ВЫСЛОЎІ 8:36 - Кнігі Святога Пісання - Біблія - Біблія — пераклад Чарняўскага (выданне 2017 года)

³⁶ А хто адносна мяне зграшыць, той пакалечыць душу сваю: усе, хто ненавідзіць мяне, — смерць любяць».

Біблія (пераклад А.Бокуна)

³⁶ а хто грашыць супраць мяне, шкодзіць душы сваёй; усе, якія ненавідзяць мяне, любяць сьмерць».

Біблія (пераклад В. Сёмухі)

³⁶ а хто грэшыць супроць мяне, учыняе шкоду душы маёй: усе тыя, што ненавідзяць мяне, любяць сьмерць».

ВЫСЛОЎІ 8:36 Крыжаваныя спасылкі

ВЫСЛОЎІ 15:32

Хто адкідае настаўленне — адцураецца душы сваёй; а хто слухае папрокі — уладар сэрца [свайго].

ВЫСЛОЎІ 1:31

І вось, хай яны спажываюць плён свайго шляху, насычаюцца сваімі парадамі.

1 КАРЫНФЯНАЎ 16:22

Калі хто не любіць Госпада Ісуса Хрыста, анатэма! Марана та!

ВЫСЛОЎІ 20:2

Як рыканне льва — так і гнеў цара, хто яго выклікае — грашыць супраць душы сваёй.

ВЫСЛОЎІ 12:1

Хто любіць настаўленне — любіць веды; а хто ненавідзіць папрокі, той неразумны.

ГАБРЭЯЎ 10:29

Падумайце самі, наколькі ж страшнейшых кар варты той, які Сына Божага патаптаў, ці кроў запавету, якой быў асвечаны, за звычайную лічыў і Духа ласкі зняважыў?

ЕЗЭКІІЛЯ 18:31

Адкіньце ад сябе ўсе грахі свае, у якіх жылі, і стварыце сабе новае сэрца і новы дух. І навошта мелі б вы паміраць, дом Ізраэля?

ГАБРЭЯЎ 2:3

то якім чынам мы зможам ухіліцца, калі занядбаем гэткае збаўленне, якое спачатку было абвешчана Госпадам, а ў нас умацавана было тымі, што чулі ад Яго

ДЗЕІ 13:46

Тады Паўла і Барнаба сказалі адважна: «Першым вам належала прапаведаваць слова Божае, але, калі вы яго адкідваеце ды самі сябе лічыце за нягодных жыцця вечнага, вось, мы звернемся да паганаў.

ЕЗЭКІІЛЯ 33:11

Скажы ім: “Жыву Я, — кажа Госпад Бог, — не хачу смерці бязбожніка, але каб адвярнуўся бязбожнік ад дарогі сваёй і жыў. Адвярніцеся, адвярніцеся ад дарог сваіх найгоршых; і чаму маеце прападаць, дом Ізраэля?”»

ВЫСЛОЎІ 21:6

Хто збірае скарбы падманным языком, той будзе кінуты ў пасткі смерці.

ЁВА 35:6

Калі ты ўчыніш грэх, што зробіш ты Яму? А калі злачыннасці твае будуць памнажацца, што зробіш ты супраць Яго?

ВЫСЛОЎІ 1:32

Адступніцтва невукаў заб’е іх, а нядбаласць бязглуздых загубіць іх.

ІСАІ 3:9

Бо выраз твараў іх абвінавачвае іх; як Садом, абвяшчаюць яны свой грэх і не хаваюць; гора душы іх, бо ліха аддадзена ім назад.

ЕРАМІІ 27:13

Нашто паміраць вам, табе і народу твайму, ад меча, голада і заразы, як гэта прадказаў Госпад аб народзе, які не хацеў бы служыць цару Бабілона?

ДЗЕІ 16:28

Тады Паўла закрычаў на ўвесь голас, кажучы: «Не рабі сабе нічога благога, бо мы ўсе тут».