваў для яго;

2 ЛЕТАПІСАЎ 5:10

І ў каўчэгу не было нічога іншага, акрамя дзвюх табліц, якія паклаў Майсей у Гарэбе, калі Госпад заключыў запавет з сынамі Ізраэля ў час іх выхаду з Егіпта.

ПСАЛТЫР 40:8

тады сказаў я: «Вось, іду; на пачатку кнігі напісана пра мяне.

ВЫХАД 16:34

Як загадаў Госпад Майсею, паклаў яго Аарон для захавання перад каўчэгам сведчання.

ВЫХАД 26:34

Пакладзі і перамольню на каўчэг сведчання ў месцы найсвяцейшым.

ВЫХАД 31:18

І па спыненні гэтае размовы на гары Сінай даў Госпад Майсею дзве каменныя табліцы сведчання, напісаныя пальцам Божым.

ВЫХАД 40:19

і разбіў палатку над скініяй, накрыўшы яе пакрыццем зверху, як загадаў Госпад Майсею.

ВЫХАД 40:3

і паставіш у ёй каўчэг сведчання, накрый яго пакрывалам; і, калі

МАЦЬВЕЯ 3:15

Адказваючы ж, Ісус сказаў яму: «Дазволь цяпер, бо гэтак нам належыць выканаць усякую справядлівасць». Тады Ян дапусціў Яго.

РЫМЛЯНАЎ 10:4

Бо завяршэнне закону – Хрыстос, для апраўдання кожнага, хто верыць.

РЫМЛЯНАЎ 3:25

Яго прапанаваў Бог перамольнай ахвярай праз веру ў Кроў Яго для выяўлення справядлівасці Сваёй, бо не стаў зважаць на папярэднія злачынствы,

ДРУГІ ЗАКОН 10:5

Я павярнуўся і сышоў з гары, і паклаў табліцы ў каўчэг, які зрабіў; і там знаходзяцца яны аж дагэтуль, як мне загадаў Госпад.

ГАБРЭЯЎ 4:16

Хадзем жа тады з даверам да пасада ласкі, каб атрымаць міласэрнасць і знайсці ласку на спрыяльную дапамогу.

ГАБРЭЯЎ 9:4

у якой быў залаты кадзільнік і каўчэг запавету, абкладзены з кожнага боку золатам, у якім была залатая пасудзіна з маннай і кій Аарона, які расцвіў, ды табліцы запавету,

1 ЯНА 2:2

Ён ёсць уміласціўленне за грахі нашы, ды не толькі за грахі нашы, але і ўсяго свету.