ВЫХАД 25:18 - Кнігі Святога Пісання - Біблія - Біблія — пераклад Чарняўскага (выданне 2017 года)

¹⁸ Зрабі таксама двух херубінаў, з золата і чаканнай працы, з абодвух бакоў перамольні,

Біблія (пераклад А.Бокуна)

¹⁸ I зробіш двух херувімаў з золата, каванымі зробіш іх з абодвух бакоў накрыўкі.

Біблія (пераклад В. Сёмухі)

¹⁸ і зрабі з золата двух херувімаў: чаканнага вырабу зрабі іх на абодвух канцах вечка;

ВЫХАД 25:18 Крыжаваныя спасылкі

БЫЦЦЁ 3:24

І выгнаў чалавека, і паставіў перад раем Эдэн херубіна з агністым мечам, які верціцца, каб сцерагчы дарогу да дрэва жыцця.

1 ЛЕТАПІСАЎ 28:18

а на ахвярнік, на якім успальваецца кадзіла, даў найчысцейшага золата, і золата на будаванне павозкі з залатымі херубінамі, якія расцягваюць крылы і прыкрываюць каўчэг прымірэння Госпада.

2 ЛЕТАПІСАЎ 3:10

Выразаў таксама ў святым з святых двух херубінаў скульптурнай работы і пакрыў іх золатам.

ВЫХАД 25:17

Зрабі таксама перамольню з найчысцейшага золата: даўжыня яе хай мае два з паловаю локці, а шырыня — паўтара локця.

ВЫХАД 25:19

адзін херубін хай будзе на адным баку, а другі — на другім; зрабі херубінаў на перамольні, на абодвух баках яе.

ВЫХАД 25:36

Такім чынам, яблыкі і галіны будуць з ім адным цэлым, і ўсё вычаканена з найчысцейшага золата.

ЕЗЭКІІЛЯ 10:2

І Ён сказаў чалавеку, які быў апрануты ў ільняныя шаты, і прамовіў: «Увайдзі паміж колаў пад херубінамі, і напоўні свае далоні вугалямі агню з месца між херубінамі, і раскінь іх па горадзе». Ды ўвайшоў туды на маіх вачах.

ЕЗЭКІІЛЯ 10:20

Была гэта тая самая істота жывая, якую я ўбачыў пад Богам Ізраэля над ракою Кэбар, і даведаўся я, што гэта былі херубіны.

ЕЗЭКІІЛЯ 10:3

А херубіны стаялі на правым баку дома, калі той чалавек туды ўваходзіў, і воблака запоўніла ўнутраны панадворак.

ГАБРЭЯЎ 9:5

а зверху над каўчэгам былі херубіны славы, ацяняючы перамольню. Аб гэтым падрабязна няма патрэбы цяпер гаварыць.

1 ЦАРСТВАЎ 4:4

Дык паслаў народ у Сіло, і прынеслі адтуль каўчэг запавету Госпада Магуццяў, Які сядзеў на херубінах. Пры каўчэгу запавету Бога былі два сыны Гэлі: Хофні і Пінхас.