ВЫСЛОЎІ 6:32 - Кнігі Святога Пісання - Біблія - Біблія — пераклад Чарняўскага (выданне 2017 года)

³² Хто ж чужаложыць з жанчынаю, неразумны той; згубіць душу сваю той, хто робіць гэта.

Біблія (пераклад А.Бокуна)

³² Хто чужаложыць з жанчынаю, той бязглузды; загубіць душу сваю той, хто гэтак чыніць.

Біблія (пераклад В. Сёмухі)

³² А хто пералюбнічае з жанчынаю, у таго няма розуму; той губіць душу сваю, хто робіць такое;

ВЫСЛОЎІ 6:32 Крыжаваныя спасылкі

БЫЦЦЁ 41:39

І сказаў ён Язэпу: «Калі табе Бог аб’явіў усё, што ты сказаў, то ці змагу знайсці мудрэйшага, падобнага да цябе?

ВЫХАД 20:14

Не чужалож.

ВЫСЛОЎІ 10:13

У вуснах мудрага знаходзіцца мудрасць, а розгі — на спіне таго, хто не мае сэрца.

ВЫСЛОЎІ 10:21

Вусны справядлівага павучаюць вельмі многіх; а той, хто бязглузды, памрэ ад беднасці сэрца.

ВЫСЛОЎІ 11:12

Хто пагарджае сябрам сваім, той бедны на разважлівасць, а разважлівы чалавек будзе маўчаць.

ВЫСЛОЎІ 12:11

Хто сваю зямлю апрацоўвае — насыціцца хлебам, а хто ганяецца за прывідамі — неразумны.

ВЫСЛОЎІ 2:2

накіроўваючы вуха сваё да мудрасці, схіляючы сэрца сваё да пазнання разважлівасці,

ВЫСЛОЎІ 24:30

Праходзіў я праз поле лянівага чалавека і праз вінаграднік чалавека, пазбаўленага розуму:

ВЫСЛОЎІ 6:33

Аб’яднае ён у сабе пакуту і ганьбу, і ганьба яго не спыніцца,

ВЫСЛОЎІ 7:7

бачу я сярод моладзі юнака неразумнага,

ВЫСЛОЎІ 8:36

А хто адносна мяне зграшыць, той пакалечыць душу сваю: усе, хто ненавідзіць мяне, — смерць любяць».

ВЫСЛОЎІ 9:4

«Калі ёсць хто просты чалавек, хай прыйдзе да мяне!» А неразумнаму казала:

ЕРАМІІ 5:21

“Паслухай, народ без розуму і без сэрца, якія, маючы вочы, не бачаць, маючы вушы, не чуюць.

ЕРАМІІ 5:8

Сталіся яны коньмі адкормленымі і неакілзанымі, кожны ржэ на жонку бліжняга свайго.

ЕЗЭКІІЛЯ 18:31

Адкіньце ад сябе ўсе грахі свае, у якіх жылі, і стварыце сабе новае сэрца і новы дух. І навошта мелі б вы паміраць, дом Ізраэля?

АСІІ 13:9

Знішчаю цябе, Ізраэль; хто ж твой успаможца?

ГАБРЭЯЎ 13:4

Няхай ва ўсіх будзе ў пашане шлюб і ложак беззаганны, бо распуснікаў і чужаложнікаў судзіць будзе Бог.