ВЫСЛОЎІ 3:33 - Кнігі Святога Пісання - Біблія - Біблія — пераклад Чарняўскага (выданне 2017 года)

³³ Праклён Госпада — на доме бязбожніка, а жыллё справядлівых будзе Ім дабраслаўляцца.

Біблія (пераклад А.Бокуна)

³³ Праклён ад ГОСПАДА на доме бязбожніка, але жытло праведных Ён дабраслаўляе.

Біблія (пераклад В. Сёмухі)

³³ Праклён Гасподні на дом бязбожніка, а дом пабожнага Ён дабраслаўляе.

ВЫСЛОЎІ 3:33 Крыжаваныя спасылкі

ПСАЛТЫР 37:22

Бо дабраславёныя Яго ўспадкаемяць зямлю, а праклятыя Ім будуць знішчаны.

МАЛАХІІ 2:2

Калі вы не жадаеце слухаць ды не жадаеце ўзяць сабе ў сэрца, каб шанаваць імя Маё, — кажа Госпад Магуццяў, — дык Я спашлю на вас праклён і пракляну дабраславенні вашы; і пракляну іх за тое, што вы не ўзялі гэтага да сэрца.

ПСАЛТЫР 91:10

Не падступіцца да цябе ліха і бізун не наблізіцца да палаткі тваёй,

ДРУГІ ЗАКОН 7:26

Не прынось брыдоту ў дом твой, каб не было на цябе пракляцця, як і на яе; прызнавай гэта за бруд і лічы за нячыстасць ды агіднасць брыдкую, бо гэта — пракляцце.

ВЫСЛОЎІ 21:12

Справядлівы назірае за домам бязбожніка: як упадаюць бязбожныя у няшчасце.

ПСАЛТЫР 1:3

І будзе ён, як дрэва паблізу цячэння вод, якое дае плод у свой час і лістота якога не вяне; і ўсё, што ён робіць, будзе ўдавацца яму.

2 ЦАРСТВАЎ 6:11

І прабыў каўчэг Госпада ў доме Абэдэдома з Гета тры месяцы, і дабраславіў Госпад Абэдэдома і ўвесь дом яго.

ІСУСА 7:13

Устань! Ачысці народ і скажы ім: “Ачысціцеся да заўтра. Бо вось што кажа Госпад, Бог Ізраэля: “Праклён у грамадзе тваёй, Ізраэлю! Не зможаш устаяць перад ворагамі сваімі, пакуль не выдаліце праклён з грамады вашай”.

ДРУГІ ЗАКОН 11:28

і праклён, калі не паслухаеце прыказанні Госпада, Бога вашага, але сыдзеце з дарогі, якую я вам цяпер паказваю, і пойдзеце за багамі чужымі, якіх не ведаеце.

ІСУСА 6:18

Усё, што залатое або срэбранае, і посуд з медзі і жалеза — гэта святыня для Госпада, памешчаная ў скарбоўнях Яго».

ЁВА 24:18

Лёгкі такі на паверхні вады, і праклятая доля яго на зямлі, і няма нікога, хто б накіраваў яго да вінаграднікаў.

ЁВА 31:12

Гэта агонь, што паглынае аж да загубы і што выкараняе ўсё народжанае.

ВЫСЛОЎІ 10:6

Дабраславенні Госпадавы — на галаве справядлівага, а вусны бязбожнікаў хаваюць лютасць.

ВЫСЛОЎІ 14:11

Дом бязбожнікаў разваліцца, а хорамы справядлівых будуць расці.

ВЫСЛОЎІ 15:6

У доме справядлівага вельмі многа багацця, а ў набытках бязбожніка — хваляванне.