ВЫХАД 20:8 - Кнігі Святога Пісання - Біблія - Біблія — пераклад Чарняўскага (выданне 2017 года)

⁸ Памятай, што дзень суботы ты святкуеш.

Біблія (пераклад А.Бокуна)

⁸ Памятай дзень супачынку, каб сьвяціць яго.

Біблія (пераклад В. Сёмухі)

⁸ Але памятай дзень суботні, каб сьвяціць яго;

ВЫХАД 20:8 Крыжаваныя спасылкі

БЫЦЦЁ 2:2

У сёмы дзень скончыў Бог тварэнне Сваё, што ўчыніў, і ў дзень сёмы супачыў ад усякага тварэння, што выканаў.

БЫЦЦЁ 2:3

І дабраславіў Бог дзень сёмы і ўсвяціў яго, бо ў ім супачыў ад усякай працы Сваёй, якую зрабіў Бог, творачы.

НЭЭМІІ 13:15

У тыя дні ўбачыў я, як у Юдэі тапталі ў давільнях у суботу, насілі снапы і клалі на аслоў іх, а таксама і віно, і вінаград, і фігі, і ўсякі цяжар, і прывозілі ў Ерузалім у дзень суботні; і заклінаў я іх, калі яны у гэты дзень прадавалі харчы.

НЭЭМІІ 9:14

І паказаў Ты ім асвячоную Тваю суботу, і прыказанні, і пастановы, і закон даў ім праз рукі раба Твайго Майсея.

ВЫХАД 23:12

Шэсць дзён будзеш працаваць; у сёмы дзень спынішся, каб адпачылі вол твой і асёл твой і адпачыў сын нявольніцы тваёй і чужынец.

ВЫХАД 31:12

І сказаў Госпад Майсею, гаворачы:

ВЫХАД 35:1

Такім чынам, сабраўшы ўсю грамаду сыноў Ізраэля, ён сказаў ім: «Вось што загадаў Госпад, каб споўнілася.

ІСАІ 56:2

Шчасны чалавек, які так робіць, і сын чалавечы, які гэтага трымаецца, пільнуючы шабат, каб не спаганіць яго, пільнуючы руку сваю, каб не ўчыніць аніякага ліха.

ІСАІ 58:13

Калі адвядзеш нагу сваю ў шабат, каб не рабіць працы ў дзень Мой святы, і назавеш шабат асалодаю і слаўным святым днём для Госпада, і калі ўшануеш яго, адклаўшы падарожжы свае, справы свае і размовы свае,

ЕРАМІІ 17:21

Гэта кажа Госпад: “Пільнуйце душы вашы і не насіце цяжару ў дзень суботы ды не ўносьце праз брамы Ерузаліма.

ЕРАМІІ 17:22

І не выносьце цяжараў з сваіх дамоў у дзень суботы, і не рабіце ніякай работы: святкуйце дзень суботы, як загадаў Я бацькам вашым”».

ЕРАМІІ 17:24

І станецца, калі будзеце слухаць Мяне, — кажа Госпад, — каб не ўносілі цяжараў праз брамы горада гэтага ў дзень суботы, і каб святкавалі дзень суботы, ды не рабілі аніякае работы,

ЕЗЭКІІЛЯ 20:20

і святкуйце суботы Мае, каб былі яны знакам паміж Мной і вамі і каб ведалі вы, што Я — Госпад, Бог ваш”.

ЛЯВІТ 19:3

Хай кожны паважае маці і бацьку свайго. Пільнуйце суботы Мае. Я — Госпад, Бог ваш!

ЛЯВІТ 19:30

Пільнуйце Мае суботы і паважайце Маё святое месца. Я — Госпад!

ЛЯВІТ 23:3

Шэсць дзён будзеце працаваць, а сёмы дзень — субота супачынку, сход святы, не будзеце зусім працаваць, бо гэта субота для Госпада ва ўсіх месцах пражывання вашага.

ЛЯВІТ 26:2

Святкуйце суботы Мае і шануйце святыню Маю. Я — Госпад!

ЛІКІ 15:32

І здарылася, калі сыны Ізраэля прабывалі ў пустыні і напаткалі чалавека, што збіраў дровы ў дзень суботы,

ДРУГІ ЗАКОН 5:12

Беражы дзень суботні, каб ты святкаваў яго, як загадаў табе Госпад, Бог твой.